Tusi Lesona ma le Taimi o Fetufaaiga a le Peraimeri
Aoaoina o Tamaiti e i ai Manaoga Faapitoa

Aoaoina o Tamaiti e i ai Manaoga Faapitoa

Na aoao mai e le Faaola, “E aoaoina lau fanau uma lava e le Atua; e tele foi le manuia o lau fanau” (3 Nifae 22:13).

E i ai i taitai o le Peraimeri se tiutetauave e aoao atu ai le talalelei a Iesu Keriso i tamaiti uma, e aofia ai ma i latou e i ai manaoga faapitoa. O le Peraimeri o se nofoaga lea e tatau ona faafeiloai ai, alofagia, faafaileleina, ma faaaofia ai tamaiti uma. O lenei atemosifia ua faigofie ai i tamaiti uma ona malamalama i le alofa o lo tatou Tama Faalelagi ma Iesu Keriso ma lagona ma iloa ai le uunaiga a le Agaga Paia.

E matua taua i le Atua ia tamaiti taitoatasi. E manaomia e i latou taitoatasi le alofa, faaaloalo, ma le lagolagosua.

Fefaasoaai ma isi ao e galue e taulimaina ia manaoga o tamaiti o lau Peraimeri e i ai manaoga faapitoa.

  1. Fefautuaai ma matua o le tamaitiiti. E masani lava ona sili atu le silafia e matua o a latou fanau nai lo se isi. E mafai ona latou aoaoina atu oe i le taulimaina o ona manaoga, le tulaga o le gauai atu, ma auala e fiafia e aoao ai. Mo se faataitaiga, o ni isi o tamaiti e matua lelei lava le tali atu i musika, o isi o tala, o ata, o tusitusiga paia, po o feoaiga. Faaaoga ni auala eseese o metotia faafaiaoga, ia mautinoa e aofia ai ma auala e sili atu ona aoao ai tamaiti taitasi.

    Ata
    prayer, quiet time, singing time

    O ni isi o tamaiti e i ai manaoga faapitoa e lelei lava lo latou tali atu i fesoasoani vaaia. Faaaoga ni faaataataga e pei o loo faaali atu i i e iloa ai le taimi mo le tatalo, taimi e filemu ai, po o le taimi o pesepesega.

    E maua fika i le sharingtime.lds.org

  2. Fefautuaai ma isi taitai ma faiaoga o le Peraimeri. Tatalo ma galulue faatasi e saili ai ni auala e fesoasoani i tamaiti taitasi e aoao le talalelei a Iesu Keriso ma lagona le alofagia.

    Mo nisi faamatalaga i le auala e fesoasoani ai i tamaiti e i ai ni tulaga le atoatoa, tagai i le O Le Aoao Atu, E Leai Se Isi Valaauga E Sili Ai, 40–41, ma le disabilities.lds.org.

  3. Fefaasoaai faatasi ma le aufono a le uarota. Atonu e i ai i taitai Perisitua ma taitai o isi ausilali ni manatu i auala e fesoasoani ai i tamaiti e i ai manaoga faapitoa. I se tasi o uarota, na ofo mai e le vaega o le au faitaulaga sili latou te aumaia se “tama matua mo le Peraimeri” i vaiaso taitasi e nofo faatasi ma se tamaitiiti e i ai se manaoga faapitoa. (Afai e mafai, o le tagata lava lea e tasi i vaiaso taitasi.) Na fesoasoani lenei mea i le tamaitiiti e taulai atu ai i le lesona ma lagona le alofagia.

Na aoao mai e Elder M. Russell Ballard e faapea, “Ua manino mai, o i tatou ua tuuina mai i ai fanau pele, ua tuuina mai i ai se tiute paia, mamalu, aua o i tatou ia ua tofia e le Atua e siosioina fanau o aso nei i le alofa ma le afi o le faatuatua ma se malamalama po o ai i latou” (“O Le a Tele le Fiafia o Lau Fanau,” Liahona, Ape. 1994, 40).

Ata
group of children