1 Na nau em i kamap we taim Alma i wokabaut long graun bilong Gidion long hap long saut i go long graun bilong Mentai, em i kirap nogut long bungim ol pikinini man bilong Mosaia na wokabaut i go long graun bilong Jarahemla.

2 Na ol dispela pikinini man bilong Mosaia ol i bin stap wantaim Alma taim ensel i bin kam long em long namba wan taim, olsem na Alma i amamas nogut tru long lukim ol brata bilong em, na tu em i amamas nogut tru bikos ol i stap strong yet long bilip long Bikpela, ye, na ol i kamap strong long save long trupela toktok, long wanem, ol i kamap ol man bilong trupela save, na ol i bin strong long painim ol skripsa, olsem ol bai save long toktok bilong God.

3 Na i no dispela tasol, ol i bin beten planti taim, na tambu long kaikai, olsem na ol i kisim spirit bilong profesi na spirit bilong revelesen, na taim ol i bin lainim, ol lainim waitaim pawa na atoroti bilong God.

4 Na ol i bin lainim toktok bilong God long wanpela ten foa krismas namel long ol lain bilong Leman, na wokim gutpela wok long winim planti lain long kamap long save long trupela toktok, ye, planti lain i bin kam long olta bilong God, long singautim nem bilong em, na konpesim sin bilong ol long ai bilong God, na ol i bin lainim wantaim pawa na atoroti bilong God.

5 Nau ol i bin wok wantaim planti hevi, long wanem, ol i bin gat planti pen, ol i bin kisim planti pen long bodi na het, olsem hangre, nek drai wantaim skin taiet, na tu ol i bin wok hat long spirit.

6 Nau wok bilong ol i kamap olsem: Bihain long papa bilong ol Mosaia i tok orait, long namba wan krismas long rul bilong ol jas, bihain long ol i les long kisim kingdom papa bilong ol i laikim long givim long ol, na tu tingting bilong ol pipol i bin wankain olsem,

7 Tasol ol i lusim graun bilong Jarahemla, na kisim ol naip bilong pait, na ol spia, na ol banara, na ol spia bilong banara wantaim ol sling bilong ol, na ol i wokim dispela olsem ol bai painim kaikai bilong ol taim ol i wokabaut long ples we nogat man i stap.

8 Na ol i lusim ples we nogat man i stap wantaim ol narapela man ol i bin makim, long go long graun bilong Nifai long autim toktok bilong God long ol lain bilong Leman.

9 Na em i kamap we ol i bin wokabaut planti de long ples we nogat man i stap, na ol i bin tambu long kaikai long planti de na beten planti de olsem Bikpela bai salim Spirit bilong em long go wantaim ol, na i stap wantaim ol, inap long ol bai kamap wokman long han bilong God, long bringim, sapos ol i ken, ol brata bilong ol, ol lain bilong Leman, long save long trupela toktok, long save olsem kastam bilong ol tumbuna papa bilong ol, em i no stret.

10 Na em i kamap we Bikpela i bin visitim ol wantaim Spirit bilong em, na tokim ol: Kisim bel isi. Na ol i bin kisim bel isi.

11 Na Bikpela i bin tokim ol tu: Go het namel long ol lain bilong Leman, ol lain brata bilong yupela, na kirapim toktok bilong mi, tasol yupela mas strong long kisim ol pen, long longpela taim, olsem yupela bai kamap eksampel bilong mi long ol, na mi bai mekim yupela kamap wokman long han bilong mi long bringim selvesen long planti sol.

12 Na em i kamap we bel bilong ol pikinini man bilong Mosaia wantaim ol lain ol i bin makim i kisim strong long go long ol lain bilong Leman long autim toktok bilong God long ol.

13 Na em i kamap we ol i bin bruk na go long wanwan rot taim ol i kam long ol arere long graun bilong ol lain bilong Leman, na ol i bilip olsem ol bai bungim gen bihain long wok bilong ol i pinis, long wanem, ol i bin ting olsem wok ol i stat i bikpela tumas.

