“Lotofuatiaifo,” Autu ma Fesili (2023)
Vaaiga Aoao
Lotofuatiaifo
E fananau mai tagata uma ma le malosi e iloa ai le eseesega i le va o le sa’o ma le sese. O lenei tomai, ua ta’ua o le lotofuatiaifo, o se faaaliga lea o le Malamalama o Keriso. O le lotofuatiaifo o se tagata o se puipuiga mai tulaga e leaga ai faaleagaga.
O faaiuga amiotonu ma le usiusitai i poloaiga e aumaia ai le filemu o le lotofuatiaifo.
A tatou agasala, tatou te lagona le faanoanoa po o le tausalaina, e pei lava ona tatou lagonaina le tiga faaletino pe a tatou manunua. O le tali masani lea o lo tatou lotofuatiaifo i le agasala, ma e mafai ona taitai atu ai i tatou ia salamo.
O le salamo ma le faamagaloga e faafouina ai lo tatou filemu o le lotofuatiaifo. I se isi itu, afai tatou te le amanaiaina lo tatou lotofuatiaifo ma lē salamo, o le a lofituina lo tatou lotofuatiaifo e peiseai ua “tuia i se uamea vevela.”
E ao ona tatou aoao e mulimuli i lo tatou lotofuatiaifo. O se vaega taua lenei o le faatinoina o le faitalia. O le tele o lo tatou mulimuli i lo tatou lotofuatiaifo, o le malosi foi lena o le a i ai. O se lotofuatiaifo maaleale o se faailoga lea o se agaga maloloina.