Suesuega Faaleaoaoga Faavae
Muai Faauuina
Vaaiga Aoao
I le muai olaga o agaga, sa tofia ai e le Atua ni agaga e faataunuuina ni misiona patino i le taimi e soifua ai i le olaga nei. O lenei mea ua taua o le muai faauuina. O le muai faauuina e le faapea ua mautinoa ai o ia tagata o le a maua ni valaauga po o ni tiutetauave faapitoa. O avanoa faapena e oo mai i lenei olaga o se taunuuga o le faaaogaina ma le amiotonu o le faitalia, e pei lava ona oo mai le muai faauuina o se taunuuga o le amiotonu i le muai olaga.
Sa muai faauuina Iesu Keriso e faataunuu le Togiola, e avea o “le Tamai Mamoe na fasia talu mai le faavaeina o le lalolagi” (Faaaliga 13:8; tagai foi 1 Peteru 1:19–21).
Ua ta’u mai e tusitusiga paia e uiga i isi o e na muai faauuina. Na iloa e le perofeta o Aperaamo lona muai faauuina ina ua ia maua se faaaliga vaaia lea sa ia vaai ai i le “toatele o e tamalii ma taʼutaʼua” i agaga i le muai olaga i le lalolagi o agaga. Sa ia faapea mai: “Ma sa silasila atu le Atua i ia agaga ua lelei i latou, ma sa tu o ia i le lotolotoi o i latou, ma sa fetalai o ia: O i latou ia o le a Ou faia ma aʼu pule; aua sa tu o ia i le lotolotoi o i latou o ni agaga, ma sa silasila atu o ia ua lelei i latou; ma sa fetalai mai o ia ia te aʼu: Aperaamo e, o oe o se tasi o i latou; sa filifilia oe ae e te lei fanau mai” (Aperaamo 3:22–23). Na ta’u atu e le Alii ia Ieremia, “Na a’u iloa oe a o lei faia oe e a’u i le manava; na a’u faapaiaina oe a o lei fanau mai oe, na a’u tofia oe e fai ma perofeta i nuu” (Ieremia 1:5). Sa muai faauuina Ioane le Papatiso e sauni tagata mo le auaunaga a le Faaola i le olaga faitino (tagai Isaia 40:3; Luka 1:13–17; 1 Nifae 10:7–10).
O le aoaoga faavae o le muai faauuina e faatatau i tagata uma o le Ekalesia, e le na o le Faaola, ma Ana perofeta. Ao lei foafoaina le lalolagi, sa tuuina atu ni tiutetauave faapitoa i ni tamaitai faamaoni ma sa muai faauuina foi ni alii i ni tiute faapitoa o le perisitua. A o faailoa atu e tagata o latou agavaa, o le a tuuina atu ia i latou avanoa e faataunuuina ai tofiga na latou mauaina i lena taimi.
Tusifaamaumau Ou Lagona Uunai
Autu Fesootai
Tusitusiga Paia
Mau Faasino
Punaoa mo le Suesueina o Tusitusiga Paia
Savali mai Taitai o le Ekalesia
Savali Faaopoopo
Vitio
“Foreordained to Bear the Priesthood”
“Muai Faauuina”
Punaoa o le Aoaoina
Mekasini a le Ekalesia
“ Mea ua Tatou Iloa e uiga i le Muai Olaga,” Liahona, Fepuari 2015
“O le Roma 8:29–30 e foliga o loo faaalia mai ai na talitonu Paulo i le muai filifilia. Did he?” Ensign, Tesema 1990