Septyembre 1830

Si Hiram Page kag ang Rebelasyon

Natun-an sang mga Santos kon paano ginagiyahan sang Dios ang Iya Simbahan

Si Hiram Page amigo ni Joseph Smith kag Oliver Cowdery. Isa man sia sa walo ka saksi sang bulawan nga mga lamina. May bato si Hiram, kag nagpati sia nga ginagamit ini sang Dios para hatagan sia sang mga mensahe, ukon mga rebelasyon, para sa Simbahan. Nagpati si Oliver kag ang iban nga mga Santos nga halin sa Dios ang mga rebelasyon ni Hiram.

Doktrina kag mga Kasugtanan 28, tig-ulo sang seksyon; Saints, 1:97

Kon pamatian ang mga rebelasyon kay Hiram daw pareho man sa balaan nga mga kasulatan. Pero lain ini sa ginatudlo sang Biblia. Lain man ini sa ginsiling sang Ginuo kay Propetang Joseph. Daw indi mabal-an ni Joseph kon ano ang himuon.

Saints, 1:97

Halos bilog nga gab-i si Joseph nga nagapangayo sang bulig sa Dios. Nabalaka sia nga sala ang iya mahimo kag masakit niya ang balatyagon sang iya mga abyan.

Saints, 1:97

Gusto ni Joseph nga mangayo sang rebelasyon ang mga tawo para sa ila kaugalingon nga mga kabuhi. Pero makalilibog kon ang tanan mangayo sang rebelasyon para sa bilog nga Simbahan.

Saints, 1:97

Sang ulihi, ginhatagan sang Ginuo si Joseph sang rebelasyon nga ihambal kay Oliver. Siling sang Ginuo nga ang propeta lamang ang makabaton sang rebelasyon kag mga kasuguan para sa bilog nga Simbahan. Siling Niya nga si Oliver dapat ang magtudlo sini kay Hiram.

Doktrina kag mga Kasugtanan 28:2, 6–13

Gusto sang Ginuo nga maintiendihan ni Hiram nga pwede sia magbaton sang rebelasyon para sa iya kabuhi. Pero ang rebelasyon para sa Simbahan magaabot sa propeta sang Ginuo. Namati si Hiram kay Oliver kag naghinulsol. Mas naintiendihan na karon sang mga Santos kon paano ginagiyahan sang Ginuo ang Iya Simbahan.

Saints, 1:98