1 Nau em i kamap we long tripela ten krismas long rul bilong ol jas long ol pipol bilong Nifai, bihain long Moronai i bin kisim na ritim pas bilong Hilaman, em i bin amamas nogut tru bikos long gutpela sindaun, ye, gutpela wok tru Hilaman i bin wokim long kisim bek dispela ol graun i bin lusim.

2 Ye, na em i bin tok save long olgeta pipol bilong em i stap long olgeta graun raunabaut long dispela hap we em i bin i stap, olsem ol tu bai amamas.

3 Na em i kamap we em i bin salim pas hariap tru i go long Pahoran, na laikim olsem em bai bungim wantaim ol man na salim i go long strongim Hilaman, o ol ami bilong em, inap long em bai isi long lukautim dispela hap long graun, em i bin kisim bek wantaim pawa bilong mirakel.

4 Na em i kamap we, bihain Moronai i bin salim dispela pas i go long graun bilong Jarahemla, em i stat gen long mekim wanpela plen olsem em bai kisim bek ol graun wantaim siti na narapela samting i stap yet long han long ol lain bilong Leman.

5 Na em i kamap we taim Moronai i bin mekim plen long go long pait wantaim ol lain bilong Leman olsem, lukim, ol lain bilong Leman i bin kirapim pait wantaim ol pipol bilong Nifaia, em i bin bungim wantaim na kam long siti bilong Moronai, siti bilong Lihai na siti bilong Morianton.

6 Ye, tru tumas ol lain bilong Leman em ol i ronawe long graun bilong Mentai na graun raunabaut, bin kam na joinim ol lain bilong Leman i stap long dispela hap long graun.

7 Na bikos ol i bin kamap planti tumas olsem, ye, na kisim strong wanwan de, Amoron i bin givim oda long ol long pait wantaim ol pipol bilong Nifaia, na ol i stat long kilim ol nogut tru.

8 Na ol ami bilong ol i planti tumas olsem na ol pipol bilong Nifaia em ol i no bin kilim ol i ronawe long pes bilong ol, na kam long joinim ami bilong Moronai.

9 Na nau bikos Moronai i bin ting olsem ol man i bin salim long siti bilong Nifaia, long halivim ol pipol long lukautim dispela siti, na bikos em i bin save olsem em i isi long lukautim siti olsem em bai no inap pundaun long han long ol lain bilong Leman, na long kisim bek dispela siti long han bilong ol, olsem na em i bin ting olsem ol pipol bilong Nifaia bai painim isi long lukautim dispela siti.

10 Na em i bin holim olgeta ami bilong em long lukautim olgeta ples em i bin kisim bek.

11 Na nau, taim Moronai i lukim olsem siti bilong Nifaia i lus, em i bin sore nogut tru, na i stat long ting tubel, sapos ol bai i no inap pundaun long han long ol lain brata bilong ol, bikos long ol pasin nogut bilong ol pipol.

12 Nau olgeta het kepten bilong em i bin ting wankain olsem. Ol i bin tubel long tingting na tu ol i nogat toktok, tasol long lukim ol pasin nogut bilong ol pipol, na bikos long dispela, ol lain bilong Leman ol i bin winim ol.

13 Na em i kamap we Moronai i bin belhat long gavman, bikos ol i no ting long fridom long kantri bilong ol.