1 Anajwan kik’ulman sa’ xwaq chihab’ rawa’b’ejileb’ laj raqol aatin sa’ xb’een lix tenamit laj Nefi, maajun wech’ok-ib’ chi moko pleet kiwan sa’ li ^ach’och’ Tzarahemla;

2 A’ut tawasinb’ileb’ li tenamit, relik chi yaal, tawasinb’ileb’ chi naab’al xb’aan ^axsachikeb’ li ras riitz’ineb’, ut xb’aan ajwi’ xsachikeb’ lix ketomq ut lix teepeb’ chi xul, ut jo’kan ajwi’ xb’aan xsachik lix ch’och’eb’ awb’il wi’ li iyaj nak’uxman, li ke’yeq’iik rub’el oqej ut ke’sache’ xb’aaneb’ laj Lamanita.

3 Ut k’a’jo’ xnimal lix ch’a’ajkilaleb’, jo’kan naq li junjunq chi aamej kiwan rajb’al naq taayaab’aq; ut ke’xpaab’ naq a’an lix raqb’a-aatin li Dios taqlanb’il sa’ xb’eeneb’ sa’ xk’ab’a’ lix maa’usilaleb’ ut lix tz’eqb’eetalileb’; jo’kan naq ke’ajsiik ru sa’ xjultikankil li k’a’ru teneb’anb’il sa’ xb’eeneb’.

4 Ut q’axal wi’chik ke’ok chixxaqab’ankil li iglees; relik chi yaal, ut naab’al ^ake’kub’e xha’ sa’ xha’il Sidon ut ke’oksiik sa’ lix iglees li Dios; relik chi yaal, ke’kub’e xha’ xb’aan ruq’ laj Alma, li k’ojob’anb’il chaq’ jo’ ^btaqenaqil aj tij sa’ xb’eeneb’ li ani wankeb’ sa’ li iglees, xb’aan ruq’ laj Alma lix yuwa’.

5 Ut kik’ulman sa’ xwuq chihab’ rawa’b’ejileb’ laj raqol aatin wan na oxib’ mil rik’in oob’ cient chi aamej li ke’xjunaji rib’ rik’in lix ^aiglees li Dios ut ke’kub’e xha’. Ut chi jo’kan kiraqe’ li xwuq chihab’ rawa’b’ejileb’ laj raqol aatin sa’ xb’een lix tenamit laj Nefi; ut kiwan rajlal li tuqtuukilal chiru chixjunil li kutan a’an.

6 Ut kik’ulman sa’ li xwaqxaq chihab’ rawa’b’ejileb’ laj raqol aatin, naq eb’ li wankeb’ sa’ li iglees ke’ok chi q’etq’eto’k, xb’aan xnumtajenaqil lix ^ab’ihomaleb’, ut lix ^bchaab’il lemtz’ t’ikr, ut lix q’unal t’ikr b’aqb’il chi chaab’il, ut xb’aan xk’ihaleb’ lix ketomq ut lix teepeb’ chi xul, ut lix oor ut lix plaat, ut k’iila paay li k’a’ru terto xtz’aq, li ke’xtaw chaq xb’aan xsak’ahileb’; ut rik’in chixjunil li k’a’aq re ru a’in ke’taqsiik sa’ xq’etq’etileb’ li ru, xb’aan naq ke’ok chixk’eeb’al chirixeb’ li aq’ej q’axal terto xtz’aq.

7 Ut xb’aan a’in k’a’jo’ naq kich’a’ajkilo’ laj Alma, relik chi yaal, ut naab’aleb’ li ani ^ak’ojob’anb’ileb’ chaq xb’aan laj Alma chi wank choq’ aj tzolonel, ut aj tij, ut xb’eenil sa’ xb’een li iglees; relik chi yaal, naab’aleb’ a’an ke’raho’ xch’ool chi naab’al xb’aan li maa’usilal ke’ril naq okenaq chi wank sa’ xyanq lix tenamiteb’.

8 Xb’aan naq ke’ril ut ke’xk’e reetal rik’in nimla rahil ch’oolejil naq eb’ li wankeb’ sa’ li iglees ke’ok chi taqsiik sa’ ^axq’etq’etileb’ li ru, ut chixk’eeb’aleb’ xch’ool chirix li b’ihomal ut li jo’maajo’il k’a’aq re ru re li ruchich’och’, jo’kan naq ke’ok chi wank xb’ach’b’ach’il li jun chiru li jun chik, ut ke’ok chixrahob’tesinkileb’ li ^bink’a’ neke’paab’an jo’ chanru li neke’raj ut neke’saho’ wi’ xch’ool eb’ a’an.

9 Ut chi jo’kan, sa’ li xwaqxaq chihab’ a’in re li rawa’b’ejileb’ laj raqol aatin, kitikla wank xninqal li ^awech’ok-ib’ sa’ xyanqeb’ li ani wankeb’ sa’ li iglees; relik chi yaal, kiwan li ^bkaqalink, ut li wech’ij-ib’, ut li xik’ ilok, ut li rahob’tesink, ut li q’etq’etil, toj reetal naq naxq’ax xq’etq’etileb’ li moko neke’wan ta sa’ lix iglees li Dios.

10 Ut chi jo’kan kiraqe’ lix waqxaq chihab’ rawa’b’ejileb’ laj raqol aatin; ut lix maa’usilal li iglees kiwan choq’ nimla tichk’ob’aal chiruheb’ li moko neke’wan ta sa’ li iglees; ut chi jo’kan li iglees ki’ok chi lajk sa’ li usaak.

