« តើសេចក្ដីពិតអ្វីខ្លះនៅក្នុង នីហ្វៃទី១ និង នីហ្វៃទី២ បង្រៀនយើងអំពីព្រះយេស៊ូវគ្រីស្ទ ? » លីអាហូណា ខែ មីនា ឆ្នាំ ២០២៤ ។
ចូរមកតាមខ្ញុំ
តើសេចក្ដីពិតអ្វីខ្លះនៅក្នុង នីហ្វៃទី១ និង នីហ្វៃទី២ បង្រៀនយើងអំពីព្រះយេស៊ូវគ្រីស្ទ ?
នៅជិតចុងបញ្ចប់នៃការសរសេររបស់លោក នីហ្វៃ និយាយថា « បើសិនជាអ្នកជឿដល់ព្រះគ្រីស្ទ នោះអ្នករាល់គ្នាក៏នឹងជឿដល់ពាក្យទាំងនេះដែរ » ( នីហ្វៃទី២ ៣៣:១០ ) ។ សេចក្ដីពិតជាច្រើនអំពីចរិតលក្ខណៈ ព្រះជន្ម និងដង្វាយធួនរបស់ព្រះអង្គសង្គ្រោះមាននៅក្នុងអ្វីដែលយើងបានសិក្សានៅក្នុងព្រះគម្ពីរមរមនរហូតមកដល់ឆ្នាំនេះ ។
ចូរមកឯខ្ញុំ ដោយ អ៊ីវ៉ា ធីម៉ូធី
ចរិតលក្ខណៈរបស់ព្រះគ្រីស្ទ
-
ទ្រង់ពោរពេញទៅដោយការអត់ធន់ សេចក្ដីសប្បុរស និងការអត់ធ្មត់ ( សូមមើល នីហ្វៃទី១ ១៩:៩ ) ។
-
ទ្រង់នឹងចងចាំយើងជានិច្ច ( សូមមើល នីហ្វៃទី១ ២១:១៤–១៦ ) ។
-
ទ្រង់អញ្ជើញពួកគេទាំងអស់គ្នាឲ្យមករកទ្រង់ ( សូមមើល នីហ្វៃទី២ ២៦:២៤, ៣៣ ) ។
ពន្លឺ និងសេចក្ដីពិត ដោយ ស៊ីម៉ូន ឌូវី
ការងារបម្រើរបស់ព្រះគ្រីស្ទ
-
ទ្រង់បង្រៀនដំណឹងល្អរបស់ទ្រង់ ហើយបានប្រោសអ្នកឈឺឲ្យជាសះស្បើយ ( សូមមើល នីហ្វៃទី១ ១១:២៤, ២៧–៣១ ) ។
-
ទ្រង់ធ្វើជាគំរូនៃការគោរពប្រតិបត្តិដោយបានទទួលពិធីបុណ្យជ្រមុជទឹក ( សូមមើល នីហ្វៃទី១ ១០:៩; នីហ្វៃទី២ ៣១:៧–១២ ) ។
-
ទ្រង់ត្រូវគេឆ្កាង តម្កល់នៅក្នុងផ្នូរមួយ ហើយបានយាងទៅជួបពួកសាសន៍នីហ្វៃក្រោយពីទ្រង់បានមានព្រះជន្មរស់ឡើងវិញ ( សូមមើល នីហ្វៃទី១ ១៩:១០–១១; នីហ្វៃទី២ ២៦:១ ) ។
ការឆ្កាងរបស់ព្រះគ្រីស្ទ មិនស្គាល់វិចិត្រករ
ដង្វាយធួនរបស់ព្រះគ្រីស្ទ
-
ទ្រង់បានប្រោសលោះយើងតាមរយៈពលិកម្មរបស់ទ្រង់ ( សូមមើល នីហ្វៃទី២ ២:៦–៧ ) ។
-
ទ្រង់បានធ្វើ « ដង្វាយធួនដ៏និរន្តរ៍ » ដែលអាចយកឈ្នះលើសេចក្ដីស្លាប់ខាងរូបកាយ និងខាងវិញ្ញាណបាន ( នីហ្វៃទី២ ៩:៥–២២ ) ។
-
ទ្រង់អាចផ្តល់អំណាចដល់យើង នៅពេលយើងមានសេចក្តីជំនឿនៅលើទ្រង់ ហើយជ្រើសរើសប្រែចិត្ត ( សូមមើល នីហ្វៃទី២ ៣១:១៣ ) ។