“Mataupu Faavae ma Feagaiga,” Autu ma Fesili (2023)
Vaaiga Aoao
Mataupu Faavae ma Feagaiga
O le Mataupu Faavae ma Feagaiga o se tusi o tusitusiga paia ua i ai faaaliga mai le Alii i le Perofeta o Iosefa Samita ma i nai isi perofeta o aso e gata ai. E tulagaese i tusitusiga paia ona e le o se faaliliuga o ni tusiga anamua.
O le Mataupu Faavae ma Feagaiga o se tasi o tustusiga paia faavae e fa ua faaaogaina i le Ekalesia a Iesu Keriso o le Au Paia o Aso e Gata Ai (o le isi tolu o le Tusi Paia, le Tusi a Mamona, ma le Penina Tau Tele).
Sa fetalai le Alii i le Perofeta o Iosefa Samita, “O le tupulaga lenei o le a latou maua laʼu upu e ala atu ia te oe.” I le Mataupu Faavae ma Feagaiga tatou te aoao ai i aoaoga faavae e faatatau i le natura e faavavau o aiga, tikeri o mamalu o loo faatalitali mai mo alii ma tamaitai pe a mavae lenei olaga, ma le faatulagaga o le Ekalesia a Keriso i le fogaeleele i aso nei. Tatou te faitau ai foi e uiga i feagaiga e osia e le Atua ma i latou o e loto e tausia Ana poloaiga.
E faatatau i le Mataupu Faavae ma Feagaiga, na fetalai mai ai le Alii:
“Suesue i nei poloaiga, ona ua moni ma faamaoni i latou, ma o le a faataunuuina lava valoaga ma folafolaga uma ua i totonu.
“O le mea ua fai atu ai Aʼu o le Alii ua ʼOu fai atu ai, ma ʼOu te lē faatoese mai ai aʼu lava ia; ma e ui ina mavae atu le lagi ma le lalolagi, e lē mavae atu lava laʼu upu, ae o le a faataunuuina uma lava, pe i loʼu lava leo po o i le leo o aʼu auauna, ua tutusa lava.”
Na saunoa mai le Perofeta o Iosefa Samita o le Mataupu Faavae ma Feagaiga o le “faavae o le Ekalesia i nei aso e gata ai, ma o se faamanuiaga i le lalolagi, ua faailoa mai ai o ki o mealilo o le malo o lo tatou Faaola ua toe faamatuu mai i tagata.”