22. kafli

Maðurinn með illu andana

Maður nokkur sem bjó í helli við Galíleuvatn var með illan anda í sér sem gerði hann óðan. Fólk reyndi að fjötra hann í hlekki til að hafa stjórn á honum, en hann sleit hlekkina.

Mark 5:1‒4

Maðurinn dvaldi alla daga og nætur á fjöllunum og í hellum. Hann æpti í sífellu og skar sig með steinum.

Mark 5:5

Dag nokkurn fóru Jesús og lærisveinar hans yfir Galíleuvatn í báti. Þegar frelsarinn sté á land úr bátnum, hljóp maðurinn til hans.

Mark 5:1‒2, 6

Jesús skipaði illa andanum að hverfa á brott úr manninum. Illi andinn vissi að Jesús var sonur Guðs. Hann bað Jesú um að gera sér ekki mein.

Mark 5:7‒8

Þegar Jesús spurði illa andann hvað nafn hans væri sagði hann: „Hersing heiti ég,“ sem þýðir margir. Það voru margir illir andar í manninum. Þeir báðu Jesú um að leyfa sér að fara í líkama svína sem voru nálægt.

Mark 5:9‒12

Jesús féllst á það. Illu andarnir yfirgáfu manninn og fóru í líkama 2.000 svína. Svínin hlupu niður hæð og í vatnið og drukknuðu.

Mark 5:13

Mennirnar sem gættu svínanna hlupu til borgarinnar og sögðu fólkinu frá því sem gerst hafði. Fólkið kom og sá Jesú og óða manninn. En maðurinn var ekki lengur óður.

Mark 5:14‒15

Fólkið óttaðist Jesú vegna þessa. Það bað hann um að fara. Hann fór aftur í bátinn.

Mark 5:15‒18

Maðurinn sem hafði læknast vildi fara með honum. Frelsarinn sagði honum að fara frekar heim og segja vinum sínum frá því sem gerst hafði.

Mark 5:18‒19

Maðurinn sagði vinum sínum og undruðust þeir þann mikla kraft sem Jesús bjó yfir.

Mark 5:20