1 Ao ngkai Ngai, ae Moronaai I a tia ni koroi taeka ake I tuangaki, n aron au ururing; ao I a tia n tuangkami bwaai ake I ^akaini; ngaia are tai ringi n te aro are kam na rairi taekaia; bwa kam tabuaki mai iai, ti ngkana e roko te tai arei ni wanawanan te Atua.

2 Ao nooria, ko na karekea te raka bwa ko na kaoti bwaatua aikai nakoia ^aake a na buoka waakin te mwakuri aio.

3 Ao a na kaotaki nakoia ^ateniman ni mwaakan te Atua; ngaia are a na bon ^bataia ma te koaua raoi bwa a ^ckoaua bwaai aikai.

4 Ao ni wiia ^ataan kakoaua aika teniman ao a na kamatoaki bwaai aikai; ao aia koaua naaka teniman, ao te mwakuri aio, are e na kaotaki iai mwaakan te Atua ao ana taeka naba, are a kakoaua ibukin te Tama, ao te Nati, ao te Tamnei ae Raoiroi—ao bwaai aikai ni kabane a na tei bwa bwaai ni kakoaua ni kaitara te aonaba n te kabanea ni bong.

5 Ao ngkana arona bwa a rairinanoia ma n ^anakon te Tama n aran Iesu, a na butimwaeaki nako nanon uean te Atua.

6 Ao ngkai, ngkana akea kariaiakau ibukin bwai aikai, motikitaeka ngkoe; bwa kam na bon ataia bwa iai te kariaiakaki irou ngkana kam norai, ao ti na bane n tei i matan te Atua n te kabanea ni bong. Amen.