"Satauro," Autu ma Fesili (2025)
Vaaiga Aoao
Satauro
O Le Faasatauroga o Iesu Keriso o se vaega o Lana taulaga togiola. O se aoaoga faavae autu i le fuafuaga o le faaolataga a le Tama Faalelagi. E ala i Ona mafatiaga i Ketesemane, Faasatauroga i luga o le satauro, ma le Toetu na sosoo ai, na faatoilalo ai e Keriso le agasala ma le oti, ma faatagaina ai le avanoa uma e o mai ai ia te Ia ma maua le faaolataga ma le faaeaga.
O le faatusa o le satauro o loo faaaogaina i le tele o ekalesia Kerisiano o se faailoaga faamaoni o le faatuatua ia Iesu Keriso. E manatua ma le faaaloalo ma le migao e tagata o Le Ekalesia a Iesu Keriso o le Au Paia o Aso mafatiaga o le Faaola i Ketesemane ma i Kalevaria. Tatou te talitonu “na maliu Keriso mo a tatou agasala e tusa ma tusitusiga paia; ma sa tanumia o ia, ma sa toetu mai o ia i le aso tolu e tusa ma tusitusiga paia” (1 Korinito15:3–4). O le Tusi Paia, Tusi a Mamona, Mataupu Faavae ma Feagaiga, ma le Penina Tau Tele o loo faamamafaina uma ai le taua o le faaolaina i le maliu o Keriso i luga o se satauro.
E le faaalia e le O Le Ekalesia a Iesu Keriso o le Au Paia o Aso e Gata Ai le satauro i luga o ona fale po o totonu o ona falesa po o potuaoga po o nofoaga faapena. Peitai, o ona aoaoga o loo taulai atu i le aoaoga faavae o le Togiola faavavega a Keriso lea na tupu i Ketesemane ma luga o le satauro.
E pei o le tele o isi faatuatuaga Kerisiano, e faamamafa e le Ekalesia le Keriso soifua, toetu. O le mafuaaga lea ua avea ai le faatusa aloaia mo le Ekalesia o se faatusa o le Keriso toetu, soifua, o lē o loo taialaina Lana Ekalesia i aso nei e ala i faaaliga i Lana perofeta. O lenei faatusa e avea foi o se faamanatu e mafai e i tatou taitoatasi ona maua le faamoemoe i se toetu mamalu ona o mafatiaga, maliu, ma le Toetu o Iesu Keriso.
E pei foi ona moni i isi tagata Kerisiano, o le ala tatou te ola ai i o tatou olaga o se auala autu lea tatou te faaalia ai lo tatou alolofa mo le Faaola ma Lana galuega.