1 K’ehomaq reetal, anajwan kik’ulman naq lix tenamit laj Nefi ke’wan chi numtajenaq xsahileb’ xch’ool, xb’aan naq li Qaawa’ kixkoleb’ chaq wi’chik sa’ ruq’eb’ li xik’ neke’ilok reheb’; jo’kan naq ke’b’antioxin chiru li Qaawa’ lix Dios; relik chi yaal, ut ^ake’kuyuk sa’ chi naab’al ut ke’tijok chi naab’al, ut ke’xloq’oni li Dios chi q’axal nim xsahileb’ xch’ool.

2 Ut kik’ulman sa’ xb’elelaju chihab’ rawa’b’ejileb’ laj raqol aatin sa’ xb’een lix tenamit laj Nefi, naq laj Alma kichal rik’in laj Helaman li ralal ut kixye re: Ma nakapaab’ li aatin li kinye aawe chirix li ^atz’iib’anb’il esil a’an li k’uulanb’il?

3 Ut laj Helaman kixye re: Yaal, ninpaab’.

4 Ut laj Alma kixye wi’chik: Ma nakapaab’ li Jesukristo, li taachalq?

5 Ut a’an kixye: Yaal, ninpaab’ chixjunil li aatin li kaye.

6 Ut laj Alma kixye wi’chik re: Ma ^ataapaab’ lin taqlahom?

7 Ut a’an kixye: Yaal, tinpaab’ laa taqlahom chi anchal inch’ool.

8 Toja’ naq laj Alma kixye re: Osob’tesinb’ilat laa’at, ut li Qaawa’ ^atatixk’e chi usaak sa’ li ch’och’ a’in.

9 A’ut k’e reetal, wan k’a’ruhaq li tinch’olob’ aawe ^ajo’ profeet; a’b’anan li k’a’ru ninch’olob’ aawe jo’ profeet moko taak’e ta chi nawmank; relik chi yaal, li k’a’ru ninch’olob’ aawe jo’ profeet moko taak’ehe’q ta chi nawmank, toj reetal ajwi’ naq taatz’aqloq ru li profeetil aatin; jo’kan ut, chatz’iib’a li aatin li tinye.

10 Ut a’in li aatin: K’e reetal, k’eeb’il reetal inb’aan naq li tenamit ajwi’ a’in, eb’ laj Nefita, jo’ chanru li musiq’ej re k’utb’esink li wan wik’in, ^akaahib’ cient chihab’ chik chirix xq’ehil naq li Jesukristo tixk’utb’esi rib’ chiruheb’, te’lajq chi ^bmaak’a’aqeb’ xpaab’aal.

11 Relik chi yaal, toja’ ut naq te’ril li pleet ut li yajel, li we’ej ut li hoyok kik’, toj reetal ajwi’ naq te’kanaaq lix tenamit laj Nefi chi ^aoso’jenaq—

12 Relik chi yaal, ut a’in xb’aan naq te’lajq chi maak’a’aqeb’ xpaab’aal ut te’t’ane’q sa’ li k’anjel re q’ojyin, ut li ^ayib’ ru k’a’uxlej, ut li k’iila paay chi maa’usilal; relik chi yaal, ninye aawe, naq rik’in naq neke’maakob’ chiru xnimal li saqen ut li na’leb’, relik chi yaal, ninye aawe, naq chirix li kutan a’an, moko taanume’q ta chixjunil lix kaa tasal tenamit chi maji’aq taachalq li nimla maa’usilal a’in.

13 Ut naq taachalq li xnimal ru kutan a’an, k’e reetal, sa’ junpaat taachalq xq’ehil naq eb’ li k’eeb’ileb’ anajwan, malaj li riyajileb’ li ani k’eeb’ileb’ anajwan sa’ ajl sa’ xyanq lix tenamit laj Nefi, ^amoko te’k’ehe’q ta chik sa’ ajl sa’ xyanq lix tenamit laj Nefi.

14 Ani b’an li taakanaaq, ut moko sachb’il ta sa’ li xnimal ru ut xuwajel kutan a’an, ^ataak’ehe’q sa’ ajl sa’ xyanqeb’ laj Lamanita, ut te’ok chanchaneb’ a’an, chixjunil, ka’ajwi’ junjunq ink’a’, xtzolom li Qaawa’ yeeb’ilaqeb’ re; ut eb’ a’an te’taaqeeq xb’aaneb’ laj Lamanita ^btoj reetal naq te’kanaaq chi oso’jenaq. Ut anajwan, sa’ xk’ab’a’ li maa’usilal taatz’aqloq ru li profeetil aatin a’in.

