“Kapitulli 42: Far Uest, Misuri: janar–korrik 1838,” Histori nga Doktrina e Besëlidhje (2002), 161–63
“Kapitulli 42,” Histori nga Doktrina e Besëlidhje, 161–63
Kapitulli 42
Far Uest, Misuri
(janar–korrik 1838)
Jozefi duhej të fshihej. Zoti e mbrojti kështu që armiqtë e tij nuk mundën që ta gjenin. Një natë Jozefi fjeti në të njëjtën shtëpi me ta. Ata nuk e dinin që ai ishte atje.
Një herë tjetër Jozefi kaloi pranë armiqve të tij në rrugë. Ata e panë, por nuk e njohën.
Jozefi udhëtoi qindra milje dhe shkoi në Far Uest, në Misuri. Shenjtorët në Misuri ishin të lumtur ta shikonin.
Disa nga drejtuesit në Misuri nuk po u bindeshin urdhërimeve të Perëndisë. Ata nuk donin të pendoheshin dhe ishin të egërsuar me Jozefin. Ata donin të pasuroheshin.
Jozefi ishte i trishtuar. Këta burra kishin qenë miqtë e tij. Oliver Kaudëri, Dejvid Uitmer dhe njerëz të tjerë ishin shkishëruar. Ata nuk ishin më anëtarë të Kishës së Jezu Krishtit.
Burra të tjerë u zgjodhën të ishin drejtues të Kishës në Far Uest.
Një ditë Jozefi shkoi në një vend pranë Far Uestit. Jezusi tha që ky vend quhej Adam-ondi-Ahman. Është një vend i veçantë. Jezusi foli atje me Adamin dhe e bekoi atë. Adami bekoi fëmijët e tij tek Adam-ondi-Ahman. Nië ditë Jezusi, Adami dhe njerëz të tjerë të drejtë do të takohen përsëri atje.