« យើងនិយាយអំពីព្រះគ្រីស្ទ » លីអាហូណា ខែ មីនា ឆ្នាំ ២០២៤ ។
សម្រាប់មាតាបិតា
យើងនិយាយអំពីព្រះគ្រីស្ទ
Placeholder credit line
គោរពជូនមាតាបិតា
នីហ្វៃបានបង្រៀនប្រជាជនរបស់លោកថា វាចាំបាច់ប៉ុនណាដើម្បីដាក់ព្រះអម្ចាស់ពីមុនអ្វីៗទាំងអស់នៅក្នុងជីវិតរបស់យើង ។ លោកបានសរសេរថា « យើងនិយាយអំពីព្រះគ្រីស្ទ យើងអររីករាយក្នុងព្រះគ្រីស្ទ យើងផ្សាយអំពីព្រះគ្រីស្ទ យើងព្យាករអំពីព្រះគ្រីស្ទ ហើយយើងសរសេរ ស្របតាមពាក្យព្យាករណ៍ទាំងឡាយរបស់យើង ដើម្បីឲ្យកូនចៅយើងអាចដឹងថា តើត្រូវស្វែងរកប្រភពទឹកណាមួយ ដើម្បីឲ្យបានផ្ដាច់បាបរបស់ពួកគេ » ( នីហ្វៃទី២ ២៥:២៦ ) ។ បងប្អូនអាចពិនិត្យមើលអត្ថបទខាងក្រោមនេះជាមួយនឹងគ្រួសាររបស់បងប្អូន ដើម្បីចង្អុលបង្ហាញដល់ពួកគេ និងអ្នកដទៃទៀតដែលបងប្អូនស្រឡាញ់អំពីដំណឹងល្អរបស់ព្រះយេស៊ូវគ្រីស្ទ ទៅកាន់ការណែនាំរបស់ទ្រង់ និងគោលការណ៍ដ៏ឈ្លាសវៃដែលនឹងជួយយើងឲ្យស្វែងរកទ្រង់នៅក្នុងពិភពដ៏ទំនើប និងរញ៉េរញៃរមួយនេះ ។
ការពិភាក្សាអំពីដំណឹងល្អ
ដំណឹងល្អរបស់ព្រះយេស៊ូវគ្រីស្ទគឺសម្រាប់មនុស្សគ្រប់រូប
មនុស្សទាំងអស់ត្រូវការសេចក្ដីសង្ឃឹម និងការប្រោសលោះនៃដំណឹងល្អ និងដង្វាយធួនរបស់ព្រះយេស៊ូវគ្រីស្ទ ។ សូមពិភាក្សាជាមួយគ្រួសាររបស់បងប្អូនអំពីការបង្រៀនមួយចំនួនមកពីអត្ថបទរបស់អែលឌើរ ជែហ្វ្រី អ័រ ហូឡិន អំពីរបៀបដែលបងប្អូនអាចស្រឡាញ់ ចែកចាយ និងអញ្ជើញនរណាម្នាក់ឲ្យទទួល ហើយឱបក្រសោបដំណឹងល្អរបស់ព្រះយេស៊ូវគ្រីស្ទបាន ( សូមមើល ទំព័រ ៤ ) ។
គោលការណ៍ដ៏ឈ្លាសវៃសម្រាប់ការប្រើប្រាស់ក្នុងប្រព័ន្ធផ្សព្វផ្សាយ
បច្ចេកវិទ្យា និងប្រព័ន្ធផ្សព្វផ្សាយគឺជាឧបករណ៍ដែលមានប្រយោជន៍នៅពេលប្រើបានត្រឹមត្រូវ ។ សូមពិនិត្យមើលគោលការណ៍ណែនាំមួយចំនួននៅលើទំព័រ ២២ និងពិភាក្សាអំពីបទដ្ឋានរបស់គ្រួសាររបស់បងប្អូនសម្រាប់ការប្រើប្រាស់ប្រព័ន្ធផ្សព្វផ្សាយ ។ ដោយប្រើ « សំណួរដើម្បីពិចារណា » សូមពិចារណាអំពីអ្វីខ្លះដែលដំណើរការបានល្អ និងអ្វីខ្លះដែលអាចកែលម្អឲ្យបានប្រសើរឡើង ។
ការដើរតាមព្រះអង្គសង្គ្រោះដោយសេចក្តីជំនឿ
នៅក្នុងអត្ថបទរបស់លោកនៅលើ ទំព័រ ៤០ អែលឌើរ បេនយ៉ាមីន អិម ហ្ស៊ី តៃ ចែកចាយនូវវិធីបួនយ៉ាងដែលព្រះអង្គសង្គ្រោះជួយដល់យើង ។ បន្ទាប់ពីពិនិត្យឡើងវិញនូវរឿងទាំងនេះជាមួយគ្រួសាររបស់បងប្អូនហើយ សូមពិភាក្សាអំពីរបៀបដែលបងប្អូនទទួលបានជំនួយ នៅពេលដែលបងប្អូនដើរតាមព្រះអង្គសង្គ្រោះដោយសេចក្ដីជំនឿ ។