Koroboki Aika Tabu
Ita 4


Mwakoro 4

E tuangaki Moronaai bwa e na kaini ana koroboki tarin Iareta—A na bon aki kaotaki ni karokoa ae iai aia onimaki aomata n aron tarin Iareta—E tuangiia aomata Kristo bwa a na kakoauai Ana taeka ma aia taeka Ana reirei—A tuangaki aomata bwa a na rairinanoia, kakoaua te euangkerio, ao a na kamaiuaki.

1 Ao te Uea e tuanga tarin Iareta bwa e na ruo rikaaki man te maunga mai i matan te Uea, ma ni akoroi bwaai ake e a tia n noori; ao a tabuaki bwa a na roko nakoia natiia aomata bni karokoa te tai are e na tabekaki rake iaon te kaibangaki; ao ibukin aio are e kaawakin te uea are Motiaea, bwa a na aki roko nakon te aonaba ni karokoa te tai are Kristo e na kaoti nakoia ana botanaomata.

2 Ao i mwin are Kristo e a tia raoi ni kaotia nakoia ana botanaomata e tua bwa a na kaotaki.

3 Ao ngkai, i mwin anne, a tia ni kerikaaki n aia aki onimaki; ao bon akea aomata ma ti Reimwanaite, ao a tia n totokoa ana euangkerio Kristo; ngaia are I a tuangaki bwa N na manga akarabai riki i aan tano.

4 Nooria, I a tia ni koroboki i aon bwaatua aikai taekan bwaai ake e noori tarin Iareta; ao bon akea riki bwaai aika a korakora aika a tia ni kaotaki n aron ake a kaotaki nakon tarin Iareta.

5 Ngaia are te Uea e a tia n tuangai bwa N na koroi; ao I a tia ni koroi. Ao e tuangai bwa N na akaini; ao e a tia naba n tuangai bwa N na kaini kabwaran nanoia; ngaia are I a tia ni kaini bbwaai ni kabwara nanon taeka, n aron ana tua te Uea.

6 Bwa e taku te Uea nakoiu: A na bon aki roko nakoia Tientaire ni karokoa te bong are a na rairinanoia man aia bure, ma n riki n itiaki i matan te Uea.

7 Ao n te bong are a kamwakura onimakinau, e taku te Uea, n aron are e koroi tarin Iareta, ao a riki ni akatabuaki irou, ao ngkanne N na kaoti nakoia bwaai ake e noori tarin Iareta, ma ni kabwaranakoa nakoia au kaotioti ni kabane, e taku Iesu Kristo, Natin te Atua, bTaman karawa ao te aonaba, ao ni kabane bwaai ake a mena iai.

8 Ao ane e kan akauntaeka ni kaitara ana taeka te Uea, ao e na reke kaina; ao ane e bkaakeai bwaai aikai, ao e na reke kaina; bwa N na bon caki manga kaoti bwaai aika a korakora nakoia, e taku Iesu Kristo; bwa bon Ngai ae I taetae.

9 Ao man au kaetieti ao a kaukaki karawa ao a akainaki; ao man au taeka ao e ruru te baonaba; ao man au kaetieti ao kaaina a bon bua, n te ai.

10 Ao ane e aki kakoauai au taeka e aki kakoauaia au reirei; ao ngkana arona bwa I aki taetae, ko na motikitaeka; bwa ko na bon ataia bwa bon Ngai ae I taetae, n te akabanea ni bong.

11 Ma ane e akakoauai bwaai aikai ake I a tia n taekin, ao N na bon kawaria n ana kaotioti tamneiu, ao e na ataia ma n taua mwiina. Bwa ibukin tamneiu ao e na bon bataia bwa bwaai aikai a ckoaua; bwa a kairoroia aomata bwa a na karaoa ae raoiroi.

12 Ao te bwai are e kairoroia aomata bwa a na karaoia ae raoiroi bon mai irou; bwa e aki roko ae araoiroi mai irouia aomata ma bon ti mai irou. Bon Ngai naba are I kairiria aomata bwa a na karaoa are raoiroi ni kabane; ane e baki kakoauai au taeka e bon aki naba kakoauaai—bwa bon Ngai; ao ane e aki kakoauaai e na bon aki kakoaua te Tama are e kanakomaiakai. Bwa nooria, bon Ngai te Tama, Ngai te coota, ao te dmaiu, ao koauan te aonaba.

13 aNakomai nakoiu, O ngkami Tientaire, ao N na kaoti nakoimi bwaai aika a korakora riki, te rabakau are e karabaki ibukin te kakewekewe.

14 Nakomai nakoiu, O ngkami te bata are Iteraera, ao a na akaotaki nakoimi bwaai aika a korakora are e kaikoi te Tama ibukimi, mani moan karikan aonaba ao e tuai man reke iroumi ibukin te kakewekewe.

15 Nooria, ngkana kam raeuaka rabunan te ataibwai are e karika te aro are kam na tiku n aromi ni buakaka ae kamwengabuaka, ma matoatoan nanomi, ma matakiin ami iango, ao ngkana bwaai ake a korakora ma ni kamimi ake a akarabaki man moan katean te aonaba mai iroumi—eng, ngkana kam wewetea te Tama n arau ma te nano ae uruaki ao te tamnei ae raraoma, ao ngkanne kam na ataia bwa te Tama e uringa te berita ae tabu are karaoia ma ami bakatibu, O te bata are Iteraera.

16 Ao ngkanne au akaotioti are I tua bwa e na koroi au toro are Ioane a na katangainaaki i mataia aomata ni kabane. Uringnga, ngkana ko noori bwaai aikai ni kabane, ko na ataia bwa e a kan roko te tai are a na kaotaki iai.

17 Ngaia are, angkana e na reke iroum te rongorongo aio ko na kona n ataia bwa e a tia ni waaki nako ana mwakuri te Tama i aon te aba.

18 Ngaia are, arairinanomi ngkami kaain tokin aonaba, ao nakomai nakoiu, ma ni kakoaua au euangkerio, ao ma ni bbwabetitoaki n arau; bwa ane e kakoaua ma ni bwabetitoaki e na kamaiuaki; ma ane e aki kakoaua e na kabuakakaaki; ao a na riki ckanikina nakoia ake a kakoaua.

19 Ao e na kakabwaiaki are e kuneaki ni akakaonimaki nakon arau n te kabanea ni bong, bwa e na tabekaki rake bwa e na maeka n te abanuea are e katauraoaki ibukina bma ni katean te aonaba. Ao nooria bon Ngai ae I a tia n taekinna. Amen.