Tusi Lesona ma le Taimi o Fetufaaiga a le Peraimeri
Aperila: E Aoaoina A’u e Iesu Keriso e Filifili le Mea Sa’o

Aperila

E Aoaoina A’u e Iesu Keriso e Filifili le Mea Sa’o

“Aua ua ou avatu le faaaoao ia te outou, e pei ona ou faia ia te outou, ia faapea lava e outou ona fai” (Ioane 13:15).

Pese: O se pese e te filifiliina e uiga ia Iesu Keriso mai le Tusipese a Tamaiti

Ia faaopoopo ni ou manatu i manatu ua tuuina atu iinei. I vaiaso taitasi, fuafua ni auala e (1) faailoa atu ai le aoaoga faavae, (2) fesoasoani i tamaiti ia malamalama i ai, ma le (3) fesoasoani ia i latou ina ia faaaogaina i o latou olaga. Fesili ifo ia te oe lava, “O le a se mea o le a fai e tamaiti e aoao ai, ma e mafai faapefea ona ou fesoasoani ia latou lagonaina le Agaga?”

Vaiaso 1: O Iesu Keriso o le faataitaiga sili lea mo a’u.

Uunaia le [agaga] malamalama (faitauina o tusitusiga paia ma tusi ni ata): Tusi i luga o se fasi pepa tele le fuaiupu lea, “O Iesu Keriso le faataitaiga sili lea mo a’u.” Oti le pepa i ni fasi pepa faigofie se fa o se paso. Tusi se tasi o fuaiupu nei i tua o fasi pepa taitasi o le paso:

Ata
children holding up pictures

Pe a aoao atu ni mataupu faavae o le talalelei, ia fesoasoani i tamaiti e saili ni auala e faaaoga ai i o latou olaga.

Usu le pese “O Loo Ou Taumafai e Avea e Pei o Iesu” (Liahona, Ape., 1990, 6–7). Fai atu i tamaiti e faamatala mai po o le a se mea o loo aoao mai e le pese. Faaali atu se ata o Keriso, ma ta’u atu i tamaiti na Ia aoaoina i tatou i le tele o mea e ala i Ana faataitaiga sili. Vaevae tamaiti i ni vaega se fa, ma tuu atu i vaega taitasi se pepa o le paso ma ni fasi pepa avanoa. Fai atu ia i latou e faitau faatasi le mau ona tusi lea o ni ata i le auala e mafai ai ona latou mulimuli i faataitaiga a Keriso. Valaaulia vaega taitasi e faamatala mai le latou mau ma ata ma faapipii le latou pepa o le paso i luga o le laupapa. Pe a uma ona tuufaatasi le paso, ia fai faatasi, “O Iesu Keriso o le faataitaiga sili lea mo a’u.”

Vaiaso 2 ma le 3: Na aoao a’u e Iesu Keriso i le ala sa’o e ola ai.

Faailoa atu le aoaoga faavae (usuina o se pese): Usu le pese “Filifili Le Ala Sa’o” (TT, 82–83), ma fesili i le afa o tamaiti e faalogo pe faapefea ona tatou maua le fiafia ma le isi afa e faalogo po o le a se mea o le a fesoasoani mai ma faasinoina mai ia i tatou le ala. Talanoa mea na aoaoina e tamaiti mai le pese.

Uunaia le [agaga] malamalama (taaalo i se taaloga taumatemate ma faitau tusitusiga paia): Saunia ia uputusi e aofia ai ia upu ma mau faasino nei: fia aai (Mataio 5:6); pupula (Mataio 5:16); alolofa (Mataio 5:44); ma le tatalo (Mataio 6:6). Faaali atu se ata o le Lauga i le Mauga. Faamatala atu na maliu ae Iesu i luga o le mauga e aoao Ona soo; o mea na Ia aoaoina ua ta’ua nei o le Lauga i le Mauga. Faaali atu se tasi o uputusi i le afa o le vasega, ma fai atu ia i latou e faatino le upu mo isi tamaiti e mate mai. Faitau faatasi le mau e talafeagai i ai, ma fesoasoani atu i tamaiti ina ia malamalama i le mea na aoao atu e Keriso ma le auala e mafai ona tatou mulimuli ai i Ana faataitaiga. Toe fai ma isi upu ma mau.

