2 Korinetia 12:7–10

E nehenehe Iesu e fa’ariro i te mau mea paruparu ’ei mea pūai

Te ha’api’ira’a a Paulo nā roto mai i te hō’ē « tara »

’Ua riro te ’āpōsetolo Paulo ’ei tāvini rahi nō Iesu Mesia. ’Ua fa’ari’i ’oia e rave rahi heheura’a ’e ’ua ha’api’i i te ta’ata nō ni’a i te Fa’aora. E rave rahi ato’a rā tō Paulo mau tāmatara’a.

2 Korinetia 12:7

I roto i te hō’ē rata i te mau melo o te ’Ēkālesia, ’ua fa’aau Paulo i tōna mau tāmatara’a i te vaira’a te hō’ē tara i roto i tōna ’iri. ’Ua fa’atupu mai te reira i te paruparu rahi ia Paulo.

2 Korinetia 12:7

E toru taime, ’ua pure Paulo ’e ’ua ani i te Fatu ’ia ’īriti ’ē atu i tōna tāmatara’a. ’Aita rā te Fatu i ’īriti ’ē atu i te reira.

2 Korinetia 12:8–9

Maoti ra, ’ua parau te Fatu ia Paulo ē, ’ua nava’i tōna [Iesu] mana nō te ha’apūai iā Paulo. ’Ua ha’api’i mai Paulo ē, i te tahi taime e nehenehe te hō’ē tāmatara’a e riro ’ei ’ohipa maita’i mai te mea e fāriu atu tātou i ni’a i te Fatu ’e e ani atu i te tauturu. ’Ia paruparu ana’e tātou, e nehenehe Iesu Mesia e ha’apūai ia tātou, noa atu ’aita tō tātou mau tāmatara’a e haere ’ē atu.

2 Korinetia 12:9–10