Naunau Fakalēsoni ʻo e Seminelí ke Fakatatau mo e Haʻu, ʻo Muimui ʻIate Aú
ʻE vavé ni pē hano fakatatau e ako semineli ʻi he funga ʻo e māmaní ki he naunau fakalēsoni mo e taimi-tēpile ʻo e Haʻu, ʻo Muimui ʻIate Aú, ko ha liliu te ne fakatupulaki ʻa e feinga ko ia ke fakatefito ʻi ʻapi ʻa hono ako ʻo e ongoongoleleí, pea poupou ki ai ʻa e Siasí ʻo fakafou ʻi hono fakatahaʻi ʻa e ako ʻi ʻapí, Lautohi Faka-Sāpaté, mo e seminelí.
ʻE kamata ʻi he 2020 ʻa hono ako ʻe he ngaahi kalasi seminelí ʻa e tohi folofola tatau mo ia ʻoku fakaʻaongaʻi ʻe he naunau fakalēsoni Haʻu, ʻo Muimui ʻIate Aú he taʻu takitaha. ʻE muimui e lēsoni fakaako ʻa e seminelí ʻi he hokohoko ʻo e tohi māhina fakataʻú (annual calendar), kae ʻikai ko e tohi māhina ʻa e akó (school-year calendar).
Neongo ʻe kei hoko atu pē e ngaahi kalasi seminelí ke fakatefito ʻi he ʻū tohi folofolá, ka ʻe lahi ange e fakatefito ʻa e naunau fakalēsoní ʻi he tokāteliné pea ʻe tokoni ia ke fakamālohia, maluʻi mo teuteuʻi e toʻu tupú ki he ngāue fakafaifekaú, malí, mo e ngāue ʻi he Siasí.