1 ^aKwan a hɔn ^belderfo nye asɔfo no fa do hyira Christ no honam nye no bɔgyaa do dze mema asɔrmba no nye yi; na ^cwohyiraa do dɛ mbrɛ Christ ne mbrasɛm no se; dɛm ntsi yenyim dɛ nhyehyɛɛ no yɛ nokwar; na elder anaa sɔfo na hyiraa do—

2 Na wɔnye asɔrmba no nyina buu ntwɛr, na wɔbɔɔ mpaa maa Egya no wɔ Christ ne dzin mu see dɛ:

3 O Nyankopɔn, Onnyiewiei Egya, yɛserɛ wo wɔ wo Ba Jesus Christ ne dzin mu, dɛ hyira dɛm ^apaanoo yi do na tsew ho ma akra a wobedzi nyina, ama woedzi dze ^bakaa wo Ba no honandua, na wɔagye dase dze ama wo, O Nyankopɔn, Onnyiewiei Egya, dɛ woenya pɛ dɛ wɔbɛfa wo Ba ne ^cdzin ato hɔn do, na wɔakaa no aber nyina na woedzi ne mbrasɛm a ɔdze ama hɔn no do, ama aber nyina woenya no ^dSunsum ma ɔnye hɔn aatsena. Amen.