“Kapitulli 32: Kisha e Jezu Krishtit në Kirtland: mars–qershor 1833,” Histori nga Doktrina e Besëlidhje (2002), 123–25
“Kapitulli 32,” Histori nga Doktrina e Besëlidhje, 123–25
Kapitulli 32
Kisha e Jezu Krishtit në Kirtland
(mars–qershor 1833)
Sot profeti që jeton është udhëheqësi i Kishës. Ai dhe këshilltarët e tij quhen Presidencia e Parë.
Jozef Smithi dhe këshilltarët e tij u shuguruan në një mbledhje në Kirtland, Ohajo. Ishte një mbledhje e shenjtë. Të gjithë njerëzit në mbledhje morën sakramentin.
Disa javë më vonë, Jozef Smithi filloi kunjin e parë të Kishës. Një kunj formohet nga shumë anëtarë të Kishës që jetojnë pranë njëri-tjetrit. Të gjithë shenjtorët në Kirtland ishin në kunjin e parë. Sot Kisha ka shumë kunja.
Pastaj Jezusi tha se shenjtorët duhet të ndërtonin më shumë ndërtesa të Kishës. Ata duhej të ndërtonin një tempull në Kirtland. Ata kishin nevojë të ndërtonin një vend ku të punonte Presidencia e Parë. Kisha gjithashtu kishte nevojë për një shtypshkronjë.
Shenjtorët iu bindën Zotit. Ata filluan të ndërtonin tempullin e Kirtlandit. Ishte e vështirë të ndërtohej një tempull. Të gjithë shenjtorët duhej të ndihmonin.
Me Kishën u bashkuan më shumë njerëz. Jezusi i tha Jozefit të zgjidhte më shumë drejtues për shenjtorët. Ai tha se babai i Jozefit duhej të ishte Patriarku i Kishës. Patriarku u jep bekime shenjtorëve. Ai ka Priftërinë Melkizedeke.
Jezusi i tha Jozefit të zgjidhte dymbëdhjetë burra për të qenë këshilltarë të lartë. Ata janë burra që kanë Priftërinë Melkizedeke. Ata ndihmojnë shenjtorët të dinë se çfarë është e drejtë dhe çfarë është e gabuar.