12:

Ариун сүмийн ёслолуудыг хүлээн ав

Тайлагна:Хэрэв хүсвэл “амьдралын зорилго” догол мөрөө хуваалц.

Тунгаан бод:Танд юу хамгийн чухал байдаг вэ?

Үз:“Хамгийн чухал зүйлсээ хийх нь,” srs.lds.org/videos-гоос үзэх боломжтой. (Видео бичлэг байхгүй бол 31-р хуудсыг унш.)

Хамгийн чухал зүйлсээ хийх нь

Видео бичлэгийг үзэх боломжгүй бол энэ эхийг уншина уу.

Өгүүлэгч: 12-р сарын нэгэн харанхуй шөнө нэг онгоц Флоридад осолдсон юм. 100 гаруй хүний амь эрсдэв. Энэ нь аюулгүй бүсээс ердөө 32 километрийн зайд болсон байв.

Ерөнхийлөгч Дийтр Ф.Угдорф: Ослын дараа шинжээчид шалтгааныг нь тогтоосон юм. Газардахад хэрэглэгддэг төхөөрөмж нь доошлох үед хэвийн ажиллаж байж. Онгоцны бүх механизм маш сайн ажиллаж байжээ. Ердөө ганцхан шатсан гэрлийн шилнээс бусад бүх зүйл ном ёсоороо ажиллаж байв. Ойролцоогоор хорьхон центийн үнэтэй жижигхэн гэрлийн шил бөөн хэрэг мандуулж, зуу гаруй хүний амь насыг харамсалтайгаар авч одсон билээ.

Мэдээж тэр ажиллагаагүй болсон гэрлийн шил осол гаргаагүй л дээ. Энэ нь нисэх багийнхан тухайн үед чухал мэт санагдсан зүйл дээр бүх анхаарлаа төвлөрүүлээд, хамгийн чухал зүйлээ мартсанаас болжээ.

Хамгийн чухал юмсын оронд өчүүхэн жижиг зүйлсэд хамаг анхаарлаа төвлөрүүлдэг нь зөвхөн нисгэгчдэд биш, бид бүгдэд тохиолддог. Бид бүгд аюулд орж болно. … Зүрх сэтгэл, бодол санаа чинь тухайн үед чухал мэт санагдах агшин зуурын зүйлүүд дээр төвлөрч байна уу эсвэл хамгийн чухал зүйлсэд төвлөрч байна уу?

(“Бид агуу ажил хийж байна. Тиймээс ухарч болохгүй,” Ensign, 2009 оны 5-р сар, 59, 60 эсвэл 2009 оны 4-р сарын Ерөнхий чуулган, 70)

30-р хуудас руу буцаж очно уу.

Ярилц:Ямар чухал бус зүйлс биднийг өсөж хөгжихөд саад болдог вэ? Сайн мэдээний ёслолууд бидэнд хэрхэн тусалдаг вэ?

Унш:Сургаал ба Гэрээ 84:20 ба ерөнхийлөгч Боид К.Пакэрын хэлсэн үг (баруун талд)

“Тиймийн тул, үүний ёслолуудад бурханлиг чанарын хүч илэрхийлэгддэг.”

Сургаал ба Гэрээ 84:20

“Биднийг ариун сүмийн ёслолуудын ариун нандин ажилд оролцоход Их Эзэн адислах болно. Тэрхүү адислалууд нь бидний ариун сүмийн үйлчлэлээр хязгаарлагддаггүй. Бид бүх үйл хэрэгтээ адислагдах болно. Бид сүнслэг болон материаллаг байдалдаа Их Эзэний тусламжийг хүлээн авах эрхтэй болно.”

Боид K.Пакэр, The Holy Temple (1980), 182

Ярилц:Бие даах чадвартай болохыг эрэлхийлэх үедээ ариун сүмд орохуйц зохистой байх нь яагаад чухал вэ?

Үйл ажиллагаа

1-р алхам: Хамтрагчтайгаа хамт ахлагч Квинтин Л.Күкийн хэлсэн үг (баруун талд) болон дараах судруудыг унш. Ариун сүмд орж шүтэн биширдэг хүмүүст амлагдсан адислалуудын доогуур зур.

“Бид Сургаал ба Гэрээний 109-р хэсгийг сайтар судлаад, ерөнхийлөгч [Ховард В.] Хантэрын ‘гишүүнчлэлийнхээ агуу бэлгэ тэмдэг болгон Их Эзэний ариун сүмийг босгох’ уриалгыг дагавал бидэнд сайн зүйлс ирнэ.”

Квинтин Л.Күк, “Өөрийгөө ариун сүмд байгаагаар хар,” Ensign, 2016 оны 5-р сар, 99 эсвэл 2016 оны 4-р сарын Ерөнхий чуулган, 85; Teachings of Presidents of the Church: Howard W. Hunter (2015), 178-аас эш татав.

“Ёслолуудад … бурханлаг чанарын хүч илэрхийлэгддэг” (С ба Г 84:20).

“Мөн тэд танд өсөхийн тулд, мөн Ариун Сүнсний бүрэн байдлыг хүлээн авч, мөн таны хуулиудын дагуу зохион байгуулагдаж, мөн хэрэгтэй юм болгоныг олж авахад бэлтгэгдэж болохын тулд буюу” (С ба Г 109:15).

“Мөн таны хүмүүсийн хэн нь ч зөрчил гаргахад, тэд нэн түргэнээр наманчилж мөн танд эргэн ирж мөн таны мэлмийд ээл хишгийг олж, мөн таны өргөөнд таныг хүндэтгэн бишрэх тэдэн дээр юүлэгдэхээр таны томилогдсон адислалуудад сэргээгдэж болохын тулд буюу” (С ба Г 109:21).

“Мөн Ариун Эцэг минь, таны үйлчлэгчид энэ өргөөнөөс таны сүр хүчээр зэвсэглэн урагш одож болохын тулд, мөн таны нэр тэдэн дээр байж болохын тулд мөн таны алдар суу тэдний эргэн тойронд байж болохын тулд, мөн таны тэнгэр элчүүд тэдний дээр захирч байхын тулд бид танаас гуйж байна” (С ба Г 109:22).

“Ариун Эцэг минь, … тэдний эсрэг бий болсон зэр зэвсэг амжилтад хүрэхгүй байхыг бид танаас гуйж байна” (С ба Г 109:24–25).

2-р алхам: “Илүү ойр ойрхон ариун сүмийн ёслолуудад оролцож байхын тулд амьдралдаа юуг өөрчлөх хэрэгтэй байна вэ?” гэж өөрөөсөө асуу.

Амлалт өг:Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, хайрцгуудыг чагтал.

• Хэрэв танд ариун сүмийн эрхийн бичиг байгаа бол ариун сүмд орох өдрөө товло.

• Хэрэв танд ариун сүмийн эрхийн бичиг байхгүй бол бишоп эсвэл салбарынхаа ерөнхийлөгчтэйгөө уулзаж, ариун сүмийн ёслолуудыг хүлээн авахын тулд хэрхэн бэлдэж болохоо ярилц.

• Ариун сүмийн ёслолуудын талаар сурсан зүйлээ гэр бүлийн гишүүн эсвэл найз нөхөдтэйгөө хуваалц.

32-р хуудас руу очоод, дараагийн алхмуудаа дүгнэ.