1 Ma ugbua, ana m ekwu kwa gbasara ndị ahụ na-ekweghị na Kraịst.

2 Lee, unu ga-ekwere nʼụbọchị nke nleta unu—lee, mgbe Onye-nwe ga-abịa, e, ọbụna ^annukwu ụbọchị ahụ mgbe a ga-afụkọta ^bụwa ọnụ dịka akwụkwọ afụkọtara afụkọta, ma ihe nile dị nʼime ya ^cga-agbaze site nʼoke ọkụ na-eresike, e, na nnukwu ụbọchị ahụ mgbe a ga-akpọta unu iguzo nʼiru Nwa-atụrụ nke Chineke—mgbe ahụ unu ga-asị na ọdịghị Chineke dị?

3 Mgbe ahụ unu ga-aga nʼiru na-agọnarị Kraịst ahụ, ma-ọbụ unu nwere ike ile Nwa-atụrụ nke Chineke ahụ? Unu nwere ike ibinyere ya na mmata nke ikpe-ọmụma nke mụọ unu nke ọma? Unu chere na unu ga-enwe an̄ụrị ibinyere Onye nsọ ahụ, mgbe a tara mkpụrụ-obi unu ahụhụ na mmata nke ikpe-ọmụma nke mụọ na unu nọgidere nʼijehie iwu ya nile?

4 Lee, asị m unu na unu ga-anọ nʼọnọdụ nhuju-anya karịa nʼibinyere Chineke ahụ dị nsọ na onye ziri-ezi, nʼọmụma nke iru-inyi unu nʼiru ya, karịa ka unu ga anọ ibinyere ^amkpụrụ-obi nile ndị a mara ikpe ^bnʼala-mụọ.

5 N’ihi na lee, mgbe a ga-akpọta unu ịhụ ^aịgba-ọtọ unu nʼiru Chineke, na kwa ebube nke Chineke, na ịdị nsọ nke Jisus Kraịst, ọ ga amụnye-kwasị unu ire ọkụ na anaghị-ekwe-mmenyụ.

6 O mgbe ahụ unu ndị ^ana-anaghị ekwe ekwe, ^btụgharịkwute nụ Onye-nwe; kpọkuo Nna nnukwu mkpọku nʼaha nke Jisus, na mgbe ụfọdụ a ga-enweta unu ^cnʼenweghị ntụpọ, ịdị-ọcha, ịma mma, na ọcha, ebe a sachaworo unu site nʼọbara nke ^dNwa-atụrụ ahụ, na nnukwu na ụbọchị ikpe-azụ ahụ.

7 Ma ọzọ ana m agwa unu ndị ^ana-agọnarị mkpughe nile nke Chineke, ma sị na-ewezugawo ha, na enweghị mkpughe ọbụla dị, ma-ọbụ amụma nile, ma-ọbụ onyinye nile, ma-ọbụ ọgwụgwọ, ma-ọbụ ịkwu nʼasụsụ nile, na ^bịsụgharị asụsụ nile;

8 Lee asị m unu, onye nke na-agọnarị ihe ndị a amaghị ^aozi-ọma nke Kraịst; e, ọ gụbeghị akwụkwọ-nsọ nile; ọbụrụ otu ahụ, ọ ^bghọtaghị ha.

9 Ma ọ bụ na anyị anaghị agụ na Chineke bụ ^aotu ihe ahụ ụnyahụ, taa, na ruo mgbe nile, ma nʼime ya ọ dịghị mgbanwe dị ọbụghị ma enwere onyinyo nke ịgbanwe agbanwe?

10 Ma ugbua, ọbụrụ na unu echeliteworo onwe unu otu chi onye na-agbanwe agbanwe, na nʼime onye nke e nwere onyinyo nke ịgbanwe agbanwe, mgbe ahụ ka unu cheliteworo onwe unu otu chi onye na abụghị Chineke nke ọrụ-ebube nile.

11 Mana lee, aga m egosị unu otu Chineke nke ọrụ-ebube nile, ọbụna Chineke nke Abraham, na Chineke nke Aịsak, na Chineke nke Jekọb; ma ọ bụ otu ^aChineke ahụ onye kere elu-igwe nile na ụwa, na ihe nile nke dị nʼime ha.

12 Lee, o kere Adam, ma site na ^aAdam ka ^bọdịda nke mmadụ siri bịa. Ma n’ihi ọ dịda nke mmadụ ahụ ka Jisus Kraịst jiri bịa, ọbụna Nna na Ọkpara; ma n’ihi Jisus Kraịst ka ^cmgbapụta nke mmadụ siri bịa.

