1 Na em i kamap we long stat long tupela ten nain krismas long ol jas, olsem Amoron i bin salim pas i go long Moronai, na laikim olsem em bai senisim ol kalabusman.

2 Na em i kamap we Moronai i bin amamas nogut tru long dispela askim, long wanem, em i bin nidim ol kaikai i bin givim long ol lain bilong Leman i stap long kalabus long sapotim ol pipol bilong em yet, na tu em i bin nidim ol pipol bilong em yet long strongim ami bilong em.

3 Nau ol lain bilong Leman i bin kisim planti meri na pikinini long kalabusim, na nogat wanpela meri o pikinini i bin stap namel long olgeta kalabus lain bilong Moronai, o ol kalabus lain Moronai i bin kisim, olsem na Moronai i bin kirapim wanpela plen long kisim bek planti lain bilong Nifai i stap long kalabus long han long ol lain bilong Leman sapos em i ken.

4 Olsem na em i bin raitim wanpela pas, na salim i go wantaim wanpela wokman bilong Amoron, em i bin bringim kam pas long Moronai. Nau ol toktok em i bin raitim long Amoron i olsem:

5 Lukim, Amoron, mi raitim long yu liklik pas long dispela bikpela pait yu bin kirapim long pait wantaim ol pipol bilong mi, o olsem brata bilong yu bin kirapim wantaim ol, na dispela bikpela pait yu strong yet long kirapim bihain long idai bilong em.

6 Lukim, mi bai tokim yu liklik long stretpela pasin bilong God, na naip bilong pait bilong belhat bilong em gat olgeta pawa i hangamap antap long yu, sapos yu no tanim bel na rausim ol ami bilong yu na go bek long graun bilong yupela, o graun bilong yupela yet, na dispela i graun bilong Nifai.

7 Ye, mi bai tokim yu long ol dispela samting sapos yu inap long harim long ol dispela samting, ye, mi bai tokim yu long dispela hel nogut tru we em i wet long kisim ol kain man long kilim man olsem yu wantaim brata bilong yu, sapos yu tanim bel na lusim dispela ol plen bilong pasin kilim narapela man bilong yu, na go bek wantaim ol ami bilong yu long graun bilong yupela yet.

8 Tasol olsem yu bin les long wokim ol dispela samting wanpela taim bipo, na bin pait wantaim ol pipol bilong Bikpela, tru tumas mi ken tingim yu long wokim wankain olsem bipo.

9 Na nau lukim, mipela i redi long kisim yu, ye, na sapos yu no lusim plen bilong yu, lukim, yu bai pulim kam daun belhat bilong dispela God em yu les long kisim long yu yet, inap long em bai bagarapim yu olgeta.

10 Tasol, olsem Bikpela i stap, ol ami bilong mipela bai kam long yu sapos yu no go bek long graun bilong yu yet, na idai bai klostu kamap long yu, long wanem, mipela bai lukautim ol siti bilong mipela na graun bilong mipela, ye, na mipela bai lukautim lotu bilong mipela na laik bilong God bilong mipela.

11 Tasol lukim, mi ting olsem ol samting mi toktok long yu bai no inap kamap, o mi ting olsem yu em pikinini man bilong hel, olsem na mi pinisim pas bilong mi long tokim yu olsem mi bai no inap senisim ol kalabus lain, sapos yu bai givim long mi wanpela man wantaim meri na ol pikinini bilong em, long senis long wanpela kalabusman, na mi bai senisim sapos yu bihainim dispela.

12 Na lukim, mi bai kam long yu wantaim ol ami bilong mi, sapos yu no wokim dispela, ye, tru tumas mi bai givim samting bilong pait long ol meri wantaim pikinini bilong mi, na mi bai kam long pait wantaim yu, na mi bai bihainim yu i go inap long graun bilong yu yet, na dispela graun i nambawan graun mipela i bin kisim, ye, na em bai olsem blut long blut, ye, laip long laip, na mi bai pait wantaim yu i go inap long yu bai bagarap olgeta long pes long graun.

13 Lukim, mi wantaim ol pipol bilong mi i belhat nogut tru, bikos yu bin laikim long kilim mipela, na mipela i bin traim long banisim mipela yet. Tasol lukim, sapos yu wok moa yet long traim long bagarapim mipela, mipela bai wok moa yet long traim long bagarapim yu, ye, na mipela bai traim long kisim bek graun bilong mipela, nambawan graun bilong mipela.

14 Nau mi pinisim pas bilong mi. Mi Moronai, mi em lida long ol pipol long ol lain bilong Nifai.

15 Nau em i kamap we, taim Amoron i kisim dispela pas, em i bin belhat, na raitim narapela pas i go long Moronai, na ol toktok em i bin raitim i olsem:

16 Amoron, king long ol lain bilong Leman, mi brata bilong Amalikaia em yupela i bin kilim nating. Lukim, mi bai bekim bek blut bilong em long yupela, ye, na mi bai kam long yu wantaim ol ami bilong mi bikos mi no poret long tok poret bilong yu.

17 Long wanem, lukim, ol tumbuna papa bilong yupela ol i bin wokim rong long ol lain brata bilong ol, inap long ol i bin stilim rait long gavman bilong ol, we ol i inap long kisim dispela rait long gavman.

18 Na nau lukim, sapos yupela lusim ol samting bilong pait bilong yupela, na kam aninit long ol lain em ol i gat rait bilong gavman, mi bai tokim ol pipol bilong mi long lusim ol samting bilong pait bilong ol na bai i no moa pait.

19 Lukim, yu bin autim planti tok poret long mi wantaim ol pipol bilong mi, tasol lukim, mipela i no poret long ol tok poret bilong yu.

20 Tasol, mi bai amamas nogut tru long tok orait long senisim ol kalabus lain olsem yu bin askim, olsem mi bai gat kaikai long ol man bilong mi long pait, na mipela bai kirapim wanpela bikpela pait na dispela bai pait oltaim, oltaim, long mekim ol lain bilong Nifai long kam aninit long atoroti bilong mipela o long pinisim ol olgeta oltaim oltaim.

21 Na long dispela God yu tok mipela i bin les, lukim, mipela i no save long wanpela kain man, na tu yu no save long kain man, tasol sapos wanpela kain man i stap, mipela ting olsem em i bin wokim mipela na yupela tu.

22 Na sapos tewel na hel i stap, lukim, em bai no inap salim yu go long dispela hap long stap wantaim brata bilong mi em yu bin kilim nating, em yu tok olsem em i bin go long dispela ples? Tasol lukim ol dispela samting i nogat samting.

23 Mi em Amoron, na mi wanpela tumbuna pikinini bilong Joram em ol tumbuna papa bilong yupela i bin strongim na kisim kam aut long Jerusalem.

24 Na lukim nau, mi em wanpela strongpela man long ol lain bilong Leman, lukim, dispela bikpela pait i bin kirapim long bekim bek rong bilong ol, na long lukautim na kisim bek rait bilong ol long gavman, na mi pinisim pas bilong mi long Moronai.