11 Ut kik’ulman sa’ xtiklajik li xb’ele chihab’, laj Alma kiril lix maa’usilal li iglees, ut kiril ajwi’ naq li k’a’ru ^ana’ile’ chi b’aanumank sa’ li iglees ki’ok chixk’amb’aleb’ li ani ink’a’ neke’paab’an sa’ li junjunq raqal chi maa’usilal, ut chi jo’kan yoo chixk’amb’al chaq xsachlijik li tenamit.

12 Relik chi yaal, kiril naq ki’oso’ chi naab’al li juntaq’eetalil sa’ xyanq li tenamit, wankeb’ li neke’xtaqsi rib’ rik’in xq’etq’etil, ut xik’ neke’ril li jun ch’ol chik, ut neke’xb’alq’usi li rilob’aal chiruheb’ li ^amaak’a’ k’a’ru reheb’ ut li t’ust’uukeb’ ut li ani ^bte’tz’okaaq, ut li ani te’chaqiq re, ut eb’ li ani yajeb’ ut tawasinb’ileb’.

13 Anajwan rik’in a’in k’a’jo’ naq kiwan rajb’al li yaab’ak sa’ xyanq li tenamit, a’ut wankeb’ chik li yookeb’ chixkub’sinkil rib’, ut chixk’eeb’al xtenq’ankileb’ li neke’ajok tenq’aak xb’aaneb’, jo’ ^axk’eeb’al li k’a’ruheb’ re choq’ reheb’ li neb’a’ ut li maak’a’eb’ wan re, xk’eeb’al chi tzekank li te’tz’okaaq, ut xnumsinkil li k’iila paay chi ^bch’a’ajkilal, ^cchoq’ re li Kristo, li taachalq jo’ chanru li musiq’ej re profeetil aatin;

14 Yookeb’ ut chi ilok chi uub’ej toj sa’ li kutan a’an, ut chi jo’kan ^ake’xk’uula li risinkileb’ lix maak; ut ke’nujak rik’in nimla ^bsahil ch’oolejil xb’aan lix waklijikeb’ li kamenaq chi yo’yo, jo’ chanru li rajom ut lix wankilal ut lix kolom li Jesukristo chiru lix b’ak’leb’ li kamk.

15 Ut anajwan kik’ulman naq laj Alma, chirix rilb’al xch’a’ajkilaleb’ li neke’taaqen re li Dios chi tuulaneb’ xch’ool, ut li rahob’tesink li tuub’anb’il sa’ xb’eeneb’ xb’aaneb’ li rela’ lix tenamit, ut rik’in rilb’al chixjunil lix ^amaak’a’il li juntaq’eetalil sa’ xyanqeb’, k’a’jo’ naq ki’ok chi raho’k xch’ool; a’b’anan lix Musiq’ li Qaawa’ ink’a’ kixkanab’.

16 Ut kixsik’ ru jun winq chaab’il xna’leb’ li kiwan sa’ xyanqeb’ li xb’eenil sa’ li iglees, ut kixk’e xwankil jo’ chanru ^axyaab’ xkux li tenamit, re taawanq xwankil chixk’uub’ankil li ^bchaq’rab’ jo’ chanru li chaq’rab’ li ak k’eeb’il, ut chixk’eeb’al chi k’anjelak jo’ chanru lix maa’usilaleb’ ut lix maakeb’ li tenamit.

17 Anajwan laj Nefihah xk’ab’a’ li winq a’in, ut a’an kixaqab’aak choq’ ^axb’eenil aj raqol aatin; ut kichunla sa’ li raqleb’aal aatin re taaraqoq aatin ut tixjolomi li tenamit.

18 Anajwan laj Alma ink’a’ kixk’e re a’an li opiis re wank choq’ taqenaqil aj tij sa’ xb’een li iglees; kikana b’an xjunes sa’ ropiis li taqenaqil aj tij; a’b’an kixq’axtesi li raqleb’aal aatin re laj Nefihah.

19 Ut a’in kixb’aanu re naq taaruuq ^aa’an chi xik sa’ xyanq lix tenamit, malaj sa’ xyanq lix tenamit laj Nefi, re taaruuq chixjultikankil li ^braatin li Dios chiruheb’, re ^creek’asinkileb’ sa’ ^dxjultikankil li k’a’ru teneb’anb’il sa’ xb’eeneb’, ut re taaruuq tixrum, rik’in li raatin li Dios, chixjunil li q’etq’etil ut li b’alaq’ ut chixjunil li wech’ok-ib’ li wan sa’ xyanq lix tenamit, rik’in naq maajun b’e naril tixsutq’isiheb’ wi’, ka’ajwi’ rik’in xk’amb’al sa’ xb’eeneb’ li saqen ruhil ^eyaal chi ch’olob’anb’il.

20 Ut chi jo’kan sa’ xtiklajik li xb’ele chihab’ rawa’b’ejileb’ laj raqol aatin sa’ xb’een lix tenamit laj Nefi, laj Alma kixq’axtesi li raqleb’aal aatin chiru laj ^aNefihah, ut kixk’e anchal xk’anjel sa’ li ^btaqenaqil tijonelil re lix santil k’anjelil li Dios; sa’ xch’olob’ankil xyaalalil li aatin, jo’ chanru li musiq’ej re k’utb’esink ut re profeetil aatin.