«Մարտին Հարրիսն օգնում է Ջոզեֆին», Վարդապետություն և Ուխտերի պատմություններ (2024)
«Մարտին Հարրիսն օգնում է Ջոզեֆին», Վարդապետություն և Ուխտերի պատմություններ
1828 - 1829
Մարտին Հարրիսն օգնում է Ջոզեֆին
Սովորել վստահել Տիրոջը
Մի օր, երբ Ջոզեֆն ու Էմման ապրում էին Պենսիլվանիայում, նրանց այցելեց Մարտին Հարրիս անունով մի ընկեր։ Մարտինը մեծ ֆերմա ուներ Նյու Յորքում։ Նա գիտեր, որ Ջոզեֆն աշխատում էր ոսկե թիթեղների հետ։ Նա նախկինում օգնել էր Ջոզեֆին, և այժմ ուզում էր իմանալ, թե արդյոք ավելին կարող էր անել:
Սրբեր, 1․49
Ջոզեֆն ու Էմման շնորհակալ էին։ Շատերը կարծում էին, որ Ջոզեֆը ստում է։ Լավ էր ունենալ Մարտինի նման ընկեր, որը հավատում էր, որ ոսկե թիթեղներն իրական են։
Սրբեր, 1․49
Երբ Ջոզեֆը թարգմանում էր թիթեղները, Մարտինը գրի էր առնում նրա ասածները։ Մարտինը ոգևորված էր, որ օգնում էր Տիրոջը այս մեծ գործում։
Սրբեր, 1․50
Մարտինի կինը՝ Լյուսին, երջանիկ չէր։ Նա չէր հավատում, որ Ջոզեֆն իսկապես ուներ ոսկե թիթեղներ։ Նա կարծում էր, որ Ջոզեֆը խաբում է Մարտինին։ Նա ցանկանում էր, որ Մարտինը վերադառնա Նյու Յորք և դադարի օգնել Ջոզեֆին։
Սրբեր, 1․49-50
Բայց Մարտինը շարունակում էր աշխատել Ջոզեֆի հետ։ Նա մտածում էր, որ եթե Լյուսին կարողանար կարդալ այն, ինչի վրա իրենք աշխատում էին, նա նույնպես կհավատար։ Նա հարցրեց Ջոզեֆին՝ արդյոք կարող էր վերցնել իրենց թարգմանած էջերը և տանել Նյու Յորք, որպեսզի ցույց տար իր կնոջը։ Ջոզեֆն ասաց, որ կաղոթի և կհարցնի Աստծուց։
Սրբեր, 1.50-51
Աստված ասաց նրան, որ թույլ չտար Մարտինին վերցնել էջերը: Մարտինը խնդրեց Ջոզեֆին կրկին աղոթել։ Ջոզեֆն աղոթեց և ստացավ նույն պատասխանը։ Բայց Մարտինն իսկապես ուզում էր ցույց տալ էջերն իր կնոջը, իսկ Ջոզեֆը ցանկանում էր օգնել իր ընկերոջը։ Ջոզեֆն աղոթեց երրորդ անգամ։ Այս անգամ Աստված Ջոզեֆին ասաց, որ նա ինքը կարող է որոշել, թե ինչ անել։
Սրբեր, 1․51
Ջոզեֆն ասաց Մարտինին, որ կարող է էջերը տանել Նյու Յորք, սակայն կարող է դրանք ցույց տալ միայն ընտանիքի որոշ անդամների։ Եվ նա պետք է վերադարձներ էջերը երկու շաբաթից: Մարտինը համաձայնեց և հեռացավ էջերի հետ։
Սրբեր, 1․51
Երբ Մարտինը հեռացավ, Ջոզեֆն ու Էմման երեխա ունեցան։ Բայց երեխան մահացավ, իսկ Էմման հիվանդացավ։ Էմման ու Ջոզեֆը շատ տխուր էին։
Սրբեր, 1․51-52
Ջոզեֆն անհանգստացած էր Էմմայի համար: Նա նաև անհանգստացած էր Մարտինի համար։ Երկու շաբաթն անցել էր, իսկ Մարտինը չէր վերադարձել։ Էմման նույնպես անհանգստացած էր։
Սրբեր, 1․52
Էմման ասաց Ջոզեֆին, որ նա գնա Նյու Յորք՝ Մարտինին փնտրելու։ Ջոզեֆը հանդիպեց Մարտինին իր ծնողների տանը: Երբ Ջոզեֆը հարցրեց Մարտինին էջերի մասին, Մարտինը շատ տխրեց։ Նա ասաց, որ էջերը կորել են: Նա փնտրել էր ամենուր, բայց չէր կարողանում գտնել դրանք։
Սրբեր, 1․52-53
Ջոզեֆը շատ տխրեց ու վախեցավ։ Նա գիտեր, որ սխալվել էր՝ թույլ տալով Մարտինին վերցնել էջերը։ Նա վերադարձավ տուն և պատմեց Էմմային պատահածի մասին։ Մորոնի հրեշտակը եկավ և վերցրեց ոսկե թիթեղները: Նա ասաց, որ եթե Ջոզեֆը խոնարհ լիներ և ապաշխարեր, կարող էր թիթեղները հետ ստանալ և կրկին թարգմանել։
Վարդապետություն և Ուխտեր 3.5-11, 10.1-3, Սրբեր, 1.53-54
Շաբաթներ շարունակ Ջոզեֆը մտածում էր, թե ինչ սխալ էր արել։ Նա աղոթեց և ներում խնդրեց։ Աստված ներեց նրան։ Նա ասաց Ջոզեֆին, որ էջերը գողացել են մարդիկ, որոնք փորձում էին կանգնեցնել Աստծո աշխատանքը: Բայց ոչ ոք չի կարող կանգնեցնել Աստծո աշխատանքը։ Աստված ծրագիր ուներ իր աշխատանքը շարունակելու համար։
Վարդապետություն և Ուխտեր 3․1–10, Սրբեր, 1․54–55
Մորոնին վերադարձրեց թիթեղները Ջոզեֆին: Աստված ասաց Ջոզեֆին և Մարտինին, որ եթե նրանք խոնարհ լինեին և վստահեին Իրեն, կարող էին շարունակել օգնել Նրա աշխատանքին շատ առումներով: Նրանք կարող էին օգնել ի հայտ բերել Մորմոնի Գիրքն աշխարհին: Այս գիրքը կօգնի մարդկանց ամենուրեք ապաշխարել և հավատալ Հիսուս Քրիստոսին։