“Kapitulli 33: Një Zbulesë rreth Jezu Krishtit: maj 1833,” Histori nga Doktrina e Besëlidhje (2002), 126–27
“Kapitulli 33,” Histori nga Doktrina e Besëlidhje, 126–27
Kapitulli 33
Një Zbulesë rreth Jezu Krishtit
(maj 1833)
Jezusi tha se ai është drita e botës. Një dritë na tregon rrugën e drejtë për të ecur. Jezusi është drita e botës, sepse na tregon rrugën e drejtë për të jetuar.
Jezusi jetonte me Atin Qiellor përpara se toka të krijohej. Jezusi krijoi tokën. Ai krijoi të gjitha gjërat mbi tokë.
Në fillim Jezusi nuk ishte si Ati Qiellor. Ai nuk i dinte të gjitha gjërat që Ati i tij dinte. Ai nuk kishte gjithë fuqinë dhe lavdinë që Ati i tij kishte. Ai u përpoq shumë të bëhej si Ati i tij. Atëherë ai u bë si Perëndia, Ati. Jezusi kishte fuqi dhe lavdi.
Jezusi tha se ne duhet t’u bindemi urdhërimeve të Perëndisë. Atëherë ne do të mësojmë të vërtetën. Ne do të dimë të gjitha gjërat. Pastaj ne mund të bëhemi si Perëndia, Ati. Ne mund të kemi fuqi dhe lavdi.
Jezusi tha se Satani nuk do që njerëzit të bëhen si Perëndia. Ai nuk do që ata të dinë të vërtetën. Jezusi i tha Jozefit t’i mësonte të vërtetën familjes së tij.
Jezusi tha se Sidni Rigdon dhe Frederik G. Uilliams duhet të mësonin familjet e tyre t’u bindeshin urdhërimeve të Perëndisë. Atëherë Satani nuk mund t’i mbante familjet e tyre larg njohjes së të vërtetës.