Ata
boy with hands as if praying
Ata
april wordstrips

E maua uputusi i le sharingtime.lds.org

Uunaia le faaaogaaga (ia talanoaina ni tulaga faatusa e aoao ai): Tusi i luga o ni fasi pepa se fa ia aoaoga nei a Iesu: (1) Fia aai ma fia inu i le amiotonu, (2) Ia pupula atu lo outou malamalama, (3) Alolofa atu i e ita mai, (4) Tatalo i le Tama Faalelagi. (Mafaufau e faaaoga ni ata o loo faailoa mai ai nei aoaoga mo tamaiti laiti.) Faapipii ia pepa i vaega eseese o le potu. Sauni ni tulaga faatusa e aoao ai (tagai i le AALVSA, 170–71) lea e fesoasoani i tamaiti ia malamalama i le auala e faaaoga ai nei aoaoga. Mo se faataitaiga, “O loo taufaalili se tasi i le aoga ia te oe ma fai ou pona. O le a se mea e te faia?” Toe iloilo ia mau mai le taaloga taumatemate o loo faamatalaina i luga, ma faasino i pepa o loo faapipii solo i le potu e faatatau i ia mau. Faitau se tulaga faatusa e aoao ai i tamaiti, ma valaaulia i latou e tutu ma faasaga i le pepa o loo i ai se aoaoga o le a fesoasoani ia i latou e filifiliina le mea sa’o. Fai atu i ni nai tamaiti e faasoa mai po o a ni filifiliga o le a latou faia.

Vaiaso 4: Ou te lagona le alofa o lo’u Faaola pe a ou taumafai e avea faapei o Iesu Keriso.

Uunaia le [agaga] malamalama (usuina o se pese ma faia ni filifiliga): Usu le pese “Le Alofa o Lo’u Faaola” (TT, 42–43). Tusi ni nai tulaga faatusa e aoao ai e faailoa atu ai se auala e mafai ona mulimuli ai se tamaitiiti i se tasi o aoaoga a Keriso. Ia aofia ai foi se mau faasino i le mea e maua ai lena aoaoga. O nisi nei o faataitaiga.

Na fai atu Sara i lona uso laitiiti e aua nei faaaogaina ana valigao, ae na faaaogaina lava e lona uso. Ina ia faapei o Iesu, e mafai e Sara ona:

  1. Ita i lona uso.

  2. Nana ana valigao.

  3. Faamagalo i lona uso.

    Mataio 18:21–22.

O loo taaalo soka ia Ioane ma ana uo, ae ia iloa atu loa se isi tamaitiiti o loo tutu na o ia e matamata i le taaloga. Ina ia avea faapei o Iesu, e mafai e Ioane ona:

  1. Taufaalili i le tamaitiiti mo le tutu na o ia.

  2. Le amanaiaina le tamaitiiti ae faaauau pea ona taaalo ma ana uo.

  3. Valaaulia le tamaitiiti latou te taaalo i le soka.

    Ioane 13:34.

Fai atu i se tamaitiiti e faitau se tasi o tulaga faatusa e aoao ai. Ona fai lea i ai e faitau taitasi ia tali. Valaaulia isi tamaiti e tutu pe a latou faalogo i le tali e mulimuli ai i le faataitaiga a Iesu. Valaaulia ni nai tamaiti e faitau leotele le mau, ma talanoa mea na aoao mai e Iesu. Talanoa pe faapefea i le mulimuli i faataitaiga a Iesu i nei tulaga ona fesoasoani ia i tatou e lagonaina le alofa o le Faaola. Ia fai soo ia tulaga faatusa e aoao ai taitasi.

Ata
girls reading scriptures

Fai i tamaiti e faitau leotele mai tusitusiga paia. Ia nofouta i tomai o tamaiti taitasi, ma fesoasoani ina ia auai taitasi ma le faamanuiaina.

Uunaia le faaaogaaga: Valaaulia tamaiti e fai le mea e finagalo Iesu latou te faia i lenei vaiaso. Ta’u atu ia i latou o le vaiaso a sau o le a talosagaina nisi o i latou e faasoa mai ni mea sa latou faia ma le auala sa latou lagonaina ai le alofa o le Faaola.

Fesoasoaniga mo le taitai musika

Ata
teacher holding up three fingers

Ina ia fesoasoani i tamaiti e aoao se pese fou, mafaufau i mea nei:

  • Valaaulia ia tamaiti e faailoa mai pe a latou usuina se upu faapitoa pe faitau i o latou tamatamailima pe faafia ona latou usuina se upu. Mo se faataitaiga, usu le pese “Na Ia Auina Mai Lona Alo” (TT, 20–21), ma fai atu ia i latou e faitau i o latou tamatamailima pe faafia ona latou usuina ia upu “Lona Alo.”

  • Filifili se ata ma se upu e suitulaga i fuaiupu taitasi o se pese, ona tuu lea i luga o se fasi pepa. Mo se faataitaiga, pe a e usuina le pese “Na Ia Auina Mai Lona Alo” (TT, 20–21), ia faailoa atu le fuaiupu “Faapefea na faaali mai e le Tama le alofa?” faatasi ai ma se ata o le fatu ma le upu alofa. Mo le fuaiupu “Na Ia auina mai le Alo ma le filemu,” faaali atu se ata o le fanau mai o Iesu ma le upu filemu. E mafai ona e faaaofia ai tamaiti e ala i lou tuuina atu ia i latou o ata e uu a o latou pepese.