14 Na tru tumas, wok ol i stat i bikpela tumas, long wanem, ol i wok long autim toktok bilong God long wanpela nogut ol pipol tru i wail na kamapim belhat bilong ol, wanpela pipol ol i amamas long kilim ol lain bilong Nifai, na long pait na stil long ol, na strong long stil, na ol i putim bel bilong ol long planti moni samting long graun, o long gol na silva na ol ston i dia tumas, tasol ol i bin traim long kilim man na stil long kisim ol dispela samting, olsem ol bai no inap wok wantaim han bilong ol long kisim dispela samting.

15 Olsem na ol lain i wanpela pipol ol i les nogut tru long wok, na planti bilong ol i bin lotu long ol god-giaman, na kes bilong God i bin kamap long ol bikos long ol kastam bilong ol tumbuna papa bilong ol, tasol ol promis bilong God i stap wantaim ol sapos ol i tanim bel.

16 Na wok ol pikinini man bilong Mosaia i bin wokim em long dispela as, olsem ol bai bringim ol long tanim bel, inap long ol bai kisim ol kam long save long plen bilong kisim bek.

17 Olsem na ol i bin brukim long namel long ol yet na go long wanwan rot i go namel long ol lain bilong Leman, wanwan man em yet, olsem long toktok na pawa bilong God i bin stap insait long ol.

18 Nau Amon bikos em i hetman bilong ol, olsem na em i bin blesim ol long wanem hap ol bai go pastaim long em lain lusim ol, na ol i bin go long wanwan rot long olgeta hap long graun.

19 Na Amon i bin go long graun bilong Ismael, na dispela graun i wan nem long ol lain pikinini bilong Ismael, em i bin kaunim wantaim ol lain bilong Leman.

20 Na ol lain bilong Leman i bin kisim na pasim em wantaim rop taim em i go long graun bilong Ismael, bikos em i pasin bilong ol long pasim wantaim rop olgeta lain bilong Nifai ol i kisim, na karim ol i go long king bilong ol, na lusim long em long wokim wanem em i laik long wokim, sapos long kilim ol, o kalabusim ol, o tromoim ol go long kalabus, o tromoim ol go aut long graun bilong em long laik bilong em.

21 Olsem na ol i bin kisim Amon go long king long graun bilong Ismael, na Lamonai i nem bilong em, em i wanpela tumbuna pikinini man bilong Ismael.

22 Na king i bin askim Amon sapos em i laikim long i stap long graun wantaim ol lain bilong Leman na ol pipol bilong em.

23 Na Amon i bekim em: Ye, mi laik i stap namel long dispela ol pipol long sampela taim, ye, olsem i go inap long de mi bai idai.

24 Na em i kamap we king Lamonai i amamas nogut tru, na tokim ol wasman bilong em long slekim ol rop bilong em, na em i bin laikim olsem Amon bai maritim wanpela pikinini meri bilong em.

25 Tasol Amon i bin tokim em: Nogat, tasol mi bai kamap wokman bilong yu. Olsem na Amon i bin kamap wokman bilong king Lamonai. Na em i bin lukautim ol sipsip bilong king Lamonai, wantaim ol narapela wokman, olsem long kastam long ol lain bilong Leman.

26 Na bihain em i wok long king long tripela de, na taim em i wok wantaim ol wokman ol i lain bilong Leman long kisim ol sipsip i go long ples bilong wara, ol i kolim wara Sibus, na tu olgeta lain bilong Leman ol i bin ronim ol sipsip bilong ol long dispela hap, olsem ol sipsip bai dring wara—

27 Olsem na, taim Amon wantaim ol wokman bilong king i ronim ol sipsip i go long dispela ples bilong wara, lukim, sampela ol lain long ol lain bilong Leman, ol i bin i stap wantaim ol sipsip bilong ol long wara, ol i kirap na mekim ol sipsip bilong Amon go na baut wantaim ol wokman bilong king, na ol i mekim ol i go nabaut ol sipsip bilong king nogut tru, na ol sipsip i ronawe long olgeta hap.

