E vahine ’ivi ’e e piti moni toata

Tē ha’api’i ra Iesu nō ni’a i te tūsia

Tē māta’ita’i ra Iesu i te mau ta’ata i te hōro’ara’a i te moni i te hiero.

’Ua haere Iesu i te hiero i Ierusalema. I reira, ’ua māta’ita’i ’oia i te mau ta’ata i te hōro’ara’a i te moni nō te ’ohipa o te hiero. E rave rahi feiā moni tei hōro‘a i te tino moni rahi.

Mareko 12:41

Nā moni toata iti a te hō’ē vahine veve.

I muri a’era, ’ua hōro’a te hō’ē vahine ’ivi veve e piti moni pa’ari tei parauhia lepeta. E ’ere i te moni rahi, terā rā, ’o te tā’āto’ara’a teie o tāna faufa’a.

Mareko 12:42, 44

’Ua hōro’a te vahine e piti moni pa’ari.

’Ua ’ite Iesu i te vahine ’ivi ’e ’ua ui i tāna mau pipi ’ia haere mai e hi’o i tāna i rave.

Mareko 12:43

Tē ha’api’i ra Iesu nō ni’a i te tūsia a te vahine.

’Ua parau Iesu ē e hau atu tā te vahine ’ivi i hōro’a i tā te tahi noa atu ta’ata. ’Ua hōro’a te feiā moni i te moni rahi, e tuha’a iti rā te reira o tā rātou faufa’a. ’Ua hōro’a te vahine ’ivi i te moni ri’i, ’ua hōro’a rā ’oia i te tā’āto’ara’a o tāna faufa’a.

Mareko 12:43–44