Ñembyaty 6
Nefi ohai Tupã mbaʼekuéra rehegua—Nefi oipyʼamovãse yvyporakuérape ou hag̃ua Abraham Tupãme ha ojesalva hag̃ua. 600–592 ary rupi Cristo mboyve.
1 Ha koʼág̃a che, Nefi, nameʼẽi che rukuéra genealogía kóva ko che kuatiajehaipyrépe; ha nameʼẽmoʼãi avei arakaʼeve koʼã pláncha ahaíva hína ári; oñemeʼẽgui umi kuatiajehaipyre che ru oguerahavaʼekuépe; ha upévare, ndahaíri kóva ko tembiapópe.
2 Oĩporãntema chéve haʼe ore haʼeha José ñemoñare.
3 Ha ndahaʼéi chéve mbaʼeguasu añemoĩ amombeʼu opaite umi che ru mbaʼekuéra, ndaikatúigui ojehai koʼã pláncha ári, ahejaségui paʼũ ahai hag̃ua Tupã mbaʼekuéra.
4 Ha pe che aipotavéva niko haʼe yvyporakuérape aipyʼamovã ou hag̃ua Abraham Tupãme, ha Isaac Tupãme, ha Jacob Tupãme, ojesalva hag̃ua.
5 Upévare, ndahaíri umi mbaʼe yvoragua oguerohorýva, ha katu umi mbaʼe Tupã ha umi ndahaʼéiva yvoragua oguerohorýva.
6 Upévare, ameʼẽta peteĩ tembiapoukapy che ñemoñarekuérape, ani hag̃ua omyenyhẽ hikuái koʼã pláncha umi mbaʼe ndahaʼéivape mbaʼehepy yvypóra raʼykuérape g̃uarã.