28 Nau ol wokman bilong king i stat long sore na tok olsem: Nau king bai kilim mipela olsem em i bin kilim ol brata bilong mipela bikos long ol pasin nogut bilong ol dispela man. Na ol i stat long krai nogut tru na tok: Lukim, ol sipsip bilong mipela i bin tromoim nabaut pinis.

29 Nau ol i bin krai bikos ol i poret long idai. Nau taim Amon lukim dispela, bel bilong em i solap nogut tru wantaim amamas, long wanem, em i tok, mi bai soim pawa bilong mi long dispela ol wanwok bilong mi, o pawa i stap insait long mi, long bringim bek gen ol dispela sipsip bilong king, inap long mi bai winim bel bilong ol dispela wanwok bilong mi, olsem mi bai lidim ol long bilip long ol toktok bilong mi.

30 Na nau dispela ol tingting bilong Amon, taim em i lukim ol pen bilong ol lain em i kisim olsem ol brata bilong em.

31 Na em i kamap we em i bin mekim gutpela toktok long ol olsem: Ol brata bilong mi, amamas na yumi go long painim ol sipsip, na yumi bai bung wantaim ol na bringim ol kam bek long ples bilong wara, na olsem mipela bai lukautim ol sipsip bilong king inap long em bai i no inap kilim mipela.

32 Na em i kamap we ol i bin go long painim ol sipsip, na ol i bihainim Amon, na ol i go hariap tru long ronim ol sipsip bilong king, na bungim wantaim ol sipsip gen long ples bilong wara.

33 Na ol dispela man nogut ol i kirap gen long rausim nabaut ol sipsip bilong ol, tasol Amon i bin tokim ol brata bilong em: Raunim ol sipsip raunabaut inap long ol bai i no inap ronawe, na mi bai go na lukim ol lain ol i rausim nabaut ol sipsip bilong mipela.

34 Olsem na ol i bin bihainim toktok bilong Amon, na em i bin go het long pesim ol lain ol i stap long wara Sibus, na ol lain i bin planti.

35 Olsem na ol i no poret long Amon, long wanem, ol i ting olsem wanpela long ol ken kilim em long laik bilong em, long wanem, ol i no save olsem Bikpela i bin promis long Mosaia olsem em bai seivim ol pikinini man bilong em long han bilong ol, na tu ol i no bin save wanpela samting long Bikpela, olsem na ol i bin amamas long bagarapim ol lain brata bilong ol, na ol i kirap long tromoim nabaut ol sipsip bilong king long dispela as tingting.

36 Tasol Amon i bin sanap stret na i stat long tromoim ol ston long ol wantaim sling bilong em, ye, em i bin tromoim ol ston namel long ol wantaim traipela pawa tru na kilim sampela bilong ol inap long ol i stat long kirap nogut long pawa bilong em, tasol ol i belhat bikos sampela brata bilong ol i bin kilim, na ol i bin strong olsem em mas idai, olsem na, taim ol i lukim olsem ol i no inap kilim em wantaim ston bilong ol, ol i kam wantaim stik bilong pait long kilim em.

37 Tasol lukim, Amon i bin katim olgeta han bilong wanwan man em i apim stik bilong pait bilong em long paitim em wantaim naip bilong pait bilong em, long wanem, em i bin katim han bilong ol wantaim naip bilong pait bilong em long abrusim stik bilong pait ol i bin tromoi long em, inap long ol i stat long kirap nogut, na i stat long ronawe long em, ye, na namba bilong ol i no liklik na Amon i bin mekim ol long ronawe wantaim strong bilong em.

38 Nau em i kilim sikispela man bilong ol wantaim sling, tasol em i bin kilim het man bilong ol tasol wantaim naip bilong pait bilong em, na katim olgeta han bilong olgeta man em i apim stik bilong pait bilong ol long paitim em, na namba bilong ol i no liklik.

39 Na bihain em i ronim ol go long we, em i bin go bek na ol i bin givim wara long ol sipsip bilong ol na kisim ol sipsip go bek long gras bilong king, na bihain long dispela, ol i bin go long king wantaim ol han Amon i bin katim wantaim naip bilong pait na ol man ol i traim long kilim em, na karim i go long king olsem testimoni long ol long samting i bin kamap.