Ang Testimonya sang Walo ka Saksi

Ginapahibalo sa tanan nga nasyon, kaliwat, lengguahe, kag katawhan, kon kay sin-o magadangat ini nga libro: Nga si Joseph Smith, Jr., ang taglubad sini nga libro, nagpakita sa amon sang mga lamina nga nasambit, nga bulawan ang hitsura; kag kon ano kadamo ang mga panid nga nalubad na sining ginasiling nga si Smith amo man ang nakaptan sang amon mga kamot; kag amon man nakita ang mga nakurit diri sini, kag ini tanan nagapakita sang sinadto nga pagkaobra kag pulido ang pagkahimo. Kag ini amon ginapamatud-an sa mga pulong nga seryoso, nga ginpakita sa amon sining si Smith ang mga lamina, tungod kay amon ini nakita kag nakaptan, kag amon napat-od nga yara kay Smith ang mga lamina nga amon nasambit. Kag amon ginahatag ang amon mga ngalan sa kalibutan, sa pagsaksi sa kalibutan sinang amon nakita. Kag kami wala nagabutig, saksi ang Dios sini.