Inaaj Bar Lo E
Jān Reyna I. Aburto
Rikakpilōklōk eo Kein Karuo ilo Doulul eo Eutiej an Kōrā ro
Iaar rūttoļo̧k ilo Nicaragua. Ke iaar dik, iaar kōm̧m̧ane aolep men ippān ļaddik eo jeiu. Kōm kar etetal laļļo̧k n̄an jikuuļ. Kōm kar etal n̄an mon wia ippān doon. Eaar wōr aolep ļam in m̧akūtkūt ko ilo meļaaj eo am. Kōm kar m̧ōņōņō.
Innām, ke eaar ruatimjuon aō iiō, juon men ekanooj in ekabūrom̧ōjm̧ōj eaar waļo̧k. Ļaddik eo jeiū eaar mej ilo juon m̧akūtkūt in laļ. Ilo jino in ekar jab m̧ool in ke eaar jako. Ikijon̄ ļōmņak bwe enaaj kar kōļaļļaļ ilo kōjām eo am. Emaron̄ kar jiron̄ kōm ekar pād ilo juon jikin ettoļo̧k. Ikijon̄ kalimjōk kōjām eo, kōņaan bwe en kar waļo̧k. Iaar lukkuun kōņaan bar lo e.
Emootļo̧k iien, eaar pidodoļo̧k. Ij būrom̧ōj wōt kōn ļaddik eo jeiū, bōtaab iaar maron̄ bar en̄jake m̧ōņōņō.
Iien ko, iaar jab juon uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata. Ak ke iaar rūttoļo̧k, iaar ekkatak kōn Kabun̄ in im kar peptaij. Juon raan iaar kwaļkoļ kōnno̧. Ekar iien Ijtō. Iaar kōļmeļo̧kjen kōn Jerkakpeje eo im kar ļōmņak kōn laddik eo jeiū.
Em̧ōkaj an juon en̄jake kar itok iooō. Iaar keememejļo̧k ettōņak eo aō kōn ļaddik eo jeiū. Iaar kile ke eaar jap kōjak n̄an jidik! Eaar itok jān Jetōb Kwojarjar, n̄an kaenōm̧m̧an eō im tōl eō. Juon raan ļaddik eo jeiū enaaj lukkuun jerkakpeje. Innām inaaj lukkuun bar lo e juon alen.
Eļan̄n̄e juon eo ejito̧n bōro ippam̧ em̧ōj an mej, Em̧m̧an bwe jen oon̄ kake er im en̄jake būrom̧ōj. Kōnono ippān baam̧le eo am̧ ak juon eo erūtto n̄ekopojak. Jar n̄an Jemedwōj Ilan̄ kōn wāween am̧ en̄jake. E enaaj jipan̄ eok bar en̄jake aenom̧m̧an.
Jekdo̧o̧n ta, keememej bwe Jisōs Kraist ej iakwe eok. Ilo Ijtō jej keememej katok eo An n̄an kōj. Kōnke kōn E, jenaaj aolep jerkakpeje im jenaaj jokwe ippān baam̧le ko ad nan indeeo.
Kaat in Kaenōm̧m̧an ko
M̧wijitiļo̧k kaat kein. Komaron̄ lim jimettan ak kojerbali n̄an kein kōkaļļe bok ko. Likūt er ilo ilo jeje ko rekwojarjar ko am̧ ak bar juon jikin n̄an kalimjoki n̄e kwoj būrom̧ōj, ajimakeke, ak leln̄on̄.
“I jāmin likūt kom̧ atajinemjen: I naaj iwōj n̄an kom̧.”
Jon 14:18
“Im Anij enaaj kōm̧ōrāik dānnin kōmjaalaļ otemjej jān mejeir.”
Revelasōn 21:4
“Kom̧in m̧ōņōņō, im jab mijak, bwe N̄a Irooj Ij pād ippemi, im naaj jutak ippemi.”
Katak im Bujen ko 68:6