Fakamatala Hisitōlia Nounou

ʻOku ʻikai ko ha tohi hisitōlia ʻeni; ka ko hano fakatahatahaʻi ia ʻo e ngaahi tefitoʻi moʻoni ʻo e ongoongoleleí ʻo hangē ko hono akonaki ʻaki ʻe Palesiteni Kimipoló. ʻOku ʻomi ʻe he fakamatala hokohoko ko ʻení ha puipuituʻa fakahisitōlia nounou ʻo ʻene moʻuí mo e fokotuʻutuʻu ʻo ʻene ngaahi akonakí. ʻOku ʻikai fakakau ai ha ngaahi meʻa mahuʻinga lahi ʻi he hisitōlia ʻo e Siasí mo māmaní. ʻOku ʻikai foki fakakau ai ha ngaahi meʻa mahuʻinga lahi naʻe hoko ʻi he moʻui fakatāutaha ʻa Palesiteni Kimipoló, hangē ko hono fāʻeleʻi ʻene fānaú.

1895, Māʻasi 28	Ko hono fāʻeleʻi ʻa Sipenisā Uli Kimipolo ʻi Sōleki Siti, ʻIutā, kia ʻAnitelū Kimipolo mo ʻŌlive Uli Kimipolo.
1898, Mē	Hiki mo hono fāmilí ki Tetisā, ʻi ʻAlesona, ʻa ia naʻe tokangaʻi ai ʻe heʻene tamaí ʻa e Siteiki Seni Siosefá ʻi he taʻu ʻe 26 hokohoko.
1906, ʻOkatopa 18	Mālōlō ʻene fineʻeikí.
1907, Sune	Mali ʻene tamaí mo Sosefine Kalafi.
1914, ʻOkatopa	Kamata ngāue ko e faifekau taimi kakato ʻi he Misiona Siteiki Lotolotó ʻi he ʻIunaiteti Siteití. Naʻe uiuiʻi ia ki he Misiona Suisalani-Siamané ka ne ʻikai ke lava ʻo ʻalu koeʻuhí ko e ʻUluaki Tau Lahi ʻa Māmaní.
1916, Tīsema	Tukuange mei heʻene ngāue fakafaifekau taimi kakató. Taimi siʻi pē mei ai peá ne hū ki he ʻUnivēsiti ʻo ʻAlesoná.
1917, Nōvema 16	Mali mo Kamila ʻAealingi.
1918	Uiuiʻi ke hoko ko e kalake fakasiteiki ʻo e Siteiki Seni Siosefá. Hoko ko e kalake mo e tokotaha ngāue ʻi he pisinisi fakapangikeé.
1923	Kau ki he Kalapu Lōtalí, ko ha kautaha tokoni ia ne kau ki ai ʻi he taʻu hokohoko ʻe 20, kau ai ʻene hoko ko ha kōvana fakavahe.
1924, ʻAokosi 31	Mālōlō ʻene tangataʻeikí. ʻOsi e uike ʻe taha mei ai, ne kau leva ʻa Sipenisā ki hono fokotuʻutuʻu foʻou ʻo e kau palesitenisī fakasiteikí, ʻo ui ai ia ko e tokoni ua. Ne fakanofo ia ko e taulaʻeiki lahi ʻe Palesiteni Hiipa J. Kalanite, ko e Palesiteni hono fitu ʻo e Siasí.
1927	Hoko ko e palesiteni pule ʻo e Kautaha Kimball-Greenhalgh Realty and Insurance.
1938, Fēpueli 20	Uiuiʻi ko e palesiteni ʻo e Siteiki Mauni Kuleihemí.
1943, ʻOkatopa 7	Fakanofo ko e ʻAposetolo ʻe Palesiteni Hiipa J. Kalanite.
1948	Puke ʻi ha uesia lahi hono mafú peá ne toe sai pē.
1950	ʻIkai toe ongo hono leʻó tupu mei ha fokoutua hono kiá. Ne toe ongo hono leʻó hili ha faingāue ʻa e lakanga fakataulaʻeikí.
1957	Fai e tafa kiate ia ʻi he kanisā hono kiá; ne toʻo ha kiʻi konga mei he konga hono kiá ʻokú ne fakaongo mai hono leʻó.
1969	Ne pulusi ai e Ko e Mana ʻo e Fakamolemolé.
1970	Hoko ko e Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá.
1972, ʻEpeleli 12	Fai e tafa ki hono mafú.
1972, Siulai 7	Hoko ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá.
1973, Tīsema 26	Pekia ʻa Palesiteni Hāloti B. Lī.
1973, Tīsema 30	Hoko ko e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea hoko ʻa Palesiteni N. ʻEletoni Tena ko e Tokoni ʻUluaki mo Palesiteni Melioni G. Lomenī ko e Tokoni Ua ʻi he Kau Palesitenisī ʻUluakí.
1974, Nōvema 19	Fakatapui ʻe Temipale Uasingatoni D. C.
1975, ʻOkatopa 3	Kamata hono toe fokotuʻutuʻu foʻou ʻo e Kōlomu ʻUluaki ʻo e Kau Fitungofulú.
1976	Tokangaʻi hono toe tānaki atu ʻo e ongo fakahā ki he Mataʻitofe Mahuʻingá. Ne fakakau atu e ongo fakahā ko ʻení ki mui ʻi he Tokāteline mo e Ngaahi Fuakavá ko hono vahe 137 mo e 138.
1977, ʻAokosi 24	Fakatapui ʻa Pōlani ke fakahoko ai e ngāue ʻa e Siasí he kahaʻú—ko e fuofua ʻaʻahi ʻeni ʻa ha Palesiteni ʻo e Siasí ki he tafaʻaki naʻe ʻiloa he taimi ko iá ko e Puipui Ukameá (Iron Curtain).
1978, Sune 8	Naʻá ne tuku atu ai mo hono ongo tokoni ʻi he Kau Palesitenisī ʻUluakí ha tohi ʻo fakahā ʻa hono foaki e ngaahi tāpuaki ʻo e lakanga fakataulaʻeikí ki he kāingalotu moʻui taau kotoa pē, ʻo tatau ai pē pe ko e hā honau matakalí pe lanú.
1978, ʻOkatopa 30	Fakatapui e Temipale Sao Paula Palāsilá.
1979	Tokangaʻi hono pulusi e tatau ʻa e Siasí ʻo e Tohi Tapú ʻi hono liliu ʻe Kingi Sēmisí.
1979, ʻOkatopa 24	Fakatapui e Ngoueʻanga Fakamanatu ʻo ʻOasoni Haití ʻi Selusalemá.
1980	Tokangaʻi hono kamata ʻo e taimi tēpile tuʻumaʻu ʻa ia ʻoku fakahoko ai e houalotu sākalamēnití, ngaahi fakatahaʻanga ʻa e lakanga fakataulaʻeikí ʻi he uōtí, ngaahi fakatahaʻanga ʻa e Fineʻofá, ngaahi kalasi ʻa e Kau Finemuí, Lautohi Faka-Sāpaté, pea mo e Palaimelí ʻi ha poloka houalotu hokohoko ʻe tolu ʻi he ʻaho Sāpaté kae ʻikai ʻi ha ngaahi taimi kehekehe he lolotonga e uiké. ʻ
1980, ʻOkatopa 27	Fakatapui e Temipale Tokiō Siapaní.
1980, Nōvema 17	Fakatapui e Temipale Siato Uasingatoní.
1981	Tokangaʻi hono pulusi e paaki fakatahaʻi foʻou e ngaahi tohi folofola ʻe tolú, fakataha mo hono founga futinouti foʻoú mo e fakahokohoko ʻo e ngaahi meʻa ʻoku ʻi aí.
1981, Siulai 23	Uiuiʻi ʻa Palesiteni Kōtoni B. Hingikelī ke hoko ko ha tokoni ʻe taha ʻi he Kau Palesitenisī ʻUluakí.
1981 ki he 1985	Tokangaʻi hono fakatapui ʻo ha ngaahi temipale ʻe 17.
1982, ʻOkatopa 3	Ko hono fakahā ha kupuʻi lea ke tānaki atu ki he Tohi ʻa Molomoná—“Ko ha Toe Fakamoʻoni ʻe Taha ʻo Sīsū Kalaisi.”
1982, Tīsema 2	Toe fokotuʻutuʻu foʻou e Kau Palesitenisī ʻUluakí, ʻo hoko ʻa Palesiteni Melioni G. Lomenī ko e Tokoni ʻUluaki mo Palesiteni Kōtoni B. Hingikelī ko e Tokoni Ua.
1984	Fokotuʻu ʻa e Kau Palesitenisī Fakaʻēliá.
1985, Nōvema 5	Pekia ʻi Sōleki Siti ʻi ʻIutā.