13 Ma n’ihi mgbapụta nke mmadụ, nke sitere na Jisus Kraịst bịa, a na akpọghachị ha nʼebe Onye-nwe nọ; e, nke a bụ ụzọ nke esị nʼagbapụta mmadụ nile, n’ihi na ọnwụ nke Kraịst na-eme ka ^ambilite-nʼọnwụ mezuo, nke na-eweta na mmezu mgbapụta site ^bnʼụra agwụgh-agwụ, site nʼụra nke a ga-akpọte mmadụ nile site nʼike nke Chineke mgbe opi ga ada; ma ha ga-apụta, ma ndị nta ma ndị ukwu, ma ha nile ga eguzoro nʼiru oche-ikpe ya, ebe a gbapụtara ha ma tọpụ ha site ^cnʼagbụ ebighi-ebi nke ọnwụ a, ọnwụ nke bụ ọnwụ nke arụ.

14 Ma mgbe ahụ ka ^aikpe nke Onye Nsọ ahụ ga-abịakwasị ha; ma mgbe ahụ ka oge ahụ ga-abịa mgbe onye nke ^bruru inyị ga-anọgide nʼiru inyi; ma onye nke bụ onye ezi-omume ga-anọgide kwa nʼezi-omume; onye nke nwere an̄ụrị ga-anọgide kwa nʼan̄ụrị; ma onye nke na-enweghị an̄ụrị ga-anọgide kwa na-enweghị an̄ụrị.

15 Ma ugbua, O unu nile ndị cheliteworo nye onwe unu otu chi onye na ^aenweghị ike ime ọrụ-ebube nile, aga m ajụ unu, ihe nile ndị a ha a gafewo, nke m kwuworo maka ha? Nsọtụ ahụ ọ bịawo? Lee asị m unu, E-e; ma Chineke akwusịbeghị ịbụ Chineke nke ọrụ-ebube nile.

16 Lee, ihe nile nke Chineke meworo ha atụghị unu nʼanya? E, onye nwere ike ịghọta ^aọrụ ịtụ nʼanya nile nke Chineke?

17 Onye ga-asị na ọ bụghị ọrụ-ebube na site ^anʼokwu ya elu-igwe na ụwa ga-adị; na site nʼike nke okwu ya e ^bkere mmadụ site ^cnʼuzuzu nke aja; na site nʼike nke okwu ya ka e meworo ọrụ-ebube nile?

18 Ma onye ga-asị na Jisus Kraịst emeghị ọtụtụ nnukwu ^aọrụ-ebube nile? Ma e nwere ọtụtụ nnukwu ọrụ-ebube nile e jiri aka nile nke ndị-ozi mee.

19 Ma ọbụrụ na e nwere ^aọrụ-ebube nile e mere mgbe ahụ, gịnị mere Chineke jiri kwusị ịbụ Chineke nke ọrụ-ebube nile ma na-abụ kwa Onye na anaghị agbanwe agbanwe? Ma lee, asị m unu ọ naghị agbanwe agbanwe; ọbụrụ otu ahụ ọ ga-akwụsị ịbụ Chineke; mana ọ kwusịghị ịbụ Chineke, ma-ọbụ Chineke nke ọrụ-ebube nile.

20 Ma ihe mere o jiri kwusị ime ^aọrụ-ebube nile nʼetiti ụmụ nke mmadụ bụ n’ihi na ha na-ala-azụ n’ihi ekweghị-ekwe, ma pụọ site nʼezigbo ụzọ, ma ha amaghị Chineke nʼime onye nke ha ^bga-atụkwasị obi.

21 Lee, asị m unu na onye ọbụla nke kwere na Kraịst, na-enweghị obi abụọ nʼihe ọbụla, ^aihe ọbụla ọ ga-arịọ Nna nʼaha nke Kraịst a ga-enye ya ihe ahụ; ma nkwa nke a dịrị mmadụ nile, ọbụna ruo na nsọtụ nile nke ụwa.

22 N’ihi na lee, otu a ka Jisus Kraịst, Ọkpara nke Chineke gwara ndị na-eso-ụzọ ya ndị ga-anọdụ, e, na kwa gwa ndị na-eso-ụzọ ya nile, na ọnụnụ nke igwe-mmadụ ahụ: ^aGaa nụ nʼime ụwa nile, ma kwusaa ozi-ọma ahụ nye ihe ọbụla e kere eke;

23 Ma onye nke kwere ma e mee ya baptism a ga-azọpụta ya, mana onye nke na-ekweghị a ^aga-ama ya ikpe.

24 Ma ^aihe iriba-ama ndị a ga-eso ndị nke kwere ekwe—nʼaha m ka ha ga-achụpụ ^bmụọ-ọjọọ nile; ha ga-eji ire ọhụrụ kwuo okwu; ha ga-ewelite agwọ nile; ma ọbụrụ na ha n̄ụọ ihe ọbụla na egbu-mmadụ ọ gaghị emerụ ha arụ; ha ga-ebịkwasị ndị ọrịa ^caka ma ha ga-enweta arụ-ike ọzọ;

25 Ma onye ọbụla nke ga-ekwere nʼaha m, na enweghị obi abụọ nʼihe ọbụla, ya ka m ^aga-akwadoro okwu m nile, ọbụna nye nsọtụ nile nke ụwa.

