Sehluko 3
Babonisi babeka baphristi kanye nebafundzisi ngekubabeka tandla. Cishe ngemnyaka weNkhosi wema-401–421.
1 Indlela bafundzi, labebabitwa ngebabonisi belibandla, labebabeka ngayo baphristi kanye nebafundzisi—
2 Emvakwekutsi sebathandazile kuBabe egameni laKhristu, babeka tandla tabo kubo, base batsi:
3 Egameni laJesu Khristu ngiyakubeka kutsi ube ngumphristi (noma uma angumfundzisi, ngikubeka kutsi ube ngumfundzisi) kute ushumayele kuphendvuka kanye nekutsetselelwa kwetono ngaJesu Khristu, ngekubeketela ngelukholo egameni lakhe kute kube sekugcineni. Amen.
4 Bababeka ngalendlela baphristi kanye nebafundzisi, ngekwetipho kanye nangekwelubito lwaNkulunkulu kubantfu; futsi bababeka ngemandla aMoya loNgcwele, lobekakubo.