1 Tan nia, say agew so onsabi ya ompool a siñga pugon; tan amin a mankinon, on, tan amin a marelmeng, so manmaliw ira a siñga ñgapos; tan say agew ya onsabi poolan to ra, inkuan na Katawan na saray Ejercito, pian angapo so ikera to ed sikara a lamut ni sañga.

2 Balet dia ed sikayo ya antakot ed ñgaran ko, say Anak na Inkamatunong so ombañgon ya awit to so tambal ed saray payak to; tan sikayo so onla tan ombaleg a siñga saray kilaw ed pakanan.

3 Tan gatin-gatinan yo so saray marelmeng; tan sikara so manmaliw a dapol ed silong na dapan na saray sali yo ed saman ya agew a saya so gawaen ko, inkuan na Katawan na saray Ejercito.

4 Nunot yo so gangan nen Moises, ya igagangan ko, ya ingangan ko ed sikato diman ed Horeb ya onkana ed amin ya Israel, a katekep to so saray pananuntonan tan panañgokom.

5 Nia, ibakik ed sikayo si Elias a profeta sakbay na isabi na makabaliksan tan makapataktakot ya agew na Katawan;

6 Tan paeleten to so puso na saray ama ed saray anak, tan say puso na saray anak ed saray ama ra, ag la piga a siak so onsabi tan bakbaken ko so dalin ed sakey ya ayew.