15 Ut anajwan kik’ulman naq chirix naq laj Alma kixye li k’a’aq re ru a’in re laj Helaman, kirosob’tesi, ut jo’kaneb’ ajwi’ li ralal li jun ch’ol chik, ut kirosob’tesi ajwi’ li ruchich’och’ ^achoq’ reheb’ li tiikeb’ xch’ool.

16 Ut a’an kixye: Jo’ka’in naxye li Qaawa’ Dios—^aMajewanb’ilaq li ch’och’, relik chi yaal, li ch’och’ a’in, choq’ re li junjunq chi tenamit, junkab’al, aatinob’aal ut teepal, choq’ re li sache’k, li neke’b’aanunk re li maa’usilal, naq xe’q’ano’ chi tz’aqal; ut jo’ chanru kinye jo’kan taawanq; xb’aan naq a’in lix majewahom ut li ^brosob’tesihom li Dios sa’ xb’een li ch’och’, xb’aan naq li Qaawa’ ink’a’ naru naril li maak rik’in ^cyal ta jun miin raqal xkuyum.

17 Ut anajwan, chirix naq laj Alma kixye li aatin a’in kirosob’tesi li ^aiglees, relik chi yaal, chixjunileb’ li te’kanaaq chi xaqxo chi kaw sa’ li paab’aal chirix li hoonal a’an.

18 Ut chirix naq laj Alma kixb’aanu a’in ki’el chaq sa’ li ch’och’ Tzarahemla, chanchan naq taaxik raj sa’ li ch’och’ Melek. Ut kik’ulman naq maajun wa chik ki’ab’iman resil; chirix xkamik ut xmuqlajik maak’a’ naqanaw.

19 K’ehomaq reetal, a’in naqanaw, naq a’an jun li winq tiik xch’ool; ut kisutiik resil sa’ li iglees naq kixoke’ xb’aan li Musiq’ej, malaj ut naq ^akimuqe’ xb’aan ruq’ li Qaawa’, jo’ chanru laj Moises. A’b’anan k’ehomaq reetal, li loq’laj hu naxye naq li Qaawa’ kixk’ul laj Moises choq’ re, ut naqak’oxla naq kixk’ul ajwi’ laj Alma sa’ li musiq’ej, choq’ re; jo’kan ut, xb’aan a’in maak’a’ naqanaw chirix xkamik ut xmuqlajik.

20 Ut anajwan kik’ulman sa’ xtiklajik lix b’elelaju chihab’ rawa’b’ejileb’ laj raqol aatin sa’ xb’een lix tenamit laj Nefi, naq laj Helaman xko’o sa’ xyanqeb’ li tenamit chixjultikankil li aatin chiruheb’.

21 Xb’aan naq k’ehomaq reetal, xb’aaneb’ li pleet ke’wan wi’ chaq rik’ineb’ laj Lamanita, ut li k’iila kok’ jachok-ib’ ut choqink li ke’wan chaq sa’ xyanqeb’ li tenamit, ki’ok chi ajmank ru naq taach’olob’amanq li ^araatin li Dios sa’ xyanqeb’, relik chi yaal, ut naq taa’uxq jun li tuqub’ank chiru chixjunil li iglees.

22 Jo’kan naq laj Helaman ut eb’ lix komon xkoheb’ chixxaqab’ankil wi’chik li iglees sa’ chixjunil li ch’och’, relik chi yaal, sa’ li junjunq chi tenamit chiru chixjunil li ch’och’ li eechaninb’il xb’aan lix tenamit laj Nefi. Ut kik’ulman naq ke’xxaqab’eb’ laj tij ut laj tzolonel chiru chixjunil li ch’och’, sa’ xb’een chixjunileb’ li iglees.

23 Ut anajwan kik’ulman naq chirix naq laj Helaman ut eb’ lix komon ke’xxaqab’eb’ aj tij ut aj tzolonel sa’ xb’een chixjunileb’ li iglees, kiwakli jun ^ajachok-ib’ sa’ xyanqeb’, ut ink’a’ ke’raj xk’eeb’aleb’ xxik rik’in li raatin laj Helaman ut eb’ lix komon.

24 Ke’q’etq’eto’ b’an, chi taqsinb’ileb’ sa’ xch’ooleb’, xb’aan ^axb’ihomaleb’ li numtajenaq xnimal; jo’kan naq ke’b’ihomo’ jo’ ^bneke’ril rib’, ut ink’a’ ke’raj xk’eeb’al xxik chirab’inkil li raatineb’, re te’b’eeq chi tiik chiru li Dios.