Գլուխ 30
Ալմայի խորհուրդները որդիներին
Ալման ասաց իր ավագ որդի Հելամանին, որ ապավինի Աստծուն։ Նա պատմեց նրան Աստծո հրեշտակի մասին, որն ուղարկվել էր ասելու Ալմային, որ դադարեցնի կործանել Եկեղեցին։
Երեք օր Ալման տառապեց իր մեղքի պատճառով։ Ապա նա հիշեց Հիսուսի մասին իր հոր ուսմունքները և հասկացավ, որ իր մեղքերը կարող էին ներվել։
Ալման աղոթեց ներման համար, և ուրախությունը լցրեց նրա հոգին ցավի փոխարեն։ Նա ներում ստացավ, որովհետև հավատ ուներ Հիսուս Քրիստոսի հանդեպ և ապաշխարել էր:
Այդ ժամանակից ի վեր Ալման մարդկանց ուսուցանում էր ավետարանը, որպեսզի նրանք կարողանային զգալ այդ նույն ուրախությունը։ Աստված օրհնեց Ալմային Իրեն ապավինելու համար։
Ալման Հելամանին տվեց սուրբ հիշատակարանները և ասաց, որ շարունակի գրի առնել իր ժողովրդի պատմությունը։
Ալման ասաց նրան, որ եթե պահի պատվիրանները, Աստված կօրհնի նրան և կօգնի պահպանել հիշատակարանները։
Ալման Հելամանին ասաց նաև, որ ամեն առավոտ և երեկո աղոթի ու խոսի Աստծո հետ այն ամենի մասին, ինչ անում է, որպեսզի Աստված կարողանա առաջնորդել նրան։
Ալման գոհ էր իր որդի Սիբլոնից, որը խիզախ միսիոներ էր Զորամացիների մոտ։ Սիբլոնը հավատը չկորցրեց, անգամ, երբ իրեն քարկոծում էին։
Ալման Սիբլոնին հիշեցրեց, որ փրկվելու միակ ճանապարհը Հիսուս Քրիստոսի միջոցով է։ Ապա Ալման խրախուսեց իր որդուն շարունակել ուսուցանել ավետարանը։
Ալմայի որդի Կորիանթոնը չէր պահում պատվիրանները։ Նա հավատարիմ միսիոներ չէր Զորամացիներին ուսուցանելու ընթացքում։
Կորիանթոնի գործերին նայելով, Զորամացիները չէին հավատում Ալմայի ուսմունքներին։
Ալման ասաց Կորիանթոնին, որ մարդիկ չեն կարող թաքցնել իրենց մեղքերը Աստծուց, և որ նա պետք է ապաշխարեր։
Ալման ուսուցանում էր իր որդուն, որ բոլորը հարություն կառնեն, բայց միայն արդարները կապրեն Աստծո հետ։
Կյանքը ժամանակ է՝ տրված մարդկանց ապաշխարելու և Աստծուն ծառայելու համար, ասաց Ալման։
Հիշեցնելով Կորիանթոնին, որ նա կանչվել է որպես միսիոներ, Ալման ասաց նրան, որ վերադառնա Զորամացիների մոտ և մարդկանց ապաշխարություն ուսուցանի։
Ալման ու նրա որդիները շարունակում էին ուսուցանել ավետարանը։ Նրանք ուսուցանում էին քահանայության զորությամբ։