Գլուխ 33
Թագավորասերները և ազատասերները
Երբ Պաորանը հրաժարվեց, այդ մարդիկ զայրացան և ցանկացան զրկել Պաորանին գլխավոր դատավորի պաշտոնից։ Նրանք ուզում էին ունենալ ոչ թե դատավորներ, այլ թագավոր։
Կոչվելով թագավորասերներ, նրանք հույս ունեին, որ իրենցից մեկը կդառնար թագավոր և կիշխեր ժողովրդին։
Նեփիացիները, որոնք ցանկանում էին, որ Պաորանը մնար գլխավոր դատավոր, կոչվեցին ազատասերներ։ Նրանք ցանկանում էին լինել ազատ և երկրպագել իրենց ընտրությամբ։
Մարդիկ ընտրություն կատարեցին ազատասերների և թագավորասերների միջև։ Մարդկանց մեծ մասը իրենց ձայները տվեցին ազատասերներին։
Միևնույն ժամանակ Ամաղիկիան Լամանացիների մեծ զորք էր հավաքում Նեփիացիների վրա հարձակվելու համար։
Երբ թագավորասերները լսեցին, որ Լամանացիները գալիս են, նրանք ուրախացան և հրաժարվեցին պաշտպանել իրենց երկիրը։
Մորոնի զորավարը զայրացած էր, որ թագավորասերները չէին ուզում պայքարել։ Նա շատ ջանք էր թափել, որպեսզի Նեփիացիներն ազատ լինեին։
Նա խնդրեց կառավարչին իրեն իշխանություն տալ հարկադրել թագավորասերներին՝ կա՛մ կռվել, կա՛մ մահվան դատապարտվել։
Երբ Պաորանը տվեց Մորոնիին այդ իշխանությունը, Մորոնին իր բանակը տարավ թագավորասերների դեմ։
Թագավորասերներից շատերը սպանվեցին, որոշ մասը բանտարկվեց։ Մնացածը համաձայնեցին պաշտպանել իրենց երկիրը Լամանացիներից։