Mga Sugilanon sa Balaan nga mga Kasulatan
Pagpatindog sang Templo sang Kirtland

“Pagpatindog sang Templo sang Kirtland,” Mga Sugilanon sa Doktrina kag mga Kasugtanan (2024)

“Pagpatindog sang Templo sang Kirtland,” Mga Sugilanon sa Doktrina kag mga Kasugtanan

Disyembre 1832–Marso 1836

Pagpatindog sang Templo sang Kirtland

Espesyal nga balay para sa Ginuo

Si Joseph kag Emma Smith kag Phebe kag Sidney Rigdon nga nagatulok kon diin ipatindog ang Templo sang Kirtland.

Ginhambalan sang Ginuo si Joseph Smith nga oras na para magpatindog ang mga Santos sang espesyal nga balay sa Kirtland. Ini nga balay isa ka templo, lugar kon diin bisitahan sang Ginuo ang Iya katawhan kag maghimo sang mga promisa sa ila. Hatagan Niya sila sang espesyal nga regalo sa Iya templo. Ginatawag Niya ang regalo nga paghatag sang gahum.

Doktrina kag mga Kasugtanan 88:119; 95:8; Saints, 1:205

Si Hyrum Smith nga nagalakat para magbulig obra sa templo.

Wala dayon nagsugod ang mga Santos sa pagpatindog sang templo. Pagligad sang pila ka bulan, ginpadumdom sila sang Ginuo nga importante kaayo ang templo. Nagdalagan si Hyrum Smith pakadto sa balay sang iya mga ginikanan para magpanipon sang kagamitan. Sang ginpamangkot sia sang iya nanay kon diin sia makadto, siling niya nga gusto niya nga sia gid ang una nga magtrabaho sa balay sang Ginuo.

Doktrina kag mga Kasugtanan 95:1–8

Si Sidney Rigdon nga nagatan-aw sa ginapatindog nga templo.

Ginsugdan sang mga Santos sa Kirtland ang pagpatindog sang templo. Dako ang kinahanglan sini nga kuwarta kag damo kaayo ang ulobrahon. Ang mga miyembro sang Simbahan pareho kay Sidney Rigdon naghatag sang madamo nga kuwarta para mapatindog ang templo. Malipayon sila nga magsunod sa kasuguan sang Ginuo kag magbaton sang Iya mga bugay sa Iya balay.

Saints, 1:209–211

Si Sidney nga nagapangamuyo sang bulig para sa templo.

Samtang ginaobra sang mga Santos ang templo, amat-amat nga naubos ang ila kuwarta. Nabalaka si Sidney kag ang iban nga mga lider sang Simbahan. Nagpangamuyo si Sidney sa Dios para sa bulig.

Saints, 1:210–11

Nag-abot si Caroline Tippets para magbulig.

Isa ka miyembro sang Simbahan nga ang ngalan Caroline Tippets kag ang iya pamilya may madamo sang sinuptan nga kuwarta. Ginpahulam ni Caroline sa Simbahan ang ila kuwarta para makabulig sa pagpatindog sang templo.

Saints, 1:211–13

Mga kabataan nga nagabulig panipon sang buka nga kristal.

Madamo nga Santos sa Kirtland ang nangabudlay para mapatindog ang templo. Ang iban nagdala sang mga karosa nga puno sang mga bato pakadto sa templo. Ang iban naghimo sang mga bayo kag pagkaon para sa mga nagaulobra. Ang mga bata nagakolekta sang buka nga mga kristal para pudpuron kag ibutang sa mga dingding sang templo para mag-inggat kag magsiga sa silak sang adlaw.

Saints, 1:210, 219, 221

Natapos ang Templo sang Kirtland.

Wala madugayi natapos ang templo! Nalangkag ang mga Santos nga magsulod sa balay sang Ginuo para batunon ang mga bugay nga Iya ginpromisa sa ila.

Saints, 1:221