1 Na ɔbaa dɛ Jesus hyɛɛ n’esuafo no dɛ wɔmfa ^apaanoo nye wenyin mbrɛ no.

2 Na ber a wɔkɔr dɛ wɔrekɛfa paanoo nye wenyin no, ɔsee nyimpadodow no dɛ wɔntsena ase.

3 Na ber a esuafo no dze ^apaanoo na wenyin no bae no, ɔfaa paanoo no na obubuu mu na ohyiraa do; na ɔhyɛɛ n’esuafo no dɛ wondzi.

4 Na ber a wodzidzii na wɔmee wiei no, ɔhyɛɛ hɔn dɛ wɔmfa mma dɔmtutuw no.

5 Na ber a nyimpadodow no dzidzii na wɔmee no, ɔsee esuafo no dɛ: Hwɛ hom mu kor na meeyi no na mibehyira no, na ɔno na mebɛma no tum dɛ ^aombubu paanoo na onhyira do na ɔmfa mma nkorɔfo a wɔwɔ m’asɔr mu, nye hɔn a wɔbɛgye me edzi na woenuma hɔn wɔ me dzin mu.

6 Na hom nhwɛ nyɛ iyi daadaa, dɛ mbrɛ mayɛ yi mpo, dɛ mbrɛ mebubu paanoo na mehyira do na medze ama hom yi mpo.

7 Na iyi na hom nyɛ mfa ^ankaa mo honandua a medze akyerɛ hom yi. Na ɔbɛyɛ dasegye dze ama Egya no dɛ hom kaa me daa. Na sɛ hom kaa me daa a hom benya mo Sunsum ma ɔnye hom abɛtsena.

8 Na ɔbaa dɛ ber a ɔkãa dɛm nsɛm yi wiei no, ɔhyɛɛ n’esuafo no dɛ wɔmfa wenyin kuraba no na wɔnnom, na wɔmfa mma nyimpadodow no so ma wɔnnom.

9 Na ɔbaa dɛ wɔyɛɛ dɛm, na wɔnomee na wɔmee; na wɔdze maa nyimpadodow no so na wɔnomee na wɔmee.

10 Na ber a esuafo no yɛɛ iyi no, Jesus see hɔn dɛ: Nhyira akã hom wɔ adze yi a hom ayɛ yi ntsi, na iyi rehyɛ me mbrasɛm no mã, na iyi yɛ dase dze ma Egya no dɛ hom pɛ dɛ hom yɛ dza mahyɛ hom no.

11 Na hom nyɛ iyi daa mfa mma hɔn a wonu hɔnho na wonuma hɔn wɔ me dzin mu no; na hom bɛyɛ iyi dze akaa mo bɔgyaa a mikyii maa hom, ama hom aagye dase akyerɛ Egya no dɛ hom kaa me daa. Na sɛ hom kaa me daa a hom benya mo Sunsum ma ɔnye hom abɛtsena.

12 Na me ma hom mbrasɛm dɛ hom nyɛ dɛm ndzɛmba yi. Na sɛ hom yɛ dɛm ndzɛmba yi daa a nhyira akã hom, osiandɛ wɔdze hom esi mo ^abotan do.

13 Mbom hom mu biara a ɔbɛyɛ dza ɔbor iyinom do anaa dza ɔtɔ sin wɔ iyinom ho no woennsi no wɔ mo botan no do, mbom woesi wɔ anhwea do; na ber a nsu bɔtɔ, na nsuyirii bɛba, na mframa bɔbɔ ahwe no no, ^aɔbɔhwe ase, na ^bhɛl mbobow no eebue ayɛ krado dɛ ɔbɛgye no.

14 Dɛm ntsi sɛ hom dzi me mbrasɛm a Egya no hyɛɛ me dɛ memfa mma hom no do a nhyira akã hom.

15 Nokwar, nokwar, mese hom dɛ, hom weɔn na hom ^ansɔr daa nyina, amma abɔnsam no annsɔ hom annhwɛ, na ɔammfa hom annkɔ ndɔmmum mu.

16 Na dɛ mbrɛ mabɔ mpaa wɔ hom mu yi, dɛmara so na hom so hom mbɔ mpaa wɔ m’asɔrfi mu, wɔ mo nkorɔfo a woenu hɔnho na woenuma hɔn wɔ me dzin mu no mu. Hwɛ Emi nye ^akan no; mayɛ ^bfasusu ama hom.

17 Na ɔbaa dɛ ber a Jesus kãa dɛm nsɛm yi kyerɛɛ n’esuafo wiei no, ɔdaan noho bio wɔ nyimpadodow no do na ɔsee hɔn dɛ:

18 Hwɛ, nokwar, nokwar, mese hom dɛ hom weɔn na hom nsɔr daa nyina amma hom annkɔ nsɔhwɛ mu; osiandɛ ^aSatan pɛ dɛ onya hom, ama ɔaapo hom dɛ isam.

