Mau ’ā’amu o te pāpa’ira’a mo’a
Tabita, e vahine « ’ohipa maita’i »—Tei fa’aho’ihia te ora nā roto i te mana o Iesu Mesia

Te ’Ohipa 9:36–42

Tabita, e vahine « ’ohipa maita’i »

Tei fa’aho’ihia te ora nā roto i te mana o Iesu Mesia

Tē hāmani ra ’o Tabita i te tahi tāpū ’ahu.

E pipi ha’apa’o maita’i Tabita nō Iesu Mesia. Tē ora ra ’oia i roto i te hō’ē ’oire piri i te moana, tei parauhia Iopa. E mea au nāna ’ia tāvini ’e ’ia tauturu i te ta’ata veve.

Te ’Ohipa 9:36

Tē hōro’a ra Tabita i te ’ahu nō te feiā tei hina’aro i te tauturu.

’Ua hāmani Tabita i te ’ahu ’e ’ua hōro’a i te mau vahine tei hina’aro i te tauturu. ’Ua here rātou ia Tabita.

Te ’Ohipa 9:39

’Ua ro’ohia Tabita i te ma’i.

I te hō’ē mahana, ’ua ma’i-roa-hia ’o Tabita. Nō te ’ino o tōna ma’i, ’ua pohe roa ’oia.

Te ’Ohipa 9:37

E piti ta’ata tei tāpapa ia Petero.

’Ua ’oto roa te tahi atu mau melo o te ’Ēkālesia i Iopa. ’Ua fa’aro’o rātou ē, tei te hō’ē ’oire piri ’o Petero, hō’ē o nā ’āpōsetolo a Iesu. ’Ua tono rātou e piti ta’ata nō te ani ia Petero ’ia haere ’oi’oi mai.

Te ’Ohipa 9:38

Tē arata’i ra te ta’ata ia Petero ia Tabita ra.

’Ua haere mai ra Petero i te vāhi tei reira te tino o Tabita. Tei reira ato’a te tahi o nā vahine tā Tabita i tauturu. ’Ua fa’a’ite rātou ia Petero i te mau ’ahu tāna i hāmani nō rātou.

Te ’Ohipa 9:39

Tē tūturi ra Petero nō te pure i pīha’i iho ia Tabita.

’Ua ani Petero i te mau ta’ata ato’a ’ia haere i rāpae i te piha. ʼUa tūturi ’oia nō te pure.

Te ’Ohipa 9:40

’Ua fa’aho’ihia mai ’o Tabita i te ora.

I muri a’e i te purera’a, ’ua parau Petero : « E Tabita, ’a ti’a. » Ua araara a‘e ra oia i to’na mata e ua parahi maira. ’Ua tauturu Petero ia Tabita ’ia ti’a mai. ’Ua ora faʼahou mai ʼoia ! ’Ua pi’i Petero i tōna mau hoa ’ia haere mai e hi’o iāna. ’Ua māere roa rātou ! ’Ua ’ite rātou ē, nā te mana o Iesu Mesia i fa’aho’i mai iāna i te ora. E rave rahi atu ā ta’ata tei ti’aturi iāna.

Te ’Ohipa 9:40–42