Mga Sugilanon sa Balaan nga mga Kasulatan
Si Jane Manning Nagbiyahe pa-Nauvoo

“Si Jane Manning Nagbiyahe pa-Nauvoo,” Mga Sugilanon sa Doktrina kag mga Kasugtanan (2024)

“Si Jane Manning Nagbiyahe pa-Nauvoo,” Mga Sugilanon sa Doktrina kag mga Kasugtanan

1841–1843

Si Jane Manning Nagbiyahe pa-Nauvoo

Nagalakat nga may pagtuo sa Ginuo

Si Jane Manning nga ginabunyagan.

Si Jane Manning kag ang iya pamilya nagaestar sa lugar kon diin wala manamii ang iban nga mga tawo sa ila kag indi maayo ang pagtrato sa ila tungod sa kolor sang ila panit. Isa ka adlaw, namati si Jane sa isa ka misyonero nga nagatudlo. Kahibalo sia nga matuod ang iya mensahe. Pagkadason gid nga Domingo, ginbunyagan sia.

Saints, 1:500–501

Si Jane kag ang iya pamilya nga nagasugod sang ila biyahe pa-Nauvoo.

Nagpamiyembro man sa Simbahan ang pamilya ni Jane. Gusto sang Ginuo nga magtipon ang mga Santos sa Nauvoo. Palangga ni Jane ang Ginuo. Gusto niya kag sang iya pamilya nga makaupod ang iban nga mga Santos. Gani nagsugod sila sa pagbiyahe pakadto sa Nauvoo.

Doktrina kag mga Kasugtanan 124:25; Saints, 1:501

Ginbalibaran si Jane kag ang iya pamilya nga makasakay sa barko.

Kay kinahanglan nila magsakay sa barko sa parte sang ila pagbiyahe. Kalabanan sa mga nagsakay sa barko pwede magbayad sang ila pamasahe pagkatapos sang ila biyahe. Pero hambal sang iban nga tawo nga kinahanglan sang pamilya ni Jane nga magbayad antes magbiyahe. Kulang ang ila kuwarta. Ginpapanaog sila sang mga tawo sa barko, kag ginbayaan sila.

Saints, 1:501

Si Jane kag ang iya pamilya nga nagalakat pakadto sa Nauvoo.

May 800 ka milya, ukon 1,300 ka kilometro pa nga biyaheon ang pamilya ni Jane. Kinahanglan nila magtabok sa madalom nga sapa nga wala sang taytay. Kinahanglan nila magtulog sa gwa. Kasami matugnaw kaayo ang tiyempo. Pero determinado ang pamilya ni Jane nga makalab-ot sa Nauvoo. Ginlingaw nila ang ila mga kaugalingon paagi sa pagkanta samtang nagalakat.

Saints, 1:501, 505–6

Si Jane nga nagaatipan sang isa ka miyembro sang pamilya.

Naglakat nga naglakat si Jane kag ang iya pamilya hasta napudpod ang ila mga sapatos kag nagkalalap-ukan ang ila mga tiil. Pero sang nagpangamuyo sila sa Dios para sa bulig, ginpaayo Niya ang ila mga tiil.

Saints, 1:505

Si Jane kag ang iya pamilya nga nagabulig sa masakiton nga bata.

Ginbuligan nila ang mga tawo nga ila masugata sa ila pagpanglakaton. Ginbuligan man nila nga mag-ayo ang isa ka masakiton nga bata tungod sa ila pagtuo.

Saints, 1:505–6

Ginbaton ni Emma kag Joseph si Jane sa ila balay.

Sang ulihi, nakalab-ot gid man si Jane kag ang iya pamilya sa Nauvoo! Kapoy sila kag kinahanglan sang lugar nga maestaran. Gani nagkadto sila sa balay ni Emma kag Joseph. Sang mabatian ni Joseph ang ila inagyan, siling niya kay Jane, “Bugayan ka sang Dios. Ari na kamo subong upod sa mga kaabyanan.” Gin-imbitar ni Joseph kag Emma si Jane nga magpuyo upod sa ila.

Saints, 1:506