12. kafli

Brúðkaupið í Kana

Jesús Kristur og lærisveinar hans fóru í brúðkaup í Kana. Móðir Jesú, María, var þar. Hún sagði honum að það væri ekkert eftir af víni fyrir gestina.

Jóh 2:1–3

Jesús bar virðingu fyrir móður sinni og elskaði hana. Hann spurði hana hvað hún vildi að hann gerði.

Jóh 2:4 (sjá neðanmálsgrein 4a)

María sagði þjónunum við brúðkaupið að gera allt sem Jesús bæði þá að gera.

Jóh 2:5

Jesús bað þjónana að fylla sex stór steinker af vatni. Hvert ker tók á milli 68 til 102 lítra af vatni. Hann breytti vatninu í vín.

Jóh 2:6–7

Hann bað þjónana að taka vín úr kerjunum og færa það gestgjafanum.

Jóh 2:8

Gestgjafi veislunnar varð undrandi þegar hann drakk vínið. Besta vínið var yfirleitt borið fram í byrjun veislu. En í þetta skipti var besta vínið borið fram undir lokin.

Jóh 2:9–10

Þetta er fyrsta skráða kraftaverkið sem Jesús framkvæmdi í lífi sínu hér á jörðu. Hann gerði það til að hjálpa móður sinni. Það styrkti einnig trú lærisveinanna.

Jóh 2:11