Adlaw sang Pag-ayo

Pagbendisyon sang nagamasakit gamit ang gahum sang Dios

Guwardiya sang prisohan nga nagaistorya kay Joseph Smith.

Sang napriso si Joseph Smith kag ang iban nga mga lider sang Simbahan sa Missouri, gindala sila sang iban nga mga guwardiya sa lain nga prisohan. Ginaayohan sining mga guwardiya ang mga priso. Isa ka gab-i, ginhambalan sang lider sang mga guwardiya si Joseph nga matulog na sia, kag kon malagyo si Joseph kag ang iya mga amigo, indi niya sila pagpunggan.

Saints, 1:392–93

Si Joseph nga ginatamyaw ang iya pamilya.

Nalagyo matuod si Joseph kag ang iban nga mga lider sang Simbahan. Nakita nila ang ila mga pamilya nga nagaestar sa banwa nga ginatawag Quincy.

Saints, 1:395–96

Mga tawo nga nagahatag sang pagkaon kag maestaran sa mga Santos.

Mabuot ang mga tawo sang Quincy sa mga Santos. Ginhatagan nila ang mga Santos sang pagkaon kag mga bayo kag lugar nga maestaran.

Saints, 1:377

Ginsugdan sang mga Santos nga tukuron ang Nauvoo.

Nagpasalamat ang mga Santos sa kaayo sang mga tawo sa Quincy. Pero kahibalo si Joseph nga kinahanglan gid nila sang ila kaugalingon nga lugar nga maestaran. Ginbakal sang mga lider sang Simbahan ang duta nga waay magustuhi sang iban, kag nagsaylo ang mga Santos didto.

Saints, 1:399–400

Babayi nga nagaatipan sang isa pa ka babayi nga may malaria.

Malapit ang duta sa dako nga suba. Basa didto kag lutakon kag lamukon. Tungod sa mga lamok nagmasalakit ang madamo nga mga Santos sang ginatawag malaria. Ang iban sa ila napatay.

Saints, 1:402

Si Joseph Smith kag Wilford Woodruff nga nagahatag sang bendisyon sang priesthood sa nagamasakit nga bata.

Sang makita ni Joseph nga kadamo sang nagaminasakit, gintipon niya ang pila ka lider sang Simbahan kag ginhambalan sila nga mag-upod sa iya. Bilog nga aga, naglibot sila sa kada pamilya, nga ginabisitahan ang mga nagamasakit kag ginabendisyunan sila. Gingamit nila ang gahum ni Jesucristo para paayuhon sila sa ila masakit.

Saints, 1:402

Si Joseph nga nagaistorya kay Elijah Fordham.

Isa ka tawo nga ila ginbisitahan amo si Elijah Fordham. Grabe kalala sang iya masakit, nga abi sang iya asawa malapit na sia mapatay. Ginpamangkot ni Joseph si Elijah kon may pagtuo sia nga magaayo sia.

Saints, 1:402

Si Elijah nga nagahambal kay Joseph nga may pagtuo sia nga magaayo sia.

Siling ni Elijah, “Pamatyag ko ulihi na ang tanan.” Ginpamangkot ni Joseph si Elijah kon nagapati sia kay Jesucristo. “Huo, Brother Joseph,” sabat niya.

Saints, 1:402

Si Elijah nga nagatindog pagkatapos magbaton sang bendisyon sang priesthood.

Ginbendisyunan sia ni Joseph sa ngalan ni Jesucristo. Nagtindog si Elijah. Gin-ayo sia ni Jesus! Dayon ginsundan ni Elijah si Joseph sa madason nga balay kag ginbuligan sia nga bendisyunan ang iban nga mga tawo nga nagamasakit.

Saints, 1:402–3