7:

Асуудлуудаа шийдвэрлэ

Тайлагна:Өнгөрсөн долоо хоногт хийж гүйцэтгэсэн хүнд үүрэг даалгавраа бүлгийнхэнтэй хуваалц.

Тунгаан бод:Яагаад Тэнгэрлэг Эцэг бидэнд асуудал, бэрхшээл тулгарахыг зөвшөөрдөг вэ?

Үз:“Илүү том ачааны автомашин уу?” srs.lds.org/videos-оос үзэх боломжтой. (Видео бичлэг байхгүй бол 19-р хуудсыг унш.)

Илүү том ачааны автомашин уу?

Видео бичлэгийг үзэх боломжгүй бол энэ эхийг уншина уу.

Ахлагч Даллин Х.Өүкс: Хоёр хүн хамтраад нөхөрлөл байгуулжээ. Тэд хөл хөдөлгөөнтэй замын хажууд жижиг саравч барив. Тэд бас ачааны автомашин аваад, фермерийн талбай руу очин, нэг доллараар нэг тарвас авч болох газраас ачаа дүүрэн тарвас авчээ. Тарвасаа ачаад, замын хажуудах саравч руугаа аваачин, тарвасаа нэгийг нь нэг доллараар зарав. Тэд буцаад фермерийн талбай руу очин, дахин нэг ачаа дүүрэн тарвасыг нэгийг нь нэг доллараар зарж борлуулахаар худалдан авчээ. Тэд замын хажууд тарвасаа авчраад, дахин тэр үнээрээ зарав. Буцаж фермерийн талбай руу дахин тарвас авахаар очиж байхдаа нэг нь нөгөөдөө “бид энэ бизнесээр их мөнгө олохгүй байх шиг байна, тийм үү?” гэжээ. “Үгүй ээ” хэмээн нөгөө нь хариулав. “Бидэнд илүү том ачааны машин хэрэгтэй гэж чи бодож байна уу?”

(“Focus and Priorities,“ Ensign, 2001 оны 5-р сар, 82)

18-р хуудас руу буцаж очно уу.

Ярилц:Энэ түүхийн жинхэнэ асуудал юу вэ? Энэ хоёр эрэгтэйд ямар ямар сонголт байна вэ?

Унш:Сургаал ба Гэрээ 9:7–9 ба ахлагч Робэрт Д.Хэйлс (баруун талд)

“Болгоогтун, чи ойлгосонгүй; чи надаас асуухаас өөрөөр санаа тавиагүй байхад чинь, би үүнийг чамд өгөх юм шигээр чи бодсон байна.

Гэвч, болгоогтун, би чамд хэлнэ, чи үүнийг оюундаа тунгаан бодох ёстой; дараа нь энэ нь зөв үү гэдгийг чи надаас асуух ёстой, мөн энэ нь зөв аваас цээжин биеийг чинь чиний дотор шатахаар болгоно би; тиймийн тул, энэ нь зөв юм байна гэдгийг чи мэдрэх болно.

Гэвч энэ нь зөв биш аваас чамд ийм мэдрэмж байхгүй байх болно, харин буруу зүйлийг мартахад чамайг хүргэх дүйнгэ бодол санаа чамд байх болно.”

Сургаал ба Гэрээ 9:7–9

“Их Эзэн биднээс өөрсдөө асуудлаа шийдвэрлэж байхыг хүсдэг. … Бид тунгаан бодож, юуны төлөө хүн байгаагаа ойлгодог. Бидэнд хэрэгцээгээ тодорхойлох, төлөвлөх, зорилго тавих, асуудлуудаа шийдвэрлэх чадвар бий.

Робэрт Д.Хэйлс, “Every Good Gift,” New Era, 1983 оны 8-р сар, 8, 9

Үйл ажиллагаа

1-р алхам: Хамтрагчаа сонгоод, доорх алхмуудыг унш.

2-р алхам: Тулгарч буй нэг асуудлаа сонгоод, доор бич.

3-р алхам: Асуудлаа шийдвэрлэхийн тулд алхам бүрийг дага.

Олж мэд:

Судлах сонголтууд:

Шийдвэр гарга мөн үйлд:

Унш:1 Нифай 17:51 ба 1 Нифай 18:2–3 (баруун талд)

“Мөн эдүгээ, хэрэв Их Эзэн ийм агуу их хүчтэй байж, мөн хүмүүний үрсийн дунд ийм олон гайхамшгийг гүйцэлдүүлсэн бол, усан онгоц барихыг яахан тэрээр надад зааварлаж болохгүи байх билээ?

1 Нифай 17:51

“Эдүгээ би, Нифай, дүнз модыг хүмүүсээр сургагдсан тэр маягаар бэлтгэсэнгүй, хүмүүсийн барьдаг тийм маягаар ч усан онгоцыг би бас барьсангүй; харин би Их Эзэн надад үзүүлсэн тэр маягаар барьсан билээ; иймийн тул, энэ нь хүмүүсийнхтэй адил байсангүй.

Мөн би, Нифай, байн байн ууланд гарч, мөн би Их Эзэнд дахин дахин залбирсан бөлгөө; иймийн тул Их Эзэн надад агуу зүйлийг үзүүлэв.”

1 Нифай 18:2–3

Ярилц:Нифай яаж усан онгоц барьж чадсан бэ?

Амлалт өг:Долоо хоногийн турш дараах үйлдлүүдийг хийх амлалт өг. Амлалт бүрдээ хүрээд, хайрцгуудыг чагтал.

• Үйл ажиллагаагаар ярилцсан алхмуудыг хийж, асуудлуудаа шийдвэрлэж эхэл. Бууж өгч болохгүй гэдгээ сана! Асуудлыг шийдвэрлэж, өөрчлөлт хийхэд цаг хугацаа шаардагддаг.

• Өнөөдөр асуудлаа шийдвэрлэх талаар сурсан зүйлээ гэр бүлийн гишүүн эсвэл найз нөхөдтэйгөө хуваалц.