Մորոնի զորավարը և Ազատության Դրոշը

Ամաղիկիա անունով մի ամբարիշտ մարդ ուզում էր դառնալ Նեփիացիների թագավորը։ Շատ Նեփիացիներ նրան հետևելու համար հեռացան Եկեղեցուց։

Ալմա 46․1, 4-5, 7

Եթե Ամաղիկիան դառնար թագավոր, նա կփորձեր կործանել Աստծո Եկեղեցին և մարդկանց զրկել ազատությունից։

Ալմա 46․9-10

Երբ Մորոնին՝ Նեփիացիների զորքերի գլխավոր հրամանատարը, լսեց թագավոր դառնալու Ամաղիկիայի մտադրության մասին, նա զայրացավ։

Ալմա 46․11

Մորոնին պատռեց իր պատմուճանը և դրոշ պատրաստեց դրանից։ Դրոշի վրա նա մի ուղերձ գրեց, որը պետք է հիշեցներ մարդկանց պաշտպանել իրենց կրոնը, ազատությունը և խաղաղությունը։

Ալմա 46․12

Մորոնին ամրացրեց դրոշը ձողի ծայրին և այն կոչեց ազատության դրոշ: Ապա նա հագավ իր սպառազինությունը և ծնկի իջավ աղոթելու։

Ալմա 46․13

Նա խնդրեց Աստծուն պաշտպանել նրանց, ովքեր հավատում էին Հիսուս Քրիստոսին, և աղոթեց հողի ազատության համար՝ կոչելով այն ազատության երկիր։

Ալմա 46․16-18

Մորոնին գնաց ժողովրդի մոտ։ Ծածանելով ազատության դրոշը, նա կոչ արեց ոտքի ելնել և պաշտպանել իրենց ազատությունը։

Ալմա 46․19-20

Երկրի բոլոր ծայրերից մարդիկ հավաքվեցին։ Նրանք խոստացան պահել Աստծո պատվիրանները և պայքարել ազատության համար։

Ալմա 46․21-22, 28

Երբ Ամաղիկիան տեսավ, թե որքան Նեփիացի է միացել Մորոնիին, նա վախեցավ։ Իր հետևորդների հետ նա հեռացավ և միացավ Լամանացիներին։

Ալմա 46․29-30

Մորոնին իր բանակով փորձեց կանգնեցնել նրանց, սակայն Ամաղիկիան և նրա մարդկանցից մի քանիսը կարողացան փախչել։

Ալմա 46․31-33

Մորոնին ամրացրեց ազատության դրոշը Նեփիացիների երկրի բոլոր աշտարակների վրա։ Նեփիացիները պահպանեցին իրենց ազատությունը և կրկին ապրեցին խաղաղության մեջ։

Ալմա 46․36-37