Ch’ol 3
Eb’ laj Amlicita ke’xk’e jun eetalil chiruheb’ jo’ chanru li profeetil aatin—Eb’ laj Lamanita ke’majewaak xb’aan xpo’jikeb’ xch’ool—Eb’ li winq xjuneseb’ rib’ neke’xk’am sa’ xb’eeneb’ li majewaak—Eb’ laj Nefita neke’xq’ax ru jun chik teep chi aj pleet aj Lamanita. Wan na 87–86 chihab’ ma nayo’la li Kristo.
1 Ut kik’ulman naq eb’ laj Nefita li ink’a’ ake’kamsiik xb’aaneb’ li k’anjeleb’aal re pleet, chirix xmuqb’aleb’ li ke’kamsiik chaq—anajwan moko kik’ehe’ ta sa’ ajl li rajlankileb’ li kamsinb’il, xb’aan xk’ihal li rajlankileb’—chirix naq ke’xchoy xmuqb’aleb’ lix kamenaqeb’ ke’sutq’i chixjunileb’ sa’ lix ch’och’eb’, ut sa’ li rochocheb’, ut rik’ineb’ li rixaqil, ut eb’ lix kok’al.
2 Anajwan ke’kamsiik chaq naab’al li ixq ut li kok’al rik’in yok’leb’ ch’iich’, ut jo’kan ajwi’ naab’al lix ketomqeb’ ut lix teepeb’ chi xul; ut jo’kan ajwi’ naab’al lix ch’och’eb’ awb’il wi’ li iyaj nak’uxman ke’sache’, xb’aan naq yeq’inb’ileb’ xb’aaneb’ li teep chi winq.
3 Ut anajwan jo’ k’ihaleb’ laj Lamanita ut laj Amlicita li ke’kamsiik sa’ li uul chire li nima’ Sidon, ke’kute’ sa’ axha’il Sidon; ut k’ehomaq reetal, lix b’aqeleb’ wankeb’ sa’ xchamal li bpalaw, ut k’iheb’.
4 Ut kinawe’ ru naq jachjookeb’ ru laj aAmlicita rik’ineb’ laj Nefita, xb’aan naq bxe’xb’on rib’ chi kaq sa’ xpekemeb’, jo’ chanru na’ux rik’ineb’ laj Lamanita; a’b’anan ink’a’ ke’xb’es xjolomeb’ jo’ chanru eb’ laj Lamanita.
5 Anajwan, eb’ laj Lamanita b’esb’ookeb’ xjolom; ut at’ust’uukeb’, ka’ajwi’ naq lanb’il li tz’um chixyiitoqeb’, ut k’eeb’il ajwi’ li kolb’a-ib’ aq’ej chirixeb’, ut li roq tzimaj, ut lix tzimajeb’, ut lix pekeb’, ut lix jok’eb’, ut jo’kan wi’chik.
6 Ut q’eqeb’ xtib’eleb’ laj Lamanita, jo’ chanru li eetalil li kik’eman sa’ xb’eeneb’ lix yuwa’eb’, a’an jun amajewank sa’ xb’eeneb’ sa’ xk’ab’a’ li q’etok aatin ke’xb’aanu ut lix po’jikeb’ xch’ool rik’ineb’ li riitz’in, a’aneb’ laj Nefi, laj Jakob, laj Jose ut laj Sam, a’aneb’ tiikil ut santil winqeb’.
7 Ut eb’ li ras ke’xsik’ xsachb’aleb’, jo’kan naq ke’majewaak; ut li Qaawa’ Dios kixk’e jun li aeetalil sa’ xb’eeneb’, relik chi yaal, sa’ xb’een laj Laman ut laj Lemuel, ut jo’kan ajwi’ sa’ xb’eeneb’ li ralal laj Ismael, ut eb’ li ixq aj Ismaelita.
8 Ut kib’aanuman a’in re naq te’nawe’q ru li riyajileb’ chiru riyajileb’ li riitz’ineb’, re naq chi jo’kan li Qaawa’ Dios taaruuq chixkolb’aleb’ rix lix tenamit, re naq ink’a’ ate’xjunaji rib’ ut te’xpaab’ li bna’leb’ li moko yaal ta, li taak’amoq raj xsachlijikeb’.
9 Ut kik’ulman naq yalaq ani naxjunaji li riyajil rik’in riyajileb’ laj Lamanita, naxk’am li majewank a’an sa’ xb’een li riyajil.
10 Jo’kan ut, yalaq ani naxkanab’ rib’ chi jalb’ehiik xb’aaneb’ laj Lamanita, kik’ab’a’iik rub’el a’ jolomej a’an, ut kik’eeman jun li eetalil sa’ xb’een.
11 Ut kik’ulman naq yalaq ani ink’a’ kiraj xpaab’ankil li ana’leb’ kanab’anb’il chaq reheb’ laj Lamanita, li ke’xpaab’ b’an li tz’iib’anb’il esil a’an li ke’k’ame’ chaq sa’ li ch’och’ Jerusalen, ut jo’kan ajwi’ li na’leb’ kanab’anb’il chaq xb’aaneb’ lix yuwa’eb’, li yaal, ut ke’paab’an chirixeb’ lix taqlahom li Dios ut ke’xpaab’eb’, a’aneb’ laj Nefita neke’yehe’ re, malaj xtenamit laj Nefi, chirix chik a’an—
12 Ut a’aneb’ a’an li ke’tz’iib’ank re li esil li tz’aqal ayaal chirix lix tenamiteb’, ut jo’kan ajwi’ chirix lix tenamiteb’ laj Lamanita.
