Գլուխ 6
Լեքիի երազը
Իր երազում Լեքին տեսավ սպիտակ հագուստներով մի մարդու, որը պատվիրեց Լեքիին հետևել իրեն։ Լեքին հետևեց նրան դեպի չոր ու խավար անապատ։
Ժամեր շարունակ խավարի մեջ ճամփորդելուց հետո Լեքին աղոթեց օգնության համար։
Այնուհետև նա մի ծառ տեսավ, որն ուներ ճերմակ պտուղ։ Այդ քաղցր պտուղը երջանկացնում էր նրանց, ովքեր ուտում էին այն։
Լեքին համտեսեց պտուղը և լցվեց ուրախությամբ: Նա ցանկացավ, որ իր ընտանիքը ճաշակեր այդ պտղից, որովհետև գիտեր, որ դա նրանց երջանիկ կդարձներ։
Լեքին տեսավ մի գետ, որը հոսում էր ծառի կողքով։ Գետի ակունքի մոտ նա տեսավ Սարիային, Սամին ու Նեփիին։
Լեքին կանչեց իր կնոջն ու որդիներին, որ մոտենան ու ճաշակեն պտղից։ Սարիան, Սամը և Նեփին մոտեցան ու ճաշակեցին պտղից, սակայն Լամանն ու Լեմուելը չկամեցան։
Լեքին տեսավ նաև երկաթե մի ձող և ուղիղ ու նեղ արահետ, որը տանում էր դեպի ծառը։
Նա տեսավ մարդկանց բազմություն, ովքեր քայլում էին արահետով կամ դեպի արահետը։ Նրանցից ոմանք խավարի պատճառով շեղվում էին արահետից ու կորչում։
Մյուսները ամուր բռնվում էին երկաթե ձողից, որը խավարի միջով տանում էր դեպի ծառը։ Նրանք ճաշակում էին պտղից։
Գետի մյուս ափին մեծ շենքում գտնվող մարդիկ ծիծաղում էին նրանց վրա, ովքեր ճաշակում էին պտղից։ Ոմանք, ովքեր արդեն ճաշակել էին, ամաչում էին ու հեռանում ծառից։
Լեքին շատ մարդկանց տեսավ իր երազում։ Ոմանք, ամուր բռնվելով երկաթե ձողից, քայլում էին խավարի միջով դեպի ծառը։ Նրանք ճաշակում էին պտղից։ Մյուսները գնում էին դեպի մեծ շենքը, խեղդվում գետում կամ կորչում։ Լամանն ու Լեմուելը չկամեցան ճաշակել պտղից։ Լեքին անհանգստացավ և փորձեց օգնել նրանց հնազանդվել Աստծո պատվիրաններին: