Ang Pulong sang Kaalam

Ang layi sang Ginuo sa ikaayong-lawas

Miting sang Eskwelahan sang mga Propeta.

Gin-imbitar ni Joseph Smith ang pila ka tawo sa Simbahan para magmiting upod sa iya sa ibabaw nga panalgan sang tindahan ni Newel kag Ann Whitney. Didto, ginatun-an nila ang ebanghelyo kag iban pa nga mga topiko, kag nagapangamuyo sila bilang grupo. Gintawag nila ini nga mga miting nga Eskwelahan sang mga Propeta.

Doktrina kag mga Kasugtanan 88:117–137; Saints, 1:166

Si Emma Smith nga nagapanglimpyo pagkatapos sang miting.

Damo sang mga lalaki ang nagapanabako kag nagausap sang tabako sa oras sang mga leksyon. Nagapuog ang aso sang tabako, kag ang inusang nagamantsa sa salog. Pagkatapos sang mga miting, nagsaka si Emma Smith para tinloan ang kuwarto. Grabe ini kahigko!

Saints, 1:167

Ginkiskisan ni Emma ang salog, pero indi gid makakas ang mantsa. Gin-istorya niya si Joseph parte sa higko.

Saints, 1:167

Namati si Joseph kay Emma. Samtang nagapamati sia nanumdom sia kon ano ayhan ang nabatyagan sang Ginuo parte sa tabako.

Saints, 1:167

Gani nangayo si Joseph sang giya sang Ginuo parte sa tabako. Siling sang Ginuo kay Joseph nga may Pulong sia sang Kaalam para sa mga Santos.

Doktrina kag mga Kasugtanan 89:1–9; Saints, 1:167

Si Joseph kag Emma nga nagahambalanay parte sa rebelasyon nga iya nabaton.

Siling sang Ginuo nga ang mga Santos indi dapat magpanigarilyo, maggamit sang tabako, ukon mag-inom sang makahulubog ukon “mainit nga ilimnon,” nga buot silingon kape kag tsaa.

Doktrina kag mga Kasugtanan 89:1–9; Saints, 1:167

Si Joseph kag Emma nga nagapakigbahin sang pagkaon sa iban.

Gintudloan man sang Ginuo ang mga Santos nga maayo kaunon ang mga uyas (grains) kag prutas. Siling man Niya nga pwede man sila magkaon sang karne kon kis-a.

Doktrina kag mga Kasugtanan 89:10–17; Saints, 1:168

Si Joseph nga ginapakigbahin ang Pulong sang Kaalam sa Eskwelahan sang mga Propeta.

Ginhambalan sang Ginuo si Joseph nga ang mga Santos nga magpili nga sundon ang Iya Pulong sang Kaalam mangin protektado. Nagpromisa ang Ginuo nga bugayan sila sang maayong-lawas, kaalam, kag kusog. Ginsugiran ni Joseph ang mga lalaki sa Eskwelahan sang mga Propeta parte sa Pulong sang Kaalam sang Ginuo.

Doktrina kag mga Kasugtanan 89:18–21; Saints, 1:168

Mga lalaki nga ginahaboy ang ila tabako kag mga kuwako sa kalayo.

Ang mga lalaki sa kuwarto naghaboy sang ila tabako kag mga kuwako sa kalayo para ipakita nga gusto nila tumanon ang Pulong sang Kaalam sang Ginuo.

Saints, 1:168