Suesuega Faaleaoaoga Faavae
Liliuese
Pe a fulitua ni tagata po o se vaega o tagata mai mataupu faavae o le talalelei, ua latou i ai i se tulaga o le liliuese. O se tasi o faataitaiga o le Liliuese Tele, lea na tupu ina ua uma ona faatuina e le Faaola Lana Ekalesia.
Vaaiga Lautele
Pe a fulitua ni tagata po o se vaega o tagata mai mataupu faavae o le talalelei, ua latou i ai i se tulaga o le liliuese. O se tasi o faataitaiga o le Liliuese Tele, lea na tupu ina ua uma ona faatuina e le Faaola Lana Ekalesia. Ina ua mavae le maliliu o le Faaola ma Ana Aposetolo, na faaleagaina e tagata ia mataupu faavae o le talalelei ma faia ni suiga e le’i faatagaina i le faatulagaga a le Ekalesia ma saunigao le perisitua. Ona o le salalau tele o lenei liliuese, o lea sa aveesea ai e le Alii le pule o le perisitua mai le lalolagi. Sa i ai pea lenei liliuese seia oo i le taimi na faaali mai ai le Tama Faalelagi ma Lona Alo Pele ia Iosefa Samita i le 1820 ma na amataina ai le Toefuataiga o le atoaga o le talalelei.
E talitonu le Au Paia o Aso e Gata Ai e faapea, e ala mai i le perisitua na faaeeina atu ia Iosefa Samita e auaunaga a agelu, na toe aumaia ai i le lalolagi le pule e galulue ai i le suafa o le Atua. O le faaKerisiano “toefuataiina” lenei ae le o le “toefaatulagaina.” O lo latou talitonuga i se faaKerisiano toefuataiina ua fesoasoani e faamalamalama ai le pogai na liliu mai ai mai isi lotu Kerisiano ia le toatele o tagata liliu mai o le Au Paia o Aso e Gata Ai, mai le vaitau o le 1830 e oo mai i le taimi nei. E leai se tasi o nei tagata liliu mai na manatu na latou tuua le faaKerisiano; ua na o lo latou faafetai i le iloa, ma le avea o se vaega o, le Ekalesia toefuataiina a Iesu Keriso, lea latou te talitonu ua ofoina mai se Ekalesia Kerisiano e sili atu ona atoatoa ma tamaoaiga faaleagaga, faale-faalapotopotoga, ma faaleaoaoga faavae.
I le taimi o le Liliuese Tele, sa leai se taitaiga faalelagi mai perofeta soifua mo tagata. E tele lotu sa faatuina, ae sa le’i i ai ia te i latou le mana o le perisitua e taitai ai tagata i le malamalama moni o le Atua le Tama ma Iesu Keriso. Sa faaleagaina pe leiloloa vaega o tusitusiga paia, ma e leai se tasi sa i ai le pule e faaee atu ai le meaalofa o le Agaga Paia pe faia ai isi sauniga o le perisitua.
Ua tatou ola nei i se taimi ua toefuataiina mai ai le talalelei a Iesu Keriso. Ae peitai, e le pei o le Ekalesia i taimi ua mavae, O Le Ekalesia a Iesu Keriso o le Au Paia o Aso e Gata Ai o le a le faatoilaloina e le liliuese aoao. Ua aoao mai tusitusiga paia e faapea, o le a le toe faaumatiaina lava le Ekalesia (tagai i le Mataupu Faavae ma Feagaiga 138:44; tagai foi i le Tanielu 2:44).
E ui lava o le a le toe i ai se isi liliuese aoao mai le upumoni, e tatau ona taitasi i tatou ona leoleo mai le liliuese faaletagata lava ia e ala i le tausia o feagaiga, usiusitai i poloaiga, mulimuli i taitai o le Ekalesia, aai ma feinu i le faamanatuga, ma faamalosia i taimi uma a tatou molimau e ala i le suesueina o tusitusiga paia, tatalo, ma auauna atu i aso uma.
Tusifaamaumau Ou Lagona Uunai
Autu Fesootai
Tusitusiga Paia
Mau Faasino
Punaoa mo le Suesueina o Tusitusiga Paia
Vitio
“Apostasy—Jan”
“If They Harden Not Their Hearts”
“After the New Testament”
“The Scriptures and the Restoration”
“Stay in the Boat and Hold On!”
“O Le Liliuese Tele”
Punaoa o le Aoaoina
Mekasini a le Ekalesia
S. Kent Brown, “Whither the Early Church?” Ensign, Oketopa 1988
Kent P. Jackson, “Early Signs of the Apostasy,” Ensign, Tesema 1984
Andrew C. Skinner, “Apostasy, Restoration, and Lessons in Faith,” Ensign, Tesema 1995
Tusi Lesona mo Suesuega
I Tala Fou
“Authority in the Church,” Newsroom
“Church Leaders’ Message Addresses Doctrine, Questions,” Newsroom
Aoaoga a Peresitene o le Ekalesia
Punaoa mo le Aoao Atu
Otoooga o Aoaoga
Tala ma Gaoioiga mo le Aoaoina o Tamaiti
“Liliuese,” O Lesona e Fesoasoani mo le Aoaoina o Tamaiti