26 Ma ugbua, lee, onye nwere ike iguzo imegide ọrụ nile nke Onye-nwe? ^aOnye nwere ike ịgọnarị ihe nile o kwuru? Onye ga-ebilite imegide ike kacha ike nile nke Onye-nwe? Onye ga-elelị ọrụ nile nke Onye-nwe? Onye ga-elelị ụmụ nke Kraịst? Lee, unu nile ndị ^bna-elelị ọrụ nile nke Onye-nwe, n’ihi na unu ga-echegide echiche ma laa nʼiyi.

27 O mgbe ahụ elelịkwala, ma echekwala echiche kama n̄aa-ntị nʼokwu nile nke Onye-nwe, ma rịọ Nna nʼaha nke Jisus maka ihe ọbụla nke unu ga-achọ. Enwela obi-abụọ, kama na-ekwere, ma malite dịka nʼoge mgbe ochie nile, ma ^abịakwute Onye-nwe jiri ^bobi unu nile, ma ^crụpụta nzọpụta nke unu jiri egwu na ịma jijiji nʼiru ya.

28 ^aMara ihe nʼụbọchị nile nke mnwale unu, wezuga onwe unu na adịghị ọcha nile; arịọla, ka unu wee mefuo ya ^bnʼọchịchọ-nke-anụ-arụ unu nile, kama jiri nụ ịgbasi ike nke akwaa-akwụrụ rịọ, ka unu ghara ịdanye nʼọnwụnwa, kama na unu ga-efe ^cChineke nke ezi-okwu dị ndụ.

29 Hụ na ^aemeghị unu baptism nʼezughị-oke; hụ na unu eketaghị-oke nʼoriri-nsọ nke Kraịst ^bnʼezughị-oke; kama hụ na unu mere ihe nile ^cnʼitozu-oke, ma mee ya nʼaha nke Jisus Kraịst, Ọkpara nke Chineke dị ndụ; ma ọbụrụ na unu mee nke a, ma anọgide ruo ọgwụgwụ, agaghị achụpụ unu ma ọlị.

30 Lee, ana m agwa unu okwu dịka m na ^aekwu site na ndị nwụrụ-anwụ; n’ihi na a matara m na unu ga-anata okwu m nile.

31 Amala m ikpe n’ihi ^aezughị-oke m, ma-ọbụ nna m, n’ihi ezughị-oke ya, ma-ọbụ ndị nke deworo tutu ya edee; kama nye Chineke ekele na o mewo ka ezughị-oke anyị nile pụta ìhè nye unu, ka unu wee mụta ịma ihe karịa ka anyị maworo.

32 Ma ugbua, lee, anyị edewo akụkọ-ndekọta nke a dịka anyị siri mụta, na mkpụrụ-akwụkwọ nile nke a na-akpọ nʼetiti anyị, ^aaka-akwụkwọ-ndị-Ijipt e dezigharịrị edezịgharị, ebe e nyedatara ya ma gbanwe ya site nʼaka anyị, dịka ụdị ikwu okwu anyị siri dị.

33 Ma ọbụrụ na epekele anyị nile buwororịị ibu dịka o siri kwesi anyị gaara ede nʼasụsụ ndị Hibru, mana nke ndị Hibru ahụ anyị agbanwewo kwa ha; ma ọbụrụ na anyị nwererịị ike dee nʼasụsụ ndị Hibru, lee, unu agaraghị enwe ezughị-oke nʼakụkọ-ndekọta anyị.

34 Mana Onye-nwe matara ihe ndị nke anyị deworo, ma kwa na ọdịghị ndị ọzọ matara asụsụ anyị; ma n’ihi na ọdịghị ndị ọzọ matara asụsụ anyị, ya mere ọ kwadowo ^aụzọ maka nsụgharị ya.

35 Ma ihe ndị a e dere ha ka anyị wee wezuga uwe-mwụda anyị nile nʼọbara nke ụmụnne anyị ndị laworo-azụ n’ihi ^aekweghị ekwe.

36 Ma lee, ihe ndị a nke anyị ^achọworo gbasara ụmụnne anyị, e, ọbụna ịkpọghachị ha na mmata nke Kraịst, bụ dịka ekpere nile nke ndị nsọ nile ndị biworo nʼala ahụ siri dị.

37 Ma ka Onye-nwe Jisus Kraịst mee ka e wee zaa ekpere ha nile dịka okwukwe ha siri dị; ma ka Chineke Nna cheta ọgbụgba-ndụ ahụ nke o meworo ya na ụlọ nke Israel; ma ka o wee gọzie ha ruo mgbe nile, site nʼokwukwe nʼaha nke Jisus Kraịst. Amen.