19 Dɛm ntsi otwar dɛ hom sɔr ma Egya no daa nyina wɔ me dzin mu;

20 Na ^abiribiara a hom bebisa Egya no wɔ me dzin mu, na oye, na hom gye dzi dɛ hom nsa bɛkã no, hwɛ wɔdze bɛma hom.

21 Hom nye hom ebusua ebusua ^ansɔr mma Egya no daa nyina wɔ me dzin mu, ama woeehyira hom yernom nye hom mba.

22 Na hwɛ, hom ntaa nhyia mu; na mma hom nnsiw nyimpa biara kwan dɛ mma ɔmmba hom nkyɛn ber a hom ehyia, mbom hom mma wɔmbra hom nkyɛn na mma hom nnsiw hɔn kwan;

23 Mbom hom ^ambɔ mpaa mma hɔn, na mma hom nnyi hɔn tokyen; na sɛ ɔba dɛ wɔtaa ba hom nkyɛn a, hom mbɔ mpaa mma Egya no wɔ me dzin mu mfa mma hɔn.

24 Dɛm ntsi, hom mma hom ^akandzea do ama ɔaahyerɛn ama wiadzemba. Hwɛ Emi nye ^bkandzea a hom bɛma do no—dza hom hun me dɛ meyɛɛ no. Hwɛ hom hun dɛ mabɔ mpaa ama Egya no, na hom nyinara agye ho dase.

25 Na hom ehu dɛ mahyɛ hom dɛ ^amma hom mu biara nnkɔ, na mbom mahyɛ hom dɛ hom mbra mo hɔ, ama hom eetum dze hom nsa aakã me na hom ^batse na hom eehu; dɛmara so na hom nyɛ mma wiadze; na obiara a obu mbrasɛm yi do no ma noho kwan ma wɔdze no kɔ nsɔhwɛ mu.

26 Na afei ɔbaa dɛ ber a Jesus kãa dɛm nsɛm yi wiei no, ɔdaan n’enyiwa bio wɔ n’esuafo no a ɔasan mu eyi hɔn no do, na ɔsee hɔn dɛ:

27 Hwɛ, nokwar, nokwar, mese hom dɛ merema hom mbrasɛm bi so ansaana makɔ ^am’Egya no hɔ na makɛhyɛ mbrasɛm ^bnkaa no so a ɔdze ama me no mã.

28 Na afei hwɛ, mbrasɛm a medze rema hom no nye yi, dɛ sɛ hom dze mo honam nye mo bɔgyaa rema a, mma hom mma kwan ma obiara a hom nyim dɛ ^aonndzi mu no ^bnndzi bi.

29 Na nyia ^aonndzi mu na odzi mo honam na ɔnom mo ^bbɔgyaa no odzi na ɔnom afɔbu ma ne kra; dɛm ntsi sɛ hom nyim dɛ obi mmfata dɛ odzi mo honam na ɔnom mo bɔgyaa a hom nsiw no kwan.

30 Naaso, mma hom ^annyi no edzi wɔ hom mu, na mbom hom nsom no na hom mbɔ mpaa mma Egya no wɔ me dzin mu mfa mma no; na sɛ ɔba dɛ onu noho na wonuma no wɔ me dzin mu a, hom ngye no, na hom mma no mo honam nye mo bɔgyaa no.

31 Mbom sɛ oennu noho a mma hom nnkan no mmfora mo nkorɔfo no, amma hom annsɛɛ mo nkorɔfo, na hwɛ minyim ^amo nguan, na wɔakan hɔn.

32 Naaso, mma hom mmpam no mmfi hom nhyiamudan mu, anaa mbea a hom sɔr wɔ, na oyi na ɔwɔ dɛ hom kɔ do som no; na hom nnyim, bɛyɛ na ɔasan enu noho, na ɔdze akoma a odzi mu aba me nkyɛn, na mebɛsa no ^ayarba; na hom na wobodua hom do dze nkwagye bɛbrɛ hɔn.

33 Dɛm ntsi, hom ndzi nsɛm a mahyɛ hom yi do amma hom ammba ^aafɔbu ase; na nyia Egya no bu no fɔ no ndue.

34 Na medze dɛm mbrasɛm yi ma hom osian ekyingye a aba hom mu no ntsi. Na sɛ ^aekyingye biara nnyi hom mu a nhyira akã hom.

35 Na afei morokɔ Egya no nkyɛn, na ^aosian hom ntsi ohia dɛ mokɔ Egya no hɔ.

36 Na ɔbaa dɛ ber a Jesus dze dɛm kasa yi baa ewiei no, ɔdze ne ^ansa kãa ^besuafo no a ɔasan mu eyi hɔn no nkorkor kesii dɛ ɔdze ne nsa kãa hɔn nyinara mpo, na ɔkasaa kyerɛɛ hɔn ber a ɔdze ne nsa kekãa hɔn no.

37 Na nyimpadodow no anntse nsɛm a ɔkãe no, dɛm ntsi wɔanngye ho dase; na mbom esuafo no gyee dase dɛ ɔmaa hɔn ^atum dɛ wɔmfa ^bSunsum Krɔnkrɔn no mma. Na ekyir yi mebɛma hom ehu dɛ dɛm kyerɛwsɛm yi yɛ nokwar.

38 Na ɔbaa dɛ ber a Jesus dze ne nsa kãa hɔn nyinara wiei no, ^afua bɛkataa nyimpadodow no do ma woennhu Jesus.

39 Na ber a fua no bɛkataa hɔn do no, ofii hɔn nkyɛn, na ɔfowee kɔr sor. Na esuafo no hunii na wɔgyee dase dɛ ɔfoow bio kɔr sor.