13 Anajwan toosutq’iiq wi’chik rik’ineb’ laj Amlicita, xb’aan naq eb’ a’an wan ajwi’ jun li aeetalil kik’ehe’ chiruheb’; relik chi yaal, xjuneseb’ rib’ ke’xk’e li eetalil chiruheb’, relik chi yaal, a’an jun eetalil kaq chiru xpekemeb’.
14 Chi jo’kan natz’aqlok ru li raatin li Dios, xb’aan naq a’in li aatin li kixye re laj Nefi: K’e reetal, eb’ laj Lamanita keb’inmajewa, ut tink’e jun li eetalil sa’ xb’eeneb’ re naq jachb’ilaq ru li riyajileb’ aawik’in laa’at ut laa wiyajil, chalen chaq sa’ li kutan a’in toj chi junelik, wi ink’a’ te’xjal xk’a’uxl chirix lix maa’usilaleb’ ut ate’sutq’iiq wik’in re tinwuxtaanaheb’ ru.
15 Ut jo’kan wi’chik: Laa’in tink’e jun li eetalil sa’ xb’een li naxjunaji li riyajil rik’ineb’ laa was, re naq te’majewaaq ajwi’.
16 Ut jo’kan wi’chik: Tink’e jun li eetalil sa’ xb’een li ani napleetink aawe ut re laa wiyajil.
17 Ut jo’kan wi’chik, ninye, ani narisi rib’ aawik’in moko aawiyajil ta chik taayeemanq re; ut tatwosob’tesi laa’at, ut li ani taayehe’q re naq aawiyajil, anajwan ut chi junelik; ut a’an a’in lix yeechi’ihom li Qaawa’ choq’ re laj Nefi ut re li riyajil.
18 Anajwan eb’ laj Amlicita moko neke’xnaw ta naq yookeb’ chixtz’aqob’resinkil ru li raatin li Dios naq ke’ok chixb’onb’al rib’ sa’ xpekemeb’; a’ut eb’ a’an chi k’utk’u ake’xpo’resi chaq xch’ool rik’in li Dios; jo’kan naq ki’ajman ru naq taat’ane’q li majewank sa’ xb’eeneb’ a’an.
19 Anajwan nawaj raj naq teeril naq eb’ a’an ke’xk’am sa’ xb’eeneb’ li amajewank; ut jo’kan ajwi’ li junjunq chi winq li majewanb’il, xjunes rib’ naxk’am li tojb’a-maak sa’ xb’een.
20 Anajwan kik’ulman naq moko k’iila kutan ta chik chirix li pleet li pleetinb’il sa’ li ch’och’ Tzarahemla, xb’aaneb’ laj Lamanita ut laj Amlicita, kiwan jun chik teep aj pleet reheb’ laj Lamanita li kichal sa’ xb’eeneb’ lix tenamit laj Nefi, sa’ li ana’ajej ajwi’ a’an b’ar wi’ li xb’een teep aj pleet ke’xk’uleb’ laj Amlicita.
21 Ut kik’ulman naq kiwan jun teep aj pleet taqlanb’il chiralinasinkileb’ chaq sa’ xch’och’eb’.
22 Anajwan laj Alma rik’in naq tawasinb’il xb’aan jun li atoch’olal moko kitaqe’ ta sa’ li kutan a’an chi pleetik rik’ineb’ laj Lamanita;
23 A’b’an kixtaqla jun teep aj pleet nim xk’ihaleb’ re xpleetinkileb’; ut koxe’taqe’q ut ke’xkamsi naab’al reheb’ laj Lamanita, ut li jun ch’ol chik reheb’ ke’ralinasi chirix xnub’aal lix ch’och’eb’.
24 Toja’ ut naq ke’sutq’i wi’chik ut ke’ok wi’chik chixxaqab’ankil li tuqtuukilal sa’ li ch’och’, ut ink’a’ chik ke’ch’a’ajkilaak chiru jarub’aq kutan xb’aaneb’ li xik’ neke’ilok reheb’.
25 Anajwan kib’aanuman chixjunil li k’a’aq re ru a’in, relik chi yaal, chixjunil li pleet ut li wech’ok-ib’ a’in kitikla ut kiraqe’ sa’ li ro’ chihab’ rawa’b’ejileb’ laj raqol aatin.
26 Ut sa’ jun chihab’ ke’taqlaman li aamej chi mil ut chi lajetq mil toj sa’ li ruchich’och’ re junelik, re te’xq’ol lix aq’ajkaamunkileb’ jo’ chanru lix k’anjeleb’, ma us malaj ink’a’ us, re te’xq’ol li sahil ch’oolejil re junelik malaj li rahilal re junelik, jo’ chanru li musiq’ej li ke’xk’e xch’ool chi ab’ink chiru, ma chaab’il musiq’ej malaj ink’a’ us.
27 Xb’aan naq li junjunq chi winq naxk’ul axtojb’al rik’in li ani naxk’e xch’ool chi bab’ink chiru, ut a’in jo’ chanru raatin li musiq’ej re profeetil aatin, jo’kan ut, chiwanq jo’ chanru li yaal. Ut chi jo’kan naraqe’ li ro’ chihab’ rawa’b’ejileb’ laj raqol aatin.