Haʻu, ʻo Muimui ʻIate Au: Tohi ʻa Molomoná
Te u lava fēfē nai ke lotu ʻi he founga naʻe akoʻi ʻe he Fakamoʻuí?
(28 Sepitema–11 ʻOkatopa)
Ko e taimi naʻe ʻaʻahi ai ʻa Sīsū ki he kakai Nīfaí, naʻe tuʻo 11 ʻa ʻEne lotu fakataha mo kinautolú. Naʻe fakafou ʻi Heʻene folofolá mo e sīpingá ʻa ʻEne akoʻi kiate kinautolu ʻa e founga totonu ʻo e lotú. ʻOku hokohoko atu ʻe he kau palōfita, kau tangata kikite, mo e kau tangata maʻu fakahā ʻo e ngaahi ʻaho kimui ní ke akoʻi ʻa e meʻa naʻe akoʻi ʻe he Fakamoʻuí fekauʻaki mo e lotú. Ko ha ngaahi sīpinga ʻeni ʻe niʻihi:
|
Ko e meʻa naʻe akoʻi ʻe he Fakamoʻuí |
kau tangata kikite, mo e kau tangata maʻu fakahā ʻo |
|
Lotua e niʻihi kehé (vakai, 3 Nīfai 17:14, 17, 21; vakai foki, 3 Nīfai 18:23) |
“[ʻOku] fakalahi ʻa ʻetau malava ke fakafanongo pea fai ki he leʻo ʻo e ʻEikí ʻi heʻetau lotua ʻa e niʻihi kehé ʻaki ʻa e kotoa hotau lotó.”1 |
|
“Leʻo mo lotu maʻu ai pē” (3 Nīfai 18:15) |
“ʻOku fakafou ʻi he lotu moʻoni mo fakamātoató ʻa ʻetau malava ke maʻu ʻa e ngaahi tāpuaki mo e tokoni ʻoku tau fie maʻú ke tau ʻiloʻi ai hotau hala ʻi he fononga faingataʻa ko ʻeni ʻoku tau ui ko e moʻui fakamatelié.”2 |
|
“Mou lotu ʻi homou ngaahi fāmilí” (3 Nīfai 18:21; vakai foki, 3 Nīfai 17:3) |
“Kapau te mou … [kau] ʻi he lotu fakafāmili fakaʻahó, …te mou maʻu e ngaahi tāpuaki kuo talaʻofa mei he ʻEikí ʻi he ohi hake ha hako māʻoniʻoní.”3 |
|
ʻOua ʻe lea ʻaki ʻa e ngaahi lea tatau pē (vakai, 3 Nīfai 19:24; vakai foki, 3 Nīfai 13:7) |
“ʻOku totonu ke mahinongofua, fakahangatonu, pea ʻi he loto-moʻoni ʻa ʻetau ngaahi lotú.”4 |
|
“Hoko atu [ʻetau] lotú” (3 Nīfai 19:26) |
“Faʻa lotu. Lotu ʻi ho ʻatamaí, pea ʻi ho lotó. Lotu tūʻulutui. Ko e lotú ko hoʻo kī fakatāutaha ia ki he langí. Ko e loká ʻoku ʻi he tafaʻaki ia ʻo e veilí ʻokú ke ʻi aí.”5 |