50. kafli
Önnur kennsla við síðustu kvöldmáltíðina
Eftir að þeir höfðu snætt, sagði Jesús postulunum að þeir ættu að elska hver annan eins og hann elskaði þá. Ef þeir gerðu það, myndi fólk vita að þeir væru lærisveinar hans.
Hann sagði að ef postularnir elskuðu hann, myndu þeir halda boðorð hans. Hann hét þeim gjöf heilags anda. Heilagur andi myndi kenna þeim allt sem þeir þyrftu að vita. Heilagur andi myndu hjálpa postulunum að minnast þess sem Jesús hafði kennt þeim.
Jesús sagðist vera eins og vínviður. Lærisveinar hans eru eins og greinar af vínviðnum. Aðeins þær greinar sem fastar eru við vínviðinn geta gefið af sér góðan ávöxt.
Jesús lofaði postulum sínum, að ef þeir lifðu eftir fagnaðarerindinu, yrðu ávextir þeirra (verk þeirra) góðir. Ef þeir fylgdu honum ekki, yrðu þeir líkt og greinar sem skornar eru af plöntu og bera engan ávöxt.
Jesús Kristur bað fyrir því að postularnir yrðu samhentir. Hann vildi að þeir kenndu fólkinu að trúa á hann og vita að himneskur faðir elskar það.
Svo sungu Jesús og postularnir sálm og yfirgáfu herbergið.