Luka 7:1–10

Tē fa’aora nei Iesu i te tāvini o te hō’ē keniturio

’Ua fa’a’ite te hō’ē ti’a nō Roma i te fa’aro’o rahi

E keniturio e ora ra i Kaperenaumi, e ’oire i reira Iesu i te ha’api’ira’a pinepine i te ta’ata. E ti’a fa’atere ’oia nō te hō’ē pupu fa’ehau rahi.

Luka 7:1–2

E tāvini tō teie keniturio, e ta’ata ta’a ’ē nōna. ’Ua ma’ihia te tāvini ’e tē fātata ra i te pohe.

Luka 7:2

Noa atu ē e ’ere te keniturio i te ’āti Iuda, ’ua fa’aro’o ’oia i te parau nō Iesu. I ti’aturi ’oia ē, e mana tō Iesu nō te rave i te mau temeio rarahi. ’Ua tono ’oia i te tahi feiā fa’atere o te ’āti Iuda nō te ani ia Iesu ’ia haere mai e fa’aora i tōna tāvini.

Luka 7:3–4

’Ua parau te feiā fa’atere ia Iesu nō ni’a i te keniturio ’e tōna tāvini. ’Ua parau rātou ē, e mea hāmani maita’i teie keniturio i te ’āti Iuda. ’Ua ha’amata Iesu i te haere i te fare o te keniturio. Hou rā ’oia ’a tae ai i reira, ’ua tāpe’a te tahi mau hoa o te keniturio ia Iesu. ’Ua parau rātou iāna ’eiaha e tomo mai i roto i te fare.

Luka 7:4–6

’Ua parau te mau hoa ē, ’aita te keniturio e mana’o ra ē e mea ti’a mā ’oia nō te fa’ari’i ia Iesu i tōna fare. I ti’aturi ’oia ē, e ti’a ia Iesu ’ia fa’aora i tōna tāvini nā te ātea noa !

Luka 7:6–8

’Ua māere roa Iesu i te fa’aro’o o te keniturio. ’Ua parau ’oia ē, ’aita ’oia i ’ite a’e i taua fa’aro’o rahi ra.

Luka 7:9

I te ho’ira’a mai te mau hoa o te keniturio i tōna fare, ’ua ora roa mai te tāvini. ’Ua fa’aora Iesu iāna, mai tā te keniturio i ti’aturi ē e ti’a iāna ’ia nā reira